O pasado luns levamos a cabo o acto programado, que tivemos que pospoñer, para esta data Todo o centro participou nesta actividade, conducida polo alumnado de Oratoria, que leu poemas dunha selección elaborada polo equipo de biblioteca. Ademais, os alumnos e alumnas de secundaria interpretaron as cancións que compuxeron na materia de Música.
Xa está aquí o Entroido, petando nas nosas portas. Así que imos recibilos cun cantos recursos para aqueles e aquela que queiran ampliar os seus coñecementos:
O Día da Candeloria "casan os paxariños" segundo di a tradición popular, posto que é a época na que as aves comezan a buscar as súas parellas. O refraneiro tamén alude a esta data con referencias meteorolóxicas: "Cando a Candeloria chora, medio inverno vai fóra; que chore, que deixe de chorar, mitá do inverno está por pasar".
Refráns e expresións populares refírense a que estamos na metade do inverno, medran os días e xa falta menos para a primavera. Curiosamente esta data coincide co Groundhog Day, Día da marmota, que se se conmemora nalgunhas localidades de Canada e USA e que foi levado ao cine na película Atrapado no tempo.
Nós decidimos unirnos a celebración desta data coa lectura por parte do alumnado de 4º de secundaria do poema "A candeloria" do libro Proel de Lois Amado Carballo.
Para saber máis:
Pois xa estamos case no verán e non podían faltar as nosas suxestións lectoras e os nosos mellores desexos para as vacacións.
Lembrámosvos tamén que na nosa aula virtual podedes atopar o espazo Lendo en Sansa con enlaces, recursos e bibliotecas dixitais.
O 17 de maio está aí e nós quixemos contribuír ás actividades que se realizan no centro cunha selección de recursos e unha guía de suxestións.
Unha semaniña completa de actividades foi a dedicada este curso ao Día do Libro: marcapáxinas e amadriñamentos/apadriñamentos en EI e EP:
Carteis, círculos de lectura e concurso Buscando ao escritor ou escritora perdidos en secundaria:
O alumnado de 2º de secundaria realizou un mural con textos de escritoras clásicas da literatura infantil e xuvenil. Pensamos que sería unha boa idea elaborar unha guía de suxestións con algúns dos libros destas para comezar as conmemoracións do Mes do Libro.
Lembrade tamén que podedes atopar algún destes libros e moitos máis en E-LB.2 a plataforma de préstamo de contidos dixitais.
Unímonos á conmemoración do Día do Libro Infantil o pasado 2 de abril, data do nacemento de Hans Christian Andersen.
 | ||
| Alumna lendo a mensaxe de Rian Visser |
Estamos a piques de entrar na nova estación e con ela nas vacacións. A nós, coma xa sabedes, gústanos moito recomendar a lectura para estes longos días estivais, así que, deixámosvos un enlace cunha sección da nosa aula virtual, Lendo en Sansa, na que poderedes atopar suxestións de lectura e recursos para seleccionar estas.
Felices vacacións de verán!
O pasado mércores o alumnado de 4º de ESO asistiu á unha charla coa poeta Yolanda Castaño organizada pola Biblioteca Municipal.
O xoves 21 de marzo o alumnado de 4º de secundaria visitou Mondoñedo. Alí dividíronse en dous grupos: un visitou as Covas do Rei Cintolo e outro realizou un roteiro literario por Mondoñedo e visitou o Museo Casa Cunqueiro. Posteriormente reuníronse todos para ir a Lourenzá onde lembramos a Paco Fernández del Riego.
Esta actividade, organizada pola Biblioteca e o EDLG, permitiunos ver a máquina de escribir coa que Cunqueiro nos axuda aínda hoxe a soñar a través das letras.
O martes 2 de abril o alumnado de Educación Infantil asistiu ao espectáculo "A Orixe" de Raquel Queizás na Casa da Cultura,
organizado pola Biblioteca Municipal co gallo do Día Internaciónal do Libro Infantil.
Poderás atopar máis información na nosa web.
O IBBY (International board on books for young people) chama á conmemoración do Día do Libro Infantil o 2 de abril. A sección patrocinadora deste ano é Xapón que difunde a mensaxe de Eiko Kadono e o cartel de Nana Furiya co lema "Navega polos mares coas alas da túa imaxinación".
O alumnado de 2º e 3º de ESO realizou un mural con recortes de xornais e novas que lles gustaría ler.
Tamén tivemos unha pequena exposicións de xornais na entrada do edificio de secundaria.
Estámonos achegando ao Día do Libro e nós temos programadas xa as actividades que se desenvolveran. A Consellería de Cultura Educación, Formación profesional e Universidades convídanos a celebralo cun cartel moi especial cuxo texto elaborou Montse Pena Presas.
Un ano máis chegaron decembro, o inverno e o Nadal que agardamos teñan os seus intres para a lectura.
 | |||
| Franz Skarbina, Mercado de Nadal en Berlín (1892) |
"Intres" nos que achegarnos a algunhas das lecturas do noso curruncho de Nadal na aula virtual ou das propostas por outras bibliotecas escolares.
"Intres" para buscar unha lectura nunha árbore moi especial que xa levades vendo ao longo destes días.
O equipo de biblioteca de EI e EP vén de preparar un boletín coas novidades adquiridas para esta data: Lecturas en Violeta. Novidades ben interesantes que, coma sempre, podedes atopar alí onde o mundo se chama biblioteca.
