Centro

martes, 30 de junio de 2015

Para írmonos despedindo: "Summertime"

"Summertime" é o nome dunha aria da ópera Porgy and Bess do compositor norteamericano George Gershwin.  Ademais é, sen lugar a dúbidas, unha das pezas musicais máis versionadas da historia.

Esta é unha das mellores versións, ao noso entender, a de Ella Fitzgerald, que nos permite unha vez máis deleitarnos  coa súa marabillosa voz.
Se queredes sabe como soa a aria cantada por unha soprano no seguinte vídeo podedes escoitar a Leontyne Price.

lunes, 29 de junio de 2015

Creación... e reciclaxe

Agora que rematamos é tempo de lembrar algunhas das actividades de creación desenvolvidas ao longo do curso, coma os poemas "meteorolóxicos" escritos polo alumnado de 4º de ESO cos que compuxemos un pequeno caderniño no que figuran fotografías dos seus compañeiros de 3º. O título elixido foi o dun poema de Luís Amado Carballo: "Pandeirada do bo e do mal tempo".
Os nosos alumnos e alumnas de 3º de ESO amosaron o seu bo ollo fotográfico ao longo do curso, como podemos observar neste vídeo, titulado Instantes na memoria, que recolle algunhas das fotografías realizadas na materia de Educación plástica e visual.



Por outra banda, ao longo do curso moitos deles colaboraron no proxecto de reciclaxe e hai dúas semanas percorreron Narahío nunha fermosa xornada de convivencia. 

viernes, 26 de junio de 2015

Ópera-apaixonados VIII

Andabamos dándolle voltas a que aria, coro ou concertante iamos escoller para rematar por este curso as nosas entradas sobre ópera e ocorréusenos que podiamos rematar cunha moi coñecida aria da derradeira ópera do gran compositor italiano Giacomo Puccini: "Nessun dorma" de Turandot, cantada por Franco Corelli coa súa potente, fermosa e vibrante voz.


jueves, 25 de junio de 2015

Lembrando a Ana María Matute: a palabra que nos salva

Hai un ano que faleceu Ana María Matute, unha das máis grandes escritoras españolas da segunda metade do século XX e principios do XXI. Hoxe lembrabámola ao ler na axencia de noticias Europa Press dez frases súas que resumen mellor que ningún outro texto o que a literatura foi para ela. Entre elas, eliximos unha: ""La palabra es lo más bello que se ha creado, es lo más importante de todo lo que tenemos los seres humanos. La palabra es lo que nos salva".

Deixámosvos algúns enlaces sobre Ana María:
E o comezo dunha das súas novelas, Paulina:
Acababa de cumplir diez años cuando me llevaron con los abuelos, a la casa de las montañas. Primero hicimos un viaje muy largo, que duró cerca de tres días. Tuvimos que coger dos trenes, y al final (después de tomar café con leche en un bar al lado de la estación, de madrugada, con un frío muy grande), llegó el autocar, pintado de azul, que llevaba a las montañas. Desde luego, fue un viaje larguísimo.

miércoles, 24 de junio de 2015

martes, 23 de junio de 2015

Suxestións de lectura para a noite das cacharelas

Xa está a chegar a noite de San Xoán e nós querémosvos deixar algunhas suxestións para esta data. Por certo, se queredes saber máis sobre os costumes desta noite recomendámosvos entrar no blogue Meteosansa na entrada titulada "Chegou xuño".
Empezamos cunha recoñecida autora de literatura infantil, Tove Jansson, e unha das súas novelas da serie Los Mumin: Una loca noche de San Juan (+ 9 anos).


Continuamos con O dado do lume (+12 anos) de Milagros Oya, unha novela que a algúns de vós vos gustou moito este curso. 
 

Outra recomendación para maiores de 12 anos é A noite das cacharelas de Pepe Carreiro, protagonizada polos Barbanzóns. E por suposto, non podemos esquecer nestas recomendacións o Soño dunha noite de San Xoán a película de animación baseada na obra teatral homónima de William Shakespeare.


Xa para rematar, un libriño moi útil para saber máis sobre esta data e outras coma o Magosto ou o Entroido: As festas rituais de Galicia da editorial Lóstrego.

lunes, 22 de junio de 2015

E chegou o verán!

