De volta

    EU TAMÉN NAVEGAR

Xohana Torres

 Un curso máis estamos de  volta neste blogue, aínda que na biblioteca xa levamos traballando todo este mes elaborando proxectos coma os do Club de Lectura e Biblioteca Creativa), programando actividades, etc.. Por suposto, non nos esquecemos das tarefas diarias nas que xa contamos coa axuda do noso equipo de alumnos e alumnas de EP.

 

Este curso a ilustradora e muralista Xoana Almar preparou un cartaz  para as bibliotecas escolares sobre unha obra teatral realizada a partir do poema de Xohana Torres  "Eu tamén navegar".

Ler conta moito:

O martes 2 de abril o alumnado de Educación Infantil asistiu ao espectáculo "A Orixe" de Raquel Queizás na Casa da Cultura, organizado pola Biblioteca Municipal co gallo do Día Internaciónal do Libro Infantil.

 Poderás atopar máis información na nosa web.

E... de novo aquí

Aquí estamos un curso máis neste lugar onde o mundo se chama biblioteca. Empezamos tendo moi presente o lema das bibliotecas escolares para este ano académico: "A biblioteca escolar ten a palabra". 

Xeografías lectoras na biblioteca escolar

Xeografías lectoras na biblioteca escolar é o lema do cartel para as bibliotecas escolares este curso.

 

O cartel é obra de Bea Lema. Preme aquí se queres saber cal foi o seu proceso de creación.

GaliciaLe: plataforma de préstamo das bibliotecas públicas

GaliciaLe é a plataforma de préstamo de libros, revistas, audiolibros e películas en formato electrónico das bibliotecas públicas galegas.

Calendario do libro e da lectura

A Rede de Bibliotecas de Galicia vén de dar a coñecer o Calendario 2020 do libro e da lectura 2020 cun cartel creado por Bea Lema.

• Calendario do libro e da lectura.

Ranganathan

Hai un tempiño escribimos unha entrada sobre o libro Próxima estación futuro de Ranga Yogeshwar. Pois ben, o libro tamén nos permite descubrir que o autor é neto de Ranganathan, un dos grandes bibliotecarios da historia. El formulou as famosas cinco leis da biblioteconomía.

1. Os libros están para usarse.
2. A cada lector o seu libro.
3. A cada libro o seu lector.
4. Hai que aforrar tempo ao lector.
5. A biblioteca é un organismo en crecemento.

Entre as numerosas reflexións de Ranga Yogeshwar atopamos esta información que quizais está moi ligada ao seu libro, porque tal e coma el afirma:

Mi abuelo indio S.R. Ranganathan fue un apasionado experto en biblioteconomía y abogó durante toda su vida por el acceso abierto al conocimiento.En el mundo digital moderno también tenemos que transpasarle a a la próxima generación todo el compromiso histórico, el testigo de nuestro patrimonio mundial. Museos, salas de conciertos y bibliotecas nunca fueron centros de beneficios y siempre vivieron del apoyo de la sociedad. Deberíamos ceñirnos a eso, tanto hoy como en el futuro.

Ranga Yogeshwar

Obxectivos de Desenvolvemento Sustentable

A Asemblea Xeral da ONU adoptou no 2015 a Axenda 2030 para o Desenvolvemento Sostible. Tamén as bibliotecas están comprometidas con esta porque tal e coma nos lembran na web das bibliotecas escolares de Galicia:

As bibliotecas escolares están comprometidas coa Axenda 2030, xa que traballan a prol dunha educación de calidade (Obxectivo 4), na protección e salvagarda do patrimonio cultural (Obxectivo 11.4) e promoven a inclusión do acceso á información e ás tecnoloxías da información e comunicación (Obxectivos 5.b, 9.c, 16.10, 17.8. 

Para saber máis:

• Objetivos de Desarrollo Sostenible (ONU).
• Cadro ODS.

Biblioteca inclusiva

Atopamos no blogue Reinboteca do CEIP de Reibón (Moaña) unha coidada selección de lecturas sobre biblioteca inclusiva. Preme aquí se queres coñecela.BI

Día da Biblioteca

O 24 de outubro celébrase o Día da Biblioteca, unha iniciativa que promove a Asociación Española de Amigos del Libro Infantil y Juvenil.

• Pregón, programa e cartel.
• 24 de outubro, Día da Biblioteca, de todas as bibliotecas.  

Biblioteca escolar, viveiro de cidadanía

A Dirección Xeral de Centros e Recursos Humanos deu a coñecer o lema que propón ás bibliotecas escolares galegas para o presente curso 2019/2020: "Biblioteca escolar, viveiro de cidadanía". Nesta ocasión é o ilustrador Óscar Villán quen interpreta o lema.

