Día da Muller

 Actualizamos a nosa selección de recursos para o Día Internacional da Muller na nosa aula virtual.

Día da Muller: actividades

 O pasado venres conmemoramos o Día da Muller con actividades moi diversas: moitos carteis e  tamén poemas sobre mulleres elaborados polo alumnado de 2º de ESO.

Tarxetas sobre científicas:

Un xogo de programación con Scratch elaborado polo alumnado de 4º de ESO en Tecnoloxía sobre imaxes e explicacións dos estereotipos nos contos tradicionais traballadas  nas clases de Lingua Galega e Literatura.

 

E como colofón un recital de poemas de diferentes escritoras e pezas musicais levado a cabo polo alumnado de ESO para todo o centro. Esta actividade foi coordinada polo equipo de biblioteca en colaboración cos departamentos de Música, Lingua Castelá e Lingua Galega.

 

• Actividades das bibliotecas escolares.

Día da Muller: guía

 Presentámosvos a guía de suxestións de lectura que vimos de elaborar co gallo do Día da Muller.

Día Internacional da Muller

O pasado 8 de marzo organizáronse  numerosas actividades no noso centro, nas que tamén colaborou a bibloteca,  co gallo do Día Internacional da Muller : murais, carteis, exposicións de libros...

EI e EP

ESO

• Actividades das bibliotecas escolares de Galicia.
  

Día Internacional da Muller

 Elaboramos unha pequena guía de suxestións de lecturas co gallo do Día Internacional da Muller.

• Actividades nas bibliotecas escolares de Galicia.

Día Internacional da Muller

O Día Internacional da Muller conmemórase o vindeiro 8 de marzo. Elaboramos unha pequena guía de suxestións de lectura que esperamos sexa do voso interese.

• Blogue O Talento silenciado.
• Actividades das bibliotecas escolares de Galicia.

Día Internacional da Muller

As bibliotecas escolares de Galicia desenvolveron numerosas actividades co gallo desta data. Preme aquí se desexas coñecelas.

Día Internacional da Muller

Deixámosvos algunhas suxestións de lectura para secundaria co gallo desta data.

Día Internacional da Muller VI: Carmen de Burgos

O pasado 10 de decembro cumpríronse 150 anos do nacemento de Carmen de Burgos "Colombine", considerada a primeira xornalista profesional española.

Para saber máis:

• "Semblanza de Carmen de Burgos" en Biblioteca Nacional de España.
• Mujeres en la historia: Carmen de Burgos.  RTVE

Día Internacional da Muller V: as actividades do noso centro

Estes días no noso centro realizáronse moitas actividades sobre o Día Internacional da Muller. Entre eles figura unha interesante exposición e un photocall que nos invita a pensar e reflexionar ao mesmo tempo que deixamos testemuño gráfico. Moitos parabéns por estas dúas interesantes iniciativas sobre as que se pode atopar máis información na nosa web.

Día Internacional da Muller IV: Pioneiras

Un álbum sobre doce mulleres galegas que foron pioneiras en diversos ámbitos: fútbol, xornalismo, medicina... Un álbum moi utilizado, por certo, estes días no noso centro nas diversas etapas educativas.

• Reseña en Caderno da Crítica.
• "Elas son as grandes pioneiras galegas" en La Voz de Galicia (02/03/2018).

Día Internacional da Muller III: taboleiros de literatura infantil e xuvenil galega para a igualdade

Atopamos no blogue Rede Lectura nova da publicación de dous taboleiros en Pinterest de libros de literatura infantil e xuvenil para a igualdade por parte de Pilar Sampedro. O nome, Rapazas 25, alude aos 25 anos da publicación do libro de relatos Rapazas polo noso sempre lembrado Agustín Fernández Paz.

• Rapazas 25 Literatura infantil galega para a igualdade.
•  Rapazas 25 Literatura xuvenil galega para a igualdade.

Día Internacional da Muller II: exposición de fondos

Ao longo do mes de marzo podedes visitar a nosa exposición de fondos para secundaria. Tamén elaboramos unha pequena presentación con fotografías e textos de escritoras a que podedes acceder premendo aquí.