E nós queremos recibilo ben, así que empezamos cun anaquiño da comedia de Shakespeare O soño dunha noite de San Xoán traducido por Miguel Pérez Romero:
FADA
Por outeiros e vales, entre silveiras e espiños, por agras e chousas, a través da auga e o lume, vou dun sitio a outro, máis lixeira cá esfera da lúa. E sirvo á Raíña das Fadas para cubrir de orballo os seus circos na herba. As lanzais prímulas son a súa escolta. Os puntos que se ven nos seus mantos dourados son rubís, agasallo das fadas, e nesas pencas reside o seu arrecendo. Aquí debo coller unhas pingas de orballo e pendurar unha pérola na orella de cada prímula.

Continuamos cun poema de Manuel Machado:

VERANO
Frutales
cargados.
Dorados
trigales...


Cristales
ahumados.
Quemados
jarales...


Umbría
sequía,
solano...


Paleta
completa:
verano.

 Proseguimos cun cadro de Arcimboldo sobre esta estación.


E rematamos co concerto dedicado ao verán por Vivaldi que forma parte das famosas Catro estacións.

viernes, 19 de junio de 2015

Opera - apaixonados VII

Xa estamos para rematar por un tempo coas nosas entradas relacionadas coas óperas e os musicais; pero hoxe, queremos aproveitar para lembrar un famoso musical: Sorrisos e lágrimas, en inglés The sound of music.


Por certo nesta película aparece unha famosa secuencia musical na que os protagonistas manexan uns monicreques mentres cantan. E se estamos escribindo sobre monicreques e películas, non podemos deixar de mencionar un filme no que estes teñen un papel central: Lili  estreado 1953.

jueves, 18 de junio de 2015

miércoles, 17 de junio de 2015

E de repente a primavera III... está a rematar: Fermín Bouza Brey

A primavera é a estación na que os paxaros nos espertan xa de mañá e nos alegran os nosos paseos a carón, por exemplo, do Xuvia. Por iso, traemos aquí un poema de Fermín Bouza Brey pertencente ao seu libro Nao senlleira.

TENZÓN CO MALVIS AMIGO

Ei, malvis do choupal dourado,
ceiba o luceiro do teu cantar
prendido do serán e do sol-nado,
na brétema arrandeando,
de vagariño a brilar!

Prisarás â noite ispida…
Adomea o herbal de estrelas
ca tua fouce infinda!

Ei, malvis do choupal neboento,
enfía as liñas sotils do vento
na agulla da tua canzón;
pón coseita a fontenla fresca do pensamento
ca burga de folía do corazón!

Apáñame ao mar en roda:
n-un desmaio do teu bico
a justeza da mar toda!

Ei, malvis do choupal veciño,
cata na frouma do teu niño
o froito do Tempo á madurecer…
Peteira na roda eterna de ise muiño
que á tí e á mín hanos moer!
Fermín Bouza Brey 
Eliximos un cadro de Arcimboldo, "A primavera", para o noso poema. Seguro que até o malvís do poema se quedaría sorprendido ao velo!



martes, 16 de junio de 2015

E de repente a primavera III... está a rematar: Juan Ramón Jiménez e Platero y yo

O capítulo XXV de Platero y yo de Juan Ramón Jiménez amósanos unha descrición da primavera en todo o seu esplendor:

En mi duermevela matinal, me malhumora una endiablada chillería de chiquillos. Por fin, sin poder dormir más, me echo, desesperado de la cama. Entonces, al mirar el campo por la ventana abierta, me doy cuenta de que los que alborotan son los pájaros.
  Salgo al patio y canto gracias al Dios del día azul. ¡Libre concierto de picos, fresco y sin fin! La golondrina riza, caprichosa, su gorjeo en el pozo; silba el mirlo sobre la naranja caída; de fuego, la oropéndola charla, de chaparro en chaparro; el chamariz ríe larga y menudamente en la cima del eucalipto; y, en el pino grande, los gorriones discuten desaforadamente.
  ¡Cómo está la mañana! El sol pone en la tierra su alegría de plata y de oro; mariposas de cien colores juegan por todas partes entre las flores, por la casa -ya dentro, ya fuera-, en el manantial. Por doquiera, el campo se abre en estallidos, en crujidos, en un hervidero de vida sana y nueva.
   Parece que estuviéramos dentro de un gran panal de luz, que fuese el interior de una inmensa y cálida rosa encendida.
Juan Ramón Jiménez, Platero y yo 

Hoxe eliximos un cadro do pintor impresionista norteamericano Charles Courtney Curran para ilustrar a fermosa descrición do poeta de Moguer e para celebrar a primavera e o vindeiro verán.


viernes, 12 de junio de 2015

Ópera-apaixonados VI: parabéns!

