As nosas guías para este Nadal

Xa están listas as nosas guías de Nadