No laboratorio dun arqueólogo

 Atoparás na web Culturagalega un interesante vídeo no que Carlos Otero nos explica como usa a tecnoloxía para saber que se agocha no castro de Cerqueda.

Novembro de Ciencia XIX en decembro tamén: Unidade Didáctica sobre Domingo Fontán

A inicios deste mes de outubro o Consello da Cultura Galega publicou unha Unidade Didáctica sobre un personaxe que coñecemos moi ben no noso centro, por ter traballado sobre el, e tamén neste blogue: Domingo Fontán.

• Premede aquí para acceder á Unidade Didáctica.

Novembro de Ciencia XVI en decembro tamén: Fontán e o Día da Ciencia en Galicia

Retrato de Fontán de Esquivel

O matemático e humanista pontevedrés foi homenaxeado o pasado 8 de outubro no Día da Ciencia en Galicia pola Real Academia Galega de Ciencias (RAGC). 

• Domingo Fontán no noso blogue.

Novembro de Ciencia XIV: Como chegou a vacina da varíola a América?

José Viñas, Xacobo de Toro e David Eiroa veñen de publicar unha unidade didáctica sobre a Real Expedición Filantrópica da Vacina para 3º e 4º de ESO. Preme aquí se desexas coñecela.

• Máis actividades e información sobre este proxecto.

Roteiro Literario: De Padrón a Compostela

O pasado 26 de abril o alumnado de 3º e 4º de secundaria visitou Padrón e Compostela. Tratábase dunha actividade organizada polos departamentos de Xeografía e Historia e Lingua Galega e Literatura á que nos quixemos sumar dende o EDLG e a Biblioteca cun roteiro literario cuxos textos leron acompañados das explicacións históricas de Marta, a nosa profesora de Xeografía e Historia. 

• Roteiro Literario: De Padrón a Compostela.

Libros que van chegando: Un largo viaje

Un largo viaje. Historia del mundo y sus habitantes en 12 etapas é unha historia da humanidade narrrada dende unha visión demográfica por Massimo Livi Bacci quen, por certo, lle dedica o libro aos seus netos.

E non deixamos a Verne aínda: Cando Verme amarrou en Vigo

Un arquéologo e un mociño tratan de impedir o saqueo dos galeóns de Rande. E para cumprir o seu propósito mesmo pedirán axuda ao escritor francés Jules Verne, quen vén de recalar en Vigo nunha das súas viaxes a bordo da goleta  Saint-Michel.

Para saber máis:

• Cando Verne amarrou en Vigo no blogue do Club de Lectura IES Pazo da Mercé.

Verne e Vigo

Jules Verne visitou Vigo en dúas ocasións: en 1878 e 1884. Porén, o escritor francés xa convertera a cidade olívica nun dos espazos presentes na súa novela Vinte mil leguas de viaxe submarina. O historiador Eduardo Rolland datou a chegada do Nautilus, o submarino no que viaxaba polos mares de todo o mundo o Capitán Nemo (protagonista da novela), un 18 de febreiro de 1868 nun artigo publicado en La Voz de Galicia que se titula "El Nautilus llega a Vigo".

Unha nova ferramenta para acceder ao catálogo documental da RAG na rede

A RAG (Real Academia Galega) ofrece un novo servizo en liña que,  segundo podemos ler na súa web, permite acceder aos catálogos de máis de trinta arquivos de distintas institucións galegas e a case 3750 copias dixitais de diversos documentos destas. Preme aquí para acceder a esta útil ferramenta.

Galicia 100: unha apaixonante viaxe pola historia

Galicia 100 é o nome dunha exposición que presenta cen pezas da historia de Galicia. Esta apaixonante viaxe a través da historia pódese visitar ata o vindeiro 7 de xaneiro na sede de Afundación en A Coruña e a partir deste mes ata abril en Vigo.

Preme aquí para coñecer máis sobre esta interesante iniciativa e coñecer todas as pezas.

E na biblioteca... arte I

Este curso, como xa sabedes, Biblioteca Escolar-Territorio das Artes é  o lema escollido para os carteis e outros materiais que a Consellería de Cultura, Educación e Ordenación Universitaria edita con destino ás bibliotecas escolares.

Nós queremos que a arte, que sempre tivo o seu lugar na nosa biblioteca e neste blogue, sexa un dos eixos da nosa actividade, polo que hoxe comezamos lembrando unha exposición sobre o Mestre Mateo que se poderá visitar no Museo del Prado a partir do 29 de novembro e da que vimos de ter noticia grazas á web Culturagalega.org..

Por certo, deixámosvos un interesante vídeo sobre a restauración da obra cimeira do Mestre Mateo: o Pórtico da Gloria na Catedral de Santiago de Compostela.

Libros que van chegando: Historium

A editorial Impedimenta vén de publicar un interesante libro que nos permite coñecer diversas civilización a través dos obxectos que elaboraron: Historium.

Libros que van chegando: Fontán de Marcos Calveiro

É unha figura que me obsesiona dende que na adolescencia lin a Pedrayo: Eu, coma Adrian Solovio quedei deslumbrado polo seu mapa e pola súa figura, levo moitos anos tras a súa sombra.

 Marcos Calveiro

Compartimos con Marcos Calveiro a súa fascinación pola figura de Domingo Fontán; así que, estamos moi contentos de que xa figure no noso catálogo a novela coa que gañou a novena edición do IX Premio de Novela Breve Repsol. 