Xa estreamos as nosas dúas óperas-musicais en secundaria, despois da de primaria, como sabedes. As dúas compañías, Gallaecia e Constelación Musical, amosaron un gran talento coma todas e todas puidestes comprobar; así que só queda darlles os máis que merecidos parabéns.
Por outra banda, cómpre lembrar que na nosa aula virtual atoparedes numerosos enlaces sobre ópera e música no apartado Biblio-LÓVA e que estamos elaborando un taboleiro en Pinterest sobre libros, películas e discos relacionados con esta que agardamos teña continuación no curso vindeiro.
Para rematar, queremos insistir en que a ópera está moi presente na nosa vida e todos estamos moito máis familiarizados con esta do que pensamos. Por exemplo, a que a todos vos soa isto?

Pertence a unha famosa ópera do italiano Guisseppe Verdi, titulada Il trovatore, baseada no drama romántico El trovador de Antonio García Gutiérrez.  


Por certo, esta representación que aparece no vídeo tivo lugar nun dos grandes "templos" mundiais da ópera, o veneciano Teatro La Fenice.


Créditos da foto: «La Fenice auditorium» de Photo: Andreas Praefcke - Trabajo propio (own photograph). Disponible bajo la licencia CC BY 3.0 vía Wikimedia Commons - http://commons.wikimedia.org/wiki/File:La_Fenice_auditorium.jpg#/media/File:La_Fenice_auditorium.jpg


jueves, 11 de junio de 2015

Maio de Letras Galegas XIII... en xuño tamén: un fascinante museo e... Barriga verde

Coñecías o Museo Galego da Marioneta? Pois é un moi interesante museo que está ubicado no Pazo de Liñares en Lalín e no que até hai un tempiño contaron coa exposición "Barriga Verde, de feira en feira". E, diredes vós, quen era Barriga Verde? Pois a ver se o damos explicado, porque é algo complicado. En principio Barriga Verde era o protagonista dun espectáculo de marionetas que chegou a Galicia co extremeño José Silvent; despois pasou a denominar aos titiriteiros que o representaban (Silvent e os seus irmáns, pero tamén outros titiriteiros) e finalmente acabou por denominar a todos os espectáculos de monicreques que andaban por Galicia.
En 1968 o escritor chairego Manuel María publicou unha serie de textos teatrais co título de Barriga verde, nos que procuraba recuperar os personaxes do espectáculo.
"Eu son, Barriga Verde!; ¡Eu son, Barriga Verde!" 


miércoles, 10 de junio de 2015

Maio de Letras Galegas XII... en xuño tamén: Fina Casalderrey

Outra das nosas autoras consagradas da LIX é Fina Casalderrey, quen por certo foi elixida membro da RAG (Real Academia Galega) en 2013. Entre a súa numerosa obra de literatura infanto-xuvenil figuran: Dúas bágoas por Máquina, ¡Asústate Merche!, O misterio dos fillos de Lúa, Xela volveuse vampira, A Pomba e o Degolado, Historia da bicicleta dun home lagarto...
Fina Casalderrey lembra así a súa infancia na ficha da AELG:

¡Un texto autobiográfico! É mágoa que teña que ser eu quen o escriba. Se lle deran a oportunidade a meus pais (xa non teño avós) exporían calidades extraordinarias sobre a miña persoa e méritos incribles arredor do meu traballo. Eu... ¿que podo dicir? Non son unha beleza de pasarela, non nacín nun pazo e, de nena, nin sequera tiñamos biblioteca no barrio (¡imaxinade no colexio ou na casa!). Non pasei fame de xurelos nin de cariño, mesmo engadiría que nin de historias; contábanmas meu pai e a radio (eles foron os meus primeiros clásicos). Si pasei fame de libros, aínda que os que afanaba ás agachadelas tiñan sabor a larpeiradas. E é que, no meu ambiente, case era "pecado" ler cousas que non levasen por título Matemáticas, Xeografía...
   Aquela escaseza de lecturas paréceme irrecuperable e síntoa coma unha enfermidade que quixera deter a medida que cumpro anos, para que non siga avanzando. Quizais por iso, cando entro nunha gran librería sinto unha mestura de gozo e de angustia. ¡Cantos libros! ¡Que marabilla! ¡Como me gustaría lelos todos! ¿A metade? ¡Imposible! O tempo, o tempo... Por se acaso, merco os que podo, aínda que non os lea todos. Son coma unha manta que gardo para os días de frío coa que me sinto protexida.

