Día Mundial da Poesía

 O pasado venres celebramos o Día Mundial da Poesía lendo poemas na biblioteca e na horta do noso centro.

 

• Selección de poemas: "Poesía e música".

Yolanda Castaño

 O pasado mércores o alumnado de 4º de ESO asistiu á unha charla coa poeta Yolanda Castaño organizada pola Biblioteca Municipal.

Día da Muller: actividades

 O pasado venres conmemoramos o Día da Muller con actividades moi diversas: moitos carteis e  tamén poemas sobre mulleres elaborados polo alumnado de 2º de ESO.

Tarxetas sobre científicas:

Un xogo de programación con Scratch elaborado polo alumnado de 4º de ESO en Tecnoloxía sobre imaxes e explicacións dos estereotipos nos contos tradicionais traballadas  nas clases de Lingua Galega e Literatura.

 

E como colofón un recital de poemas de diferentes escritoras e pezas musicais levado a cabo polo alumnado de ESO para todo o centro. Esta actividade foi coordinada polo equipo de biblioteca en colaboración cos departamentos de Música, Lingua Castelá e Lingua Galega.

 

• Actividades das bibliotecas escolares.

Aí vén o Maio

Chega o mes de maio e con el os "maios", coma o que anda a preparar o noso EDLG. Unímonos a esa conmemoración lembrando un poema de Florencio Delgado Gurriarán sobre esta festa tradicional:

Aí vén o Maio pola porta do valado

aí vén o maio co seu traxiño branco.

(O Maio garrido, para saudar o vran,

pon luvas  de etiqueta con flores de San Xoán.

F. Delgado Gurriarán, Bebedeira

Poemas para os Maios de 2º B

 

• Poema enteiro en Son de poetas.
  
• Unha versión moi especial cantada por seis alumnos e alumnas do CEIP Julio Gurriarán do Barco de Valdeorras.

Candeloria

O pasado 2 de febreiro foi o día da Candeloria, unha festa da cultura popular con ampla presenza no refraneiro coma xa observastes coa actividade organizada polo EDLG. Unímonos a esta conmemoración cun fermoso poema de Lois Amado Carballo:

 

A CANDELORIA

   Na catedral do abrente
hoxe cásans'os paxaros,
con nubens de neve e ouro
está o ceo galanado.

   Ficou o día ancorado
na ría donda do ceo.
Os roibens soben no lonxe
como rosarios d'encenso.

   O xantar do casamento,
roibo, na palma da man
das eiras madrugadoras
xa está arranxado no val.

   Vai tocando pol-o campo
a sua zanfona o rego
e canta o vento nas farpas
sonorosas dos piñeiros.

   O campo as montanas ruzas
envolve en capa pluvial
co hisopo do sol mollado
dalles a beizón nupcial.

   Do casebre nugallán
soben os vivas dos galos
e na festa d'esta noite
estrena un luar o campo. 

Lois Amado Carballo, Proel

 

• Festas e refráns de febreiro en Meteosansa. 
• Candeloria en Meteosansa.
  

A pel do mundo de Berta Dávila

 A pel do mundo... Vinte e nove retratos poéticos de nenos e nenas para viaxar, coñecer, reflexionar...

• A pel do mundo en Zigzag Diario (TVG).

Día Mundial da Poesía

 O vindeiro 21 de marzo celébrase o Día Mundial da Poesía.  Podedes atopar na nosa web algúns dos recursos que seleccionamos para esta data.

Día da Paz

 O vindeiro 30 de xaneiro conmemórase o Día Escolar da non Violencia e da Paz. Co gallo desta data seleccionamos unha serie de recursos que podedes atopar na nosa aula virtual. 

Lembrade que tamén se atopan neste enderezo o Manifesto do Día da Paz elaborado polo alumnado de 1º de ESO, así coma os poemas  creados para esta data nas materias de Lingua Galega e  de Lingua Castelá en colaboración co equipo da biblioteca e co EDLG.

O maio de Don Ricardo XV: poesía

Antologia da poesia en galego é unha selección de poesía realizada por Paulo Fernández Mirás dos diversos libros publicados por Ricardo Carvalho Calero.

O primeiro aeroplano

ensaiaba o seu voo, ti ja o dixeches,

namentres nós nacíamos.

E o cometa Halley brillaba no ceu,

e Tolstoy se apagaba cando nós nacemos.

Ricardo Carvalho Calero, Futuro condicional

Sementando versos de maio

Sementando versos de maio é o nome dun proxecto co que queremos celebrar os Maios este ano. Preme aquí se queres saber como. 

Amamos la poesía

Amamos la poesía é un proxecto da RAE para divulgar nas redes sociais a poesía en español.

Luz Pozo Garza

«A súa presenza destilaba o mesmo que a súa poesía: delicadeza e verdade.»

Francisco Castro

Hoxe soubemos do pasamento da poeta Luz Pozo Garza. Luz naceu en Ribadeo preto do mar, dese mar sempre tan presente na súa poesía, o 21 de xullo de 1922.

Amei a mar de Vigo.

Amei a luz que modifica a doctrina dos astros

a total curvatura que da unidade ás formas

cando a badía nace cada mañá

e ti agardabas.

Foi o móbil primeiro

Luz Pozo Garza. Códice Calixtino

O páxaro na boca, Códice Calixtino, Vida secreta de Rosalía... Libros de poesía intimista no que o amor vitalista e a saudade se van sucedendo no tempo simbolizados pola luz e a sombra. 