Para saber máis preme aquí.

Lecturas para o verán

Atoparedes na nosa páxina web unha selección de enlaces (blogues, webs, bibliotecas virtuais, etc.) sobre lecturas. Premede aquí se queredes coñecelo.

Arthur Hughes

Feliz verán e felices lecturas de verán!

Nós, coma sempre, agardámoste onde o mundo se chama biblioteca.

Día Internacional da Muller

As bibliotecas escolares de Galicia desenvolveron numerosas actividades co gallo desta data. Preme aquí se desexas coñecelas.

Benvidas e benvidos

Un setembro máis dámosvos a benvida ao curso e a este blogue. Comezamos con azos un outono que agardemos cheo de actividades e libros que vos gusten.

Deixámosvos un cartel da CDU moi especial que, seguramente, algunhas e algúns xa coñecedes se visitastes a nosa biblioteca a pasada semana.

Benvidas e benvidos a onde o mundo se chama biblioteca!

Bibliotecas rurais: levando os libros ás casas

O 1 de maio emitiron no programa cultural Página Dos unha interesante reportaxe sobre unha biblioteca que poderiamos chamar "viaxeira". Preme aquí se queres saber en que consiste esta iniciativa.

Novembro de Ciencia II: Novembro, mes da ciencia en galego nas bibliotecas

Da ciencia depende o futuro do noso planeta e o benestar de todos os seres que o habitan. Coida da ciencia, coida do planeta, coida do teu futuro: é a túa achega, é a nosa obriga.

 Peregrina Quintela Estévez

Un ano máis chega "Novembro, mes da ciencia en galego nas bibliotecas". Este ano a encargada de redactar o pregón foi a matemática Peregrina Quintela Estévez quen gañou o Premio María Josefa Wonenburger Planells 2016. A matemática, especialista en matemática industrial, é tamén catedrática na USC. 

Para saber máis:

• "Novembro, mes da ciencia en galego" en Bibliotecas Escolares de Galicia.
• Mes da ciencia en galego nas bibliotecas.
• Manifesto de Peregrina Quintela Estévez co gallo desta data.

Onde o mundo se chama biblioteca V: máis marcapáxinas

Hoxe continuamos amosándovos algunhas das fotografías do obradoiro de marcapáxinas do pasado martes.

Onde o mundo se chama biblioteca IV: os nosos marcapáxinas

Unha das actividades previstas para celebrar o Día da Biblioteca era o obradoiro de marcapáxinas. Pois ben, onte levámolo a cabo e estes son algúns dos resultados aínda pendentes de rematar.

Moitas grazas a todas e todos os participantes!

Onde o mundo se chama biblioteca III: feliz Día da Biblioteca

Xa chegou o Día da Biblioteca e coma todos os anos A Asociación de Amigos del Libro Infantil y Juvenil en colaboración co Ministerio de Educación, Cultura e Deporte conmemora esta data cun pregón e un cartel. Este ano o autor do pregón é Alejandro Palomas e o do cartel Manuel Marsol.

Hoy es un día especial. Celebramos el Día de las Bibliotecas y celebramos también que cientos, miles de Mary Poppins sin alas velan por los libros que las habitan para que no se mueran ni se vayan, e Ismael siga creyendo que la vida está en los libros y su reflejo fuera. Hoy es el día en que, un año más, la magia se renueva y todas las bibliotecarias y bibliotecarios del mundo se saludan con una mirada cómplice y un largo. hermoso y tierno:

“Supercalifragilísticoespialidoso”.

 Alejandro Palomas

• Pregón de Alejandro Palomas.

Onde o mundo se chama biblioteca

Empezamos hoxe  a escribir unha serie de entradas sobre o Día da Biblioteca nas que pretendemos ofrecervos recursos e e presentarvos algunha actividade especial que temos programada para ese día.

• "Día de la Biblioteca" na revista Babar. 
• "Galería de ilustracións sobre bibliotecas" na revista Babar.
• "Día de la Biblioteca" en Asociación Española de Amigos del Libro Infantil y Juvenil. 
• Rede de Bibliotecas Públicas de Galicia.
• GaliciaLe. A plataforma de préstamos de libros electrónicos das bibliotecas galegas.
• Actividades na Axenda Cultural de Galicia.
• A biblioteca de San Sadurniño en Fálame de San Sadurniño.
• Biblioteca Pública de San Sadurniño.
• Bibliotecas Escolares de Galicia. 
• Actividades das Bibliotecas Escolares de Galicia para o 23 de outubro. 
• Día de la Biblioteca (MECD).
• Campaña "Estoy en la biblio" (Observatorio del Libro y la Lectura. MECD).

Yacek Yerka