Para saber máis sobre Fina Casalderrey:

martes, 9 de junio de 2015

Maio de Letras Galegas XI... en xuño tamén: Marilar Aleixandre

A bióloga, escritora e tradutora Marilar Aleixandre (nacida en Madrid en 1947) é unha das nosas máis recoñecidas escritoras. A súa obra abrangue a poesía, a narrativa e o ensaio. Entre os seus libros máis coñecidas de literatura infantil e xuvenil figuran moitos que vós coñecedes e tedes lido coma: A formiga coxa, A expedición do Pacífico, El Rei-Artur e a Abominable dama ou a moi exitosa no noso club de lectura A cabeza da Medusa.
Marilar vén, por certo, de publicar un poemario titulado A ovella descarreirada, do que vos deixamos uns versos, concretamente do poema titulado "alala do abruñeiro":

Son teimudo resistente
entre sebes ventureiro
nin vento nin temporais
someten este abruñeiro

hai galego, hai galego
hai galego por mil anos





lunes, 8 de junio de 2015

VIII Xorndas dos Clubs de Lectura

O pasado 5 de xuño Marta, a nosa coordinadora do club de lectura Sansaliber, participou nas VIII Xornadas dos Clubs de Lectura en Compostela que reuniron ás coordinadoras e coordinadores de máis de 230 centros educativos que matriculan alumnado de secundaria, bacharelato, formación profesional e ensinanzas de réxime especial (conservatorios, escolas oficiais de idiomas e ensinanzas de persoas adultas). Ademais, foi relatora nas xornadas falando sobre " A procura de lectoras e lectores".


viernes, 5 de junio de 2015

II Parada de Xogos Tradicionais

Está a piques de chegar o día da II Parada de Xogos Tradicionais, así que dende aquí queremos felicitar aos organizadores e colaboradores. No blogue Parada Familiar de Xogos Tradicionais San Sadurniño e en Sansa Enreda atoparedes máis información. Coma sempre lembrarvos que na biblioteca podedes atopar fondos sobre xogos e enredos tradicionais, entre eles os imprescindibles libros de Antón Cortizas: Chirlosmirlos (Enciclopedia dos xogos populares) e Tastarabás. Enciclopedia de brinquedos tradicionais.
De novo parabéns por tan loable iniciativa!

Ópera-apaixonados V: Mozart

A precocidade musical de Wolfgang Amadeus é de todos coñecida, pero quizais non saibades a que idade compuxo a súa primeira ópera? Aos doce. Si como o estades lendo, a esta idade deu a coñecer Bastián e Bastiana que foi o título que elixiu para a súa primeira incursión no xénero operístico. Sería a primeira de vinte e dúas entre as que figuran Così fan tutte ou As vodas de Fígaro.

Quizais unha das arias máis coñecidas de Mozart sexa unha das dúas cantadas pola Raíña da Noite n' A frauta máxica, a derradeira ópera representada en vida de Mozart. É unha aria moi difícil que require ser cantada por unha soprano de coloratura.


Se queres saber máis sobre Mozart, a ópera  e a música cláisca aquí tes uns enlaces de moito interese:

martes, 2 de junio de 2015

Correr II: Vivir sin parar

Juan J. Guillín recoméndanos unha película sobre unha maratón moi especial: Vivir sin parar. É a historia de Paul, un maratonista que  conseguiu a medalla olímpica de ouro en 1956. Moitos anos despois reside coa súa dona nunha residencia de anciáns e sente a necesidade volver a correr e participar na maratón de Berlín.
Vivir sin parar é unha película que en palabras do seu director, Kilian Riedhof, trata sobre un heroe:

Para mí, VIVIR SIN PARAR es una obra sobre héroes. Paul Averhoff es un mito. Y nuestra película habla del retorno, del regreso de este mito. Desde el abandono de la residencia, Paul corre hacia el centro del mundo y le devuelve lo que había perdido: la fe en que nada, ni siquiera la muerte, puede acabar contigo. Esa es la fuerza de este material. Eso es lo que lo convierte en una historia cinematográfica clásica.



Unha historia sobre a superación persoal protagonizada por Dieter Hallervorden, quen recibiu o premio ao mellor actor protagonista nos Premios do Cine Alemán (Deutscher Filmpreis).