De balde fora o devecer aquel.

A pregunta sen eco que ten forma de enigma.

Aló calara a chuvia

onde o tempo semella unha curva implacábel.

Luz Pozo Garza, Concerto de outono

 

A poesía de Luz era unha poesía tamén na que a Música tiña un importante papel. 

Aquel vello piano noite e tempo

de madeiras exóticas que cercaban a infancia

conserva a transparencia do primeiro Chopin

nun reino fuxitivo onde pasan as sombras en claves sucesivas.

Luz Pozo Garza, Códice Calixtino

Mais falar de Luz Pozo Garza é falar tamén da ensaísta, da directora da revista Nordés, da profesora que achegou a literatura a tantos alumnos e alumnas coma Manuel Rivas:

 

«Con ela chegaba unha estación nova; entraba na clase tranquilamente a primavera»

Manuel Rivas 

• Luz Pozo Garza na Biblioteva Virtual Galega.
• Luz Pozo Garza no blogue Versos e Aloumiños.
• Videoteca no Centro de Documentación de AELG.

O ar semellaba unha camelia branca

que se tornase en chuvia en sombra en pura ausencia.

Luz Pozo Garza, Códice Calixtino

Día Mundial da Poesía

O pasado 21 de marzo conmemorouse o Día Mundial da Poesía. Así que hoxe traemos ao blogue un poema de Manuel María e algúns enlaces de interese sobre esta data.

John Constable: Salisbury Cathedral from the Meadows

O arco da vella

no ceo subido

co seu colorín

co seu colorido.

O arco da vella

con sete colores

que teñen, no ceo, 

 beleza de flores.

 O arco da vella

 no ceo chantado

 co seu colorín,

co seu colorado.

O arco da vella

 é un arco triunfal

con sete guerreiros

que a ninguén fan mal.

 O arco da vella

 de luz feito é.

 ¡Resulta un milagre

que siga de pé!

 Manuel María, Os soños na gaiola

• "Feliz día mundial da poesía" en Aulas Galegas
• Día Mundial da Poesía nas bibliotecas escolares galegas. 
• Concurso de GÁLIX: Un poema na túa voz.
• Día Mundial de la Poesía. UNESCO
• Selección de libros de poesía en Canal Lector.
• Conmemoración da RAE.
• Entradas sobre a poesía en Bibliosansa.
• Libros de poesía en Rede Lectura.

Día Internacional das Matemáticas

O 14 de febreiro foi proclamado coma Día Internacional das Matemáticas pola 40ª Conferencia Xeral da UNESCO. O lema escollido para este ano é: "As Matemáticas están en todas partes".

Para saber máis.

• Día Internacional de las Matemáticas.
• Real Sociedad Matemática Española.
• Día Internacional das Matemáticas na web da UNESCO. 

A la divina proporción

A ti, maravillosa disciplina,
media, extrema razón de la hermosura,
que claramente acata la clausura
viva en la malla de tu ley divina.

 

A ti, cárcel feliz de la retina,
áurea sección, celeste cuadratura,
misteriosa fontana de mesura
que el Universo armónico origina.

A ti, mar de los sueños, angulares,
flor de las cinco formas regulares,
dodecaedro azul, arco sonoro.

Luces por alas un compás ardiente.
Tu canto es una esfera transparente.
A ti, divina proporción de oro.

Rafael Alberti

Vénse de publicar...

Atopamos en Rede Lectura nova da publicación do poemario Porque te quero de Baldo Ramos.

Paseniño, paseniño

En Paseniño, paseniño Antonio García Teijeiro evoca a poesía de Rosalía de Castro. Esta edición, ilustrada por Marcos Viso, inclúe un CD musical con poemas recitados polo autor.

Treboada.

Chuvia tola

que os piñeiros

non os molla

porque calan,

porque arrolan.

Antonio García Teijeiro, Paseniño, paseniño

Primavera de poesía V: Día Mundial da Poesía nas Bibliotecas Escolares de Galicia

As bibliotecas escolares de Galicia celebraron o Día Mundial da Poesía con numerosas actividades. Preme aquí se desexas coñecelas.

Primavera de poesía IV: Amamos la poesía

Amamos la poesía é un proxecto da RAE e a editorial Condé Nast para difundir a poesía española e hispanoamericana a través de vídeos con prestixiosos actores recitando.

Primavera de poesía III: María Reimondez

Hoxe continuamos coa nosa "Primavera de poesía" cun poema de Galicia en bus  da escritora María Reimondez. 

En abril,

nubes de la no ceo

o verdecer das árbores

en cada letra.

María Reimondez

Privamavera de poesía II: Un poema de Gloria Fuertes

Hoxe decidimos lembrar as vacacións cun poema da escritora madrileña Gloria Fuertes.

Cuando sea mayor, o muy mayor,

no olvidaré esta canción

de la Vacación.

-¡Qué bien juego en el verano

con mi hermana, con mi hermano!

Bajo el sol y sin abrigo,

con mi amiga, con mi amigo.

Con la pelota de goma

¡Chuto! ¡Toma!

Con pelota de raqueta

con el verso de poeta

llegaremos a la meta.

Cantando la canción

de la Vacación. 

Gloria Fuertes