Centro

viernes, 23 de marzo de 2018

Lembrando as nosas suxestións

Achéganse uns días de vacacións e nós queremos lembrarvos as nosas guías de suxestións de lectura que podedes atopar neste blogue e na aula virtual (a partir do curso 2016-2017). Por certo, tamén neste nosa bitácora aparecen moitos libros que poden ser do voso interese coa etiqueta "suxestións de lectura".

A lectora de Frank Weston Benson

jueves, 22 de marzo de 2018

Día Mundial da Poesía II: Lembrando a Xohana Torres


Xohana Torres naceu en Santiago de Compostela o 22 de novembro de 1929 e faleceu en Vigo o 12 de setembro de 2017. Xohana (quen por certo está moi ligada a Ferrol onde pasou a súa infancia e mocidade) escribiu narrativa, teatro e poesía. Cultivou tamén a literatura infantil e xuvenil en galego con obras coma Polo mar van as sardiñas e Pericles e a balea



 Penélope




                                                  DECLARA o Oráculo:

                                                        "QUE a banda do solpor é mar de mortos,
                                                         incerta, última luz, non terás medo.


                                                         QUE ramas de loureiro erguen rapazas.
                                                         QUE cor malva se decide o acio.


                                                         QUE acades disas patrias a vendima.
                                                         QUE amaine o vento, beberás o viño.


                                                         QUE sereas sen voz a vela embaten.
                                                         QUE un sumario de xerfa polos cons".


                                                         Así falou Penélope: 
 
                                                        "Existe a maxia e pode ser de todos.
                                                         ¿A que tanto novelo e tanta historia?

                                                                             EU TAMEN NAVEGAR"

miércoles, 21 de marzo de 2018

Día Mundial da Poesía


A poesía é unha fiestra á diversidade excepcional da humanidade.
Irina Bokova (Directora Xeral da UNESCO)
O Día Mundial da Poesía conmemorase cada 21 de marzo por proposta da UNESCO aprobada no seu 30º período de sesións. 

Pergamiño Vindel (Pierpont Morgan Library)





lunes, 19 de marzo de 2018

Lembrando a Stephen Hawking

Hoxe lembramos as obras que Hawking escribiu en colaboración coa súa filla Lucy. Empezamos cunha que moitos e moitas de vós coñecedes: La clave secreta del universo.


Posteriormente publicaron El origen del Universo.


E tamén El Tesoro Cósmico:

viernes, 16 de marzo de 2018

Stephen Hawking in memoriam

Hawking aproveitaba cada minuto coma se fose un regalo.
Jorge Mira


O pasado día 14 recibimos a nova do pasamento do físico, astrofísico cosmólogo e divulgador científico Stephen Hawking. Jorge Mira lémbranos a súa importancia coma científico e divulgador nunha entrevista en GCiencia:

A verdade é que era o científico máis famoso da actualidade; e despois de Einstein, ninguén tivo o eco popular que chegou a ter Hawking. (...)

E por outra banda, Breve historia do tempo supón un antes e un despois na divulgación científica. Estivo catro anos entre os libros máis vendidos do mundo, e estímase que chegou a vender unha copia por cada 750 persoas que hai no mundo; foron unhas cifras que supuxeron un salto a nivel mundial.
Jorge Mira

Mira, catedrático de Electromagnetismo na USC, lembra tamén nesta mesma entrevista a gran calidade humana de Hawking:

E iso facía que aproveitara cada minuto coma se fose un regalo. Para a xente que estaba enferma, ou nunha situación mala, ver a Hawking era un xute de ganas de vivir. Porque el sabía o que era ter problemas de verdade desde moi novo. E iso tamén lle facía ter unha gran calidade humana. Ás veces era difícil que cadrase a axenda para atender a importantes autoridades, pero se acudía a velo unha persoa con problemas, el sempre atopaba un oco. 
Jorge Mira 

E as súas visitas a Galicia:

Percorreu Santiago, estivo en Noia, pola Costa da Morte, no cabo Fisterra… Todo o mundo que veu con el quedou cunha boa impresión, e conectamos tamén con eles a nivel humano.

