Centro

lunes, 30 de junio de 2014

Feliz verán

Queremos desexarvos feliz verán a todos e despedirnos dende o blogue do alumnado de 4º de ESO que nos deixa e con quen compartimos un emotivo acto de fin de curso o pasado martes. Nós querémonos despedir deles e delas, aínda que confiamos en que nos veñan a visitar a miúdo, con dous poemas. Un, "Palabras para Julia" de José Agustín Goytisolo na versión musical de Paco Ibañez (porque xa sabemos que outras versións máis rockeiras sonvos máis coñecidas) e o outro, "Itaca", do poeta grego Konstantinos Kavafis na versión de Lluis Llach. Deixámosvos os dous vídeos e tamén  a primeira estrofa do poema de Kavafis na tradución do grego de Yolanda Vilarchao que podemos atopar no libro Poemas canónicos publicado por Rinoceronte.
Ítaca

Cando comeces a túa viaxe a Ítaca
pide que o camiño sexa longo,
pleno de aventuras, pleno de experiencias.
Aos Lestrigóns e aos Ciclopes,
ao irado Poseidón non temas:
nunca atoparás criaturas tales na túa ruta
se mantés o pensamento elevado, se unha 
selecta emoción o teu corpo e o teu espírito ilumina.
Aos Lestrigóns e aos Ciclopes,
ao feroz Poseidón non acharás.
Non, se non é a túa alma a que os alberga;
non, se non é ela a que chos mostra.

Ana María Matute sempre na lembranza

A pasada semana atopámonos coa nova do falecemento de Ana María Matute. Resulta difícil facerse á idea de que a autora de Primera memoria, Olvidado rei Gudú, El polizón de Ulises e tantos libros máis xa non vai estar entre nós, aínda que perviva para sempre a lembranza das súas novelas e dos seus relatos impregnados dun profundo lirismo.
Por certo, en Rede Lectura poderás atopar algunhas das súas obras dirixidas á infancia.
Créditos da fotografía aquí.

jueves, 19 de junio de 2014

miércoles, 18 de junio de 2014

Pánico astral

En 1950 Miguel Delibes publicou a novela El camino. Daniel el Mochuelo, o protagonista da narración, a noite antes de emprender a viaxe á cidade para rematar os estudos lembra a súa vida na viliña onde nacera once anos antes, a cal moitos identifican con Molledo, lugar no que Delibes pasaba as vacacións durante a infancia. No capítulo III Daniel el Mochuelo e o seu amigo Roque, "el Moñigo", conversan sobre o universo:
.
"Muchas tardes, ante la inmovilidad y el silencio de la Naturaleza, perdían el sentido del tiempo y la noche se les echaba encima. La bóveda del firmamento
iba poblándose de estrellas y Roque, el Moñigo, se sobrecogía bajo una especie de pánico astral. Era en estos casos, de noche y lejos del mundo, cuando a
Roque, el Moñigo, se le ocurrían ideas inverosímiles, pensamientos que normalmente no le inquietaban:
Dijo una una vez:
—Mochuelo, ¿es posible que si cae una estrella de ésas no llegue nunca al fondo?
Daniel, el Mochuelo, miró a su amigo, sin comprenderle.
—No sé lo que me quieres decir —respondió.
El Moñigo luchaba con su deficiencia de expresión. Accionó repetidamente con las manos, y, al fin, dijo:
—Las estrellas están en el aire, ¿no es eso?
—Eso.
—Y la Tierra está en el aire también como otra
estrella, ¿verdad? —añadió.
—Sí; al menos eso dice el maestro.
—Bueno, pues es lo que te digo. Si una estrella se cae y no choca con la Tierra ni con otra estrella, ¿no llega nunca al fondo? ¿Es que ese aire que las rodea no se acaba nunca?
Daniel, el Mochuelo, se quedó pensativo un instante. Empezaba a dominarle también a él un indefinible desasosiego cósmico. La voz surgió de su garganta
indecisa y aguda como un lamento.
—Moñigo.
—¿Qué?
—No me hagas esas preguntas; me mareo.
—¿Te mareas o te asustas?
—Puede que las dos cosas —admitió."

Algo así nos pode pasar a nós cando vemos imaxes tan fascinantes coma estas captadas polo telescopio Hubble ou estoutras que a NASA vén de facer públicas hai uns meses.

Se queres saber máis sobre Miguel Delibes preme aquí e se desexas coñecer mellor o Universo nestoutro enlace. E... sobre todo, non esquezas mirar o ceo nas noites do verán que cada vez está máis cerca.

viernes, 6 de junio de 2014

jueves, 5 de junio de 2014

Jorge Mira galardoado na XX edición dos Premios Lois Peña Novo

O catedrático da USC e divulgador científico Jorge Mira vén de recibir un dos premios da Fundación Lois Peña Novo. Estes premios, segundo se indica na web da asociación homónima creáronse para  "recoñecer o labor, tanto individual coma colectivo, daquelas persoas, entidades ou empresas que traballan ou teñen relación coas administracións públicas e que fan, co seu traballo cotiá, publicacións, estudios, traballos de investigación, etc… que a lingua galega se consolide, cada vez máis, no eido das administracións públicas, na vida institucional de Galicia e na sociedade en xeral."
Por certo, na nosa biblioteca podes atopar un ameno libro de Jorge Mira titulado A ciencia no punto de mira.



lunes, 2 de junio de 2014

Fondos sobre ópera na biblio


Por certo, lembrámosche que na biblioteca podes atopar libros e discos relacionados coa ópera: só tes que clicar neste enlace e nestoutro para saber cales. Nós recomendámosche un libro e un CD que nos gustan moito: La Callas, una invitación a la ópera con textos de Françoise de Guibert, ilustracións de Nathalie Novi e a fantástica voz de María Callas.