Tendal da poesía VI: Xohana Torres

A poeta, narradora e dramaturga Xohana Torres naceu en Santiago de Compostela en 1931, aínda que pasou a súa infancia e mocidade en Ferrol, cidade na que a través de Ricardo Carballo Calero entrou en contacto co mundo do teatro. 

Eliximos un seu poema do libro Tempo de ría no que Penélope, a dona de Ulises, reclama a súa voz:

PENÉLOPE


                   DECLARA o Oráculo:

                                                        "Que a banda do solpor é mar de mortos,
                                                         incerta, última luz, non terás medo.

                                                         Que ramas de loureiro erguen rapazas.
                                                         Que cor malva se decide o acio.

                                                         Que acades desas patrias a vindima.
                                                         Que amaine o vento, beberás o viño.

                                                         Que sereas sen voz a vela embaten.
                                                         Que un sumario de xerfa polos cons".


     Así falou Penélope:


                                                         Existe a maxia e pode ser de todos.
                                                         ¿A que tanto novelo e tanta historia?

                                                         EU TAMEN NAVEGAR"


Xohana Torres