Encontro Escolar de Xogos Tradicionais en San Sadurniño

Mañá, 12 de maio, celebrarase en San Sadurniño o XII Encontro Escolar de Xogos Tradicionais. Premede aquí se queredes coñecer máis sobre este evento.

Participación no Día Mundial da Radio

O noso centro fíxose eco da iniciativa de Ponte.... nas Ondas! para participar no Día Mundial da Radio, escollendo coma tema o xogo tradicional. Xa podedes escoitar na nosa web as gravacións realizadas polo momento, xa que hai algunhas pendentes.

III Parada Familiar de Xogos Tradicionais

A III Parada Familiar de Xogos Tradicionais  tivo lugar o pasado sábado 22 de abril.  Xa podedes atopar no blogue dedicado a esta actividade información sobre este día tan especial e un vídeo. Parabéns aos organizadores e participantes.

Para saber máis sobre xogos tradicionais:

• Parada Familiar de Xogos Tradicionais de San Sadurniño.
• Entradas no blogue Bibliosansa sobre xogos tradicionais.
• Brinquedia.

Día do Peón

O pasado venres 11 o noso centro celebrou o Día do Peón seguindo a convocatoria de Brinquedia. Na nosa web poderás atopar máis información sobre este evento.

Para saber máis:

• Sansaenreda.
• Parada familiar de Xogos Tradicionais de San Sadurniño.
• Xogos tradicionais en Bibliosansa.

Día do Peón

Hoxe o noso centro acolleu o Acto Central do Día do Peón. Na nosa web atoparedes toda a información sobre esta actividade que tanto nos gusta.

 

Para saber máis sobre xogos e brinquedos tradicionais recomendámosvos os dous imprescindibles  libros de Antón Cortizas: Chirlosmirlos e Tastarabás.

E tamén:

• Parada Familiar de Xogos Tradicionais San Sadurniño.
• Sansa Enreda.
• Brinquedia.

II Parada de Xogos Tradicionais

Está a piques de chegar o día da II Parada de Xogos Tradicionais, así que dende aquí queremos felicitar aos organizadores e colaboradores. No blogue Parada Familiar de Xogos Tradicionais San Sadurniño e en Sansa Enreda atoparedes máis información. Coma sempre lembrarvos que na biblioteca podedes atopar fondos sobre xogos e enredos tradicionais, entre eles os imprescindibles libros de Antón Cortizas: Chirlosmirlos (Enciclopedia dos xogos populares) e Tastarabás. Enciclopedia de brinquedos tradicionais.

De novo parabéns por tan loable iniciativa!

Maio de Letras Galegas X... en xuño tamén: Antón Cortizas

Antón Cortizas é un escritor moi coñecido no noso centro. Autor dunha ampla obra literaria, é, tamén, un dos máximos expertos de Galicia en xogos e brinquedos tradicionais como amosan os seus libros: Chislomirlos (Enciclopedia de xogos populares) ou Tastarabás. Enciclopedia de brinquedos tradicionais.

 

Para saber máis:

• Ficha do autor na BVG
• Entrevista no Faro de Vigo (11 de novembro de 2014)
• Antón Cortizas en LG3. O soportal da Literatura Galega
• Guía de suxestións do CPI de San Sadurniño

I Parada Familiar de Xogos Tradicionais

O vindeiro 12 de abril celebrarase a I Parada Familiar de Xogos Tradicionais organizada polo CPI, o Concello e a ANPA.

Se queres saber máis sobre esta actividade podes atopar información neste blog e tamén na páxina de Brinquedia, organización da que o noso centro forma parte dende hai máis de dous meses.

Non queremos rematar sen aconsellarche dous libros de xogos tradicionais galegos: Chirlosmirlos. Enciclopedia dos Xogos Populares e Tastarabás. Enciclopedia de brinquedos tradicionais e uso lúdico da natureza de Antón Cortizas. E xa sabes, se os queres consultar ou levar en préstamo, agardámoste onde o mundo se chama biblioteca... Por certo, se queres coñecer máis libros sobre o tema, non deixes de premer neste enlace.