Día da Radio III

O Día da Radio trouxo consigo moitos programas coma poderás comprobar nos seguintes enlaces.

• No Día Mundial da Radio: Radio na Biblio emite.
• Ponte nas... Ondas!

Día Mundial da Radio II

Onte, coma xa sabedes, conmemoramos o Día da Radio dunha maneira moi especial. Parabéns aos participantes.

Día Mundial da Radio

Hoxe é o Día Mundial da Radio e dende Ponte... nas ondas! convídannos tamén a celebralo.

O noso centro participa nesta xornada tan especial con dous podcasts gravados polo alumnado de 3º e 4º de EP e un programa en directo realizado por alumnado de secundaria. Atoparás máis información sobre estas actividades na nosa web.

Maio de Letras Galegas XI: Radio SanSa

Xa tedes dende hai uns días o programa especial de Radio SanSa das Letras Galegas. Premede aquí se queredes escoitalo e lembrade que no apartado "programas" da páxina de radio tedes acceso ás emisións anteriores.

Parabéns a Radio Sansa!!!

Libros que van chegando: O bosque Pálido de Jaureguízar

Os pais de Lidia deciden enviala á Illa Fog, un lugar coma o seu nome indica sempre cuberto de néboa. Alí Lidia coñecerá o segredo que os seus habitantes agochan e coñecerá o amor.

• "Cachiño de O Bosque Pálido no programa de radio Chamando á terra (RTVG).

Día de Rosalía: Abride a fiestra! V

Rosalía debuxada pola súa filla Alejandra

Son numerosos os medios de comunicación que se fixeron eco do Día de Rosalía. Como non podemos reseñalos todos, escollemos un programa de radio sobre o mundo literario galego presentado por María Solar: Chamando á Terra (24/02/2018).

Participación no Día Mundial da Radio

O noso centro fíxose eco da iniciativa de Ponte.... nas Ondas! para participar no Día Mundial da Radio, escollendo coma tema o xogo tradicional. Xa podedes escoitar na nosa web as gravacións realizadas polo momento, xa que hai algunhas pendentes.

A verdadeira historia da mosca da tele

Coñeces moitos libros que teñan coma protagonista a unha mosca da tele? Pois ben, aquí tes un. Esta mosca vai emprender unha particular viaxe que a levará a coñecer moitos insectos e vivir numerosas aventuras.

Para saber máis:

• "María Solar conta a verdadeira historia da mosca da tele" en El Correo Gallego (29-10-2012).
• Entrevista con María Solar no programa Eirado da TVG.
• Reseña en Bibliopazos.

María Solar

Hai uns días escribiamos aquí sobre un interesante programa de libros que comezou a emitirse o pasado mes de setembro na Radio Galega: Chamando á terra. Pois ben, hoxe queremos comezar unha serie de entradas nas que lembramos a obra narrativa de María Solar, a súa presentadora.

Foto: Eduardo Castro Bal

Para saber máis sobre a autora:

• Ficha da escritora na AELG.
• Web da María Solar.

Chamando á terra

Coñecemos a través do blogue Rede Lectura  o comezo das emisións dun novo programa dedicado aos libros na Radio Galega: Chamando á terra.

Por certo, o programa está presentado pola xornalista e escritora María Solar.

Lembrando o Galician Programme

O 14 de abril de 1947 ás 23:45 comezaba a primeira programación radiofónica estable en galego. Tratábase dun espazo que se emitía cada tres semanas dentro do "Spanish Programme da BBC.  Si, coma moitos de vós xa observariades emitíase dende Londres. Na web da RAG atoparás máis información ao respecto.

Día Mundial da Radio

O 13 de febreiro é o Día Mundial da Radio cuxo tema este ano é: " A radio es ti".

                   

Para saber máis:

• Sitio oficial da UNESCO para o Día da Radio.
• Infografía: ¡La radio eres tú! 
• Ponte...nas ondas
• Radio SanSa.

Novembro Mes da Ciencia en Galego nas Bibliotecas IV: Efervesciencia

Efervesciencia é un programa de divulgación científica emitido pola Radio Galega os domingos de 15:00 a 16:00. Preme aquí se queres acceder aos podcasts deste interesante espazo radiofónico.

Parabéns Mafalda

 No tiene importancia lo que yo pienso de Mafalda. Lo importante es lo que Mafalda piensa de mí.

Julio Cortázar

 

O pasado xoves Mafalda, o popular personaxe creado por Quino, cumpriu 52 anos. Parabéns Mafalda!

• "Mafalda: 52 años de reflexiones y quejas para cambiar el mundo" en Europa Press. 
• "Mafalda, una niña de 52 años" en Acontece que no es poco en La Ventana Cadena Ser. 

Día Mundial da Radio

O 19 de outubro de 2011 a Conferencia Xeral da UNESCO proclamou o 13 de febreiro Día Mundial da Radio. Este ano o tema é: "A radio en tempos de desastre e emerxencia".

Nós unímonos a esta conmemoración cuns poucos enlaces de interese sobre esta data e parabenizando aos responsables da nosa radio: Radio Sansa.

• Sitio Oficial UNESCO Día Mundial da Radio
• "Quince ideas para celebrar el Día Mundial de la Radio" en Día Mundial de la Radio (UNESCO) 
• Ponte nas ondas

Máis parabéns

O pasado domingo tres das vosas compañeiras de 6º de Educación Primaria estiveron na Radio Galega para explicar o proxecto operístico no que están a participar. Parabéns para elas tres e tamén para as gañadoras e o gañador do Concurso de Artigos de Opinión que convocou o noso EDLG. E por  certo, non esquezades que aínda estades dentro do prazo para participar no Concurso Literario e no "Jesus Bonigno" de Debuxo e Pintura que organiza o EDLG, en colaboración coa ANPA, para o alumnado do noso centro co gallo do Día das Letras Galegas.