Unha novela biográfica de fondo histórico na que a ciencia tamén ten o seu "lugar", coma non podía ser doutra forma, tendo coma protagonista a ese "matemático sublime", en palabras de Suso de Toro, que foi o pontevedrés nacido en Porta do Conde (Portas). 

Día Internacional da Muller

Sumámonos ás conmeracións do Día Internacional da Muller cunha presentación sobre Sofia Kovalévskaia que podedes atopar na nosa web.

• O Día Internacional da Muller nas bibliotecas escolares galegas. 
•  Historia do Día Internacional das Mulleres na web da ONU.
• Día Internacional da Muller na web da UNESCO. 
•  8 de marzo. Día Internacional de la Mujer en INTEF.
• Actividades do Día Internacional das Mulleres nos museos. 
• Actividades realizadas no noso centro.

               
Vídeo atopado aquí.

Libros que van chegando: Historia de San Sadurniño ata a metade do século XVIII

Xa temos na biblioteca o libro Historia de San Sadurniño ata a metade do século XVIII da profesora e investigadora Margarita Sánchez Yáñez.

Día Internacional de Conmemoración en Memoria das Vítimas do Holocausto

Lembremos hoxe e sempre 

A Asemblea Xeral das Nacións Unidas acordou o 1 de novembro de 2005 designar o 27 de xaneiro coma Día Internacional de Conmemoración en Memoria das Vítimas do Holocausto. Este ano o tema escollido é: "O Holocausto e a dignidade humana".

El tema de las actividades de recordación y educación sobre el Holocausto en 2016, inclusive de la Ceremonia de Conmemoración del Holocausto, será «El Holocausto y la dignidad humana». Dicho tema establece un vínculo entre la recordación del Holocausto y los principios fundacionales de las Naciones Unidas y reafirma la fe en la dignidad y la valía de todas las personas que se destaca en la Carta de las Naciones Unidas, así como el derecho de aquellas a vivir sin discriminación y gozar de igual protección ante la ley, derecho consagrado en la Declaración Universal de Derechos Humanos.

Organización de las Naciones Unidas

• El Holocausto y el Programa de Divulgación de las Naciones Unidas
• Día de Conmemoración del Holocausto (UNESCO) 
• Enlaces en web de UNESCO 
• Día Internacional de Conmemoración de las Víctimas del Holocausto en Enrédate (Portal educativo de UNICEF. Comité Español)
• "Recorrido por el Holocausto nazi" en Europa Press
• The Anne Frank House
• Lista de películas sobre xenocidios e fichas de traballo en  Cine y derechos humanos (Amnistía Internacional)
• "El horror sin adjetivos de un testimonio inédito de Primo Levi" en El País (27 de enero de 2016)

Unha curiosidade familiar e histórica

Aludiamos na anterior entrada sobre o centenario de Don Quijote a don Pedro Fernández de Castro y Andrade; pois ben, este nobre pertencía a nunha época moi poderosa familia da Casa de Castro e estaba, polo tanto, emparentado cunha figura histórica cuxa vida deu pé a moitas obras literarias: Inés de Castro. Xa temos mencionado a Inés noutras entradas do blogue, pero hoxe queriamos traer aquí o conto titulado Inés de Castro, unha muller para o 8 de marzo, con ilustracións das nenas e nenos dos CEIP, CPR e CEE de Monforte de Lemos, Pobra de Brollón, Currelos, Bóveda, Saviñao e Sober. Por certo, a súa figura é moi popular aínda hoxe en Portugal onde existe a Fundação Inês de Castro que colabora en iniciativas tan interesantes coma este blogue.

Imaxe atopada aquí.

Juana la Loca

A historia da infeliz raíña Juana I de Castela, alcumada a Tola, serviu de inspiración a escritores, directores de cine e músicos (no ano 2005 estreouse unha opera baseada nela). A súa tráxica vida aínda é discutida hoxe por historiadores e psiquiatras como podemos ler neste enlace.

A serie documental de TVE Mujeres en la historia dedicoulle un capítulo á Juana que podes ver premendo aquí. 

Por outra banda, se che interesa coñecer o papel das mulleres na historia recomendámosche o blogue Mujeres en la historia onde atoparás unha interesante selección de libros sobre o tema.  Así mesmo tamén che pode interesar o capítulo a "Historia de ser mulleres" da serie Historias de Galicia ou Historia das mulleres galegas de Pepe Carreiro.
Aproveitamos tamén para lembrarvos as seleccións de libros (unha delas acompañada de guías de lectura) realizadas polo noso Departamento de Xeografía e Historia para os distintos cursos de ESO que podedes atopar neste enlace e nestoutro.

E, xa sabes: agardámosvos onde o mundo se chama biblioteca!

Exposición sobre tesouros preincaicos

O pasado 28 de abril a web da BBC presentaba unhas interesantes fotografías sobre unha exposición de tesouros preincaicos no museo de National Geographic en Washington.

Se che interesa o tema, xa sabes que na biblioteca podes atopar máis información e nós, deixámosche unha recomendación relacionada co tema: El inca de Cuzco de Jorge Martínez Juárez. Un libro que che axudará a achegarte ao mundo dos incas, neste caso, dunha forma amena.

Tendal da Poesía VI: Inés de Castro

As bibliotecas escolares galegas celebraron esta data con interesantes actividades que podes coñecer aquí. Por certo, no CEIP da Gándara lembraron a Inés de Castro, á quen lle dedicamos a nosa anterior entrada. Se visitas o seu blogue atoparás numerosos enlaces de interese sobre esta figura que camiña entre a historia e a lenda.