E non deixamos a Verne aínda: Cando Verme amarrou en Vigo

Un arquéologo e un mociño tratan de impedir o saqueo dos galeóns de Rande. E para cumprir o seu propósito mesmo pedirán axuda ao escritor francés Jules Verne, quen vén de recalar en Vigo nunha das súas viaxes a bordo da goleta  Saint-Michel.

Para saber máis:

• Cando Verne amarrou en Vigo no blogue do Club de Lectura IES Pazo da Mercé.

E seguimos con Verne: Nemo o rapaz sen nome

E quen foi Nemo? Porque Verne non nos acabou de contar cal fora a súa historia, de feito, só nos suxería o seu pasado. O escritor e xornalista italiano Davide Morosinotto narra a historia do enigmático mociño que despois sería capitán do Nautilus na súa novela Nemo o rapaz sen nome. Así que, viaxemos da súa man ao ano 1829 cando un coche de cabalos recolle a un rapaz alto e moi fraco no porto de Le Havre para trasladalo a un colexio nas aforas de Paris... 

Verne, Vigo e Sanjurjo Badía

Se quedastes con ganas de saber máis sobre Verne e Sanjurjo Badía, o documental Xulio Verne, tres homes e un destino, emitido pola TV, pódevos axudar e tamén ensinarvos a investigar. Premede aquí se queredes velo. 

Jules Verne fotografiado por Félix Nadar

Verne e Vigo

Jules Verne visitou Vigo en dúas ocasións: en 1878 e 1884. Porén, o escritor francés xa convertera a cidade olívica nun dos espazos presentes na súa novela Vinte mil leguas de viaxe submarina. O historiador Eduardo Rolland datou a chegada do Nautilus, o submarino no que viaxaba polos mares de todo o mundo o Capitán Nemo (protagonista da novela), un 18 de febreiro de 1868 nun artigo publicado en La Voz de Galicia que se titula "El Nautilus llega a Vigo".

Sanjurjo Badía

Un dos personaxes que ten moita importancia no desenvolvemento da novela Jules Verne e a vida secreta das mulleres planta de Ledicia Costas é o inventor Antonio Sanjurjo Badía, quen deseñou e construíu un pequeno submarino, que el chamaba boia submarina, en 1898. Cal será a relación de Sanjurjo Badía e o seu submarino cos protagonistas da novela?

            
Para saber máis:

• Biografía en Vigopedia.
• "Vigo reflota el submarino de Sanjurjo Badía" en El Faro de Vigo.

Maio de Letras Galegas en xuño tamén: Jules Verne e a vida secreta das mulleres plantas

Jules Verne e a vida secreta das mulleres plantas de Ledicia Costas é un destes libros que cando os ves dis: con este título seguro que non me defrauda. E así é, porque Ledicia Costas é capaz de combinar imaxinación e historia dun forma cativante nesta novela na que Vigo, a cidade da autora, e as Illas Cíes teñen unha importante presenza ao igual que o escritor francés Verne.

Para saber máis sobre a novela:

• "Ledicia Costas publica Jules Verne e a vida secreta das mulleres planta" na web da CRTVG.

  E aí é onde radica a felicidade: en atreverse a gozar con total entrega da marabillosa e fascinante aventura de vivir.

  Ledicia Costas: Jules Verne e a vida secreta das mulleres planta