Para saber máis:

jueves, 15 de marzo de 2018

Mil grazas Dores



Un ano máis e grazas á colaboración da Biblioteca Pública Municipal a poeta Dores Tembrás estivo entre nós o pasado 8 de febreiro para impartir dous obradoiros de poesía: una para o alumnado de 6º de EP e outro para o de 2º de ESO.

cartografía de palabras
repetir cada signo
dentro da cuadrícula
papel en branco
pozo infindo
as palabras esvaran
por iso sempre cuadrículas
para salvalas
pequenas casas
onde vivir para sempre
Dores Tembrás

Asistir a un obradoiro de Dores é emocionarse e vivir a poesía, saber que esta é o cerne da nosa vida e que está aí tan presente... Aínda que non nos decatemos. Mil grazas Dores, por lembrárnolo e mil grazas á bibliotecaria municipal por colaborar con nós coma sempre!

miércoles, 14 de marzo de 2018

As nosas grúas de papel

O martes 6 de febreiro levamos a cabo na sala de secundaria da biblioteca un pequeno obradoiro de origami. Queriamos elaborar grúas para conmemorar o Día da Paz e lembrar a Sadako Sasai



lunes, 12 de marzo de 2018

Día Internacional da Muller V: as actividades do noso centro

Estes días no noso centro realizáronse moitas actividades sobre o Día Internacional da Muller. Entre eles figura unha interesante exposición e un photocall que nos invita a pensar e reflexionar ao mesmo tempo que deixamos testemuño gráfico. Moitos parabéns por estas dúas interesantes iniciativas sobre as que se pode atopar máis información na nosa web.

viernes, 9 de marzo de 2018

Día Internacional da Muller IV: Pioneiras

Un álbum sobre doce mulleres galegas que foron pioneiras en diversos ámbitos: fútbol, xornalismo, medicina... Un álbum moi utilizado, por certo, estes días no noso centro nas diversas etapas educativas.






jueves, 8 de marzo de 2018

Día Internacional da Muller III: taboleiros de literatura infantil e xuvenil galega para a igualdade

Atopamos no blogue Rede Lectura nova da publicación de dous taboleiros en Pinterest de libros de literatura infantil e xuvenil para a igualdade por parte de Pilar Sampedro. O nome, Rapazas 25, alude aos 25 anos da publicación do libro de relatos Rapazas polo noso sempre lembrado Agustín Fernández Paz.



miércoles, 7 de marzo de 2018

Día Internacional da Muller II: exposición de fondos

Ao longo do mes de marzo podedes visitar a nosa exposición de fondos para secundaria. Tamén elaboramos unha pequena presentación con fotografías e textos de escritoras a que podedes acceder premendo aquí.


martes, 6 de marzo de 2018

Día Internacional da Muller: Unha escritora, unha personaxe histórica e unha novela

Isabel Zendal é unha das figuras sobre as que estamos a traballar no centro nestas datas; por isto decidimos elaborar unha presentación sobre ela e a escritora María Solar, autora da novela Os nenos da varíola na que Isabel ten un importante papel. Premede aquí se queredes coñecer a nosa pequena homenaxe a esta muller (nada en Ordes en 1773) a quen a OMS considera a primeira enfermeira da historia en misión internacional e tamén a unha das nosas escritoras e xornalistas máis recoñecidas, a compostelá María Solar. 


viernes, 2 de marzo de 2018

Día de Rosalía: Abride a fiestra! V

Rosalía debuxada pola súa filla Alejandra

Son numerosos os medios de comunicación que se fixeron eco do Día de Rosalía. Como non podemos reseñalos todos, escollemos un programa de radio sobre o mundo literario galego presentado por María Solar: Chamando á Terra (24/02/2018).