Día Internacional da Muller: Unha escritora, unha personaxe histórica e unha novela

Isabel Zendal é unha das figuras sobre as que estamos a traballar no centro nestas datas; por isto decidimos elaborar unha presentación sobre ela e a escritora María Solar, autora da novela Os nenos da varíola na que Isabel ten un importante papel. Premede aquí se queredes coñecer a nosa pequena homenaxe a esta muller (nada en Ordes en 1773) a quen a OMS considera a primeira enfermeira da historia en misión internacional e tamén a unha das nosas escritoras e xornalistas máis recoñecidas, a compostelá María Solar. 

Día Internacional da Muller

Sumámonos ás conmeracións do Día Internacional da Muller cunha presentación sobre Sofia Kovalévskaia que podedes atopar na nosa web.

• O Día Internacional da Muller nas bibliotecas escolares galegas. 
•  Historia do Día Internacional das Mulleres na web da ONU.
• Día Internacional da Muller na web da UNESCO. 
•  8 de marzo. Día Internacional de la Mujer en INTEF.
• Actividades do Día Internacional das Mulleres nos museos. 
• Actividades realizadas no noso centro.

               
Vídeo atopado aquí.

Libros, libros, libros: Clara Campoamor: la sufragista

Clara Campoamor: la sufragista é un libro de Víctor Vilardell Balasch que conta dunha forma amena a vida da avogada e política madrileña valedora dos dereitos da muller e firme defensora do sufraxio feminino (aprobado por primeira vez en España o 1 de outubro de 1931).

Este é un interesante vídeo sobre o debate arredor do sufraxio feminino no que a Clara Campoamor tivo un destacado papel:

Libros, libros, libros: Emilia Pardo Bazán

Emilia Pardo Bazán non só é unha das novelistas máis destacadas do século XIX en castelán, senón que tamén foi unha precursora do feminismo e unha destacada defensora da educación das mulleres nunha época na que unha elevada porcentaxe delas eran analfabetas.

A longametraxe Emilia Pardo Bazán, a condesa rebelde dirixida por Zaza Ceballos lémbranos a vida desta apaixonada e apaixonante escritora. Por certo, a Secretaría Xeral de Igualdade elaborou unha unidade didáctica a partir da película. Deixámosvos un anaquiño ben ilustrativo desta que nos permite reflexionar sobre a  situación das mulleres a finais do XIX.  

Libros, libros, libros: Emilia Pardo Bazán. Unha nena seducida polos libros

Hai xa meses que, coma sabedes, temos un libro presentando cada andel na sala de secundaria, pero agora ocorréusenos ir presentando libros que van chegando, que xa estaban dende hai tempo... En fin, sacar os libros dos andeis para posibilitar que cheguen ás vosas mans. E coma o día 8 foi o Día Internacional da Muller esta semana dedicámonos, como xa vos contamos, a "presentar" libros escritos por mulleres ou sobre mulleres.

Hoxe traemos unha novidade na nosa biblioteca: Emilia Pardo Bazán. Unha nena seducida polos libros de Mª Xosé Queizán. A figura da escritora coruñesa é recreada nesta obra (recomendable de 10 anos en diante) que nos achega a súa vida e a súa obra, pero tamén ao contexto histórico no que lle tocou vivir. Por certo, se queredes coñecer os fondos que temos na biblioteca sobre a Pardo Bazán só tedes que premer aquí.

Libros, libros, libros: Curie la atómica

Continuamos con Marie Curie, recomendándovos outro libro que podedes atopar na nosa biblioteca: Curie la atómica de Eduardo Rodríguez Serrano (recomendado a partir de 9 anos).

Libros, libros, libros: El rayo azul

Hoxe traemos a blogue unha novidade na nosa biblioteca: El rayo azul (Marie Curie, descubridora del radio) de Vicente Muñoz Puelles. Un libro (recomendado a partir dos 14 anos) que nos achega á vida da científica franco-polonesa gañadora do Premio Nóbel de Físia en 1903 (conxuntamente co seu marido Pierre Curie e con Henri Becquerel) e do de Química en 1911 polos seus traballos sobre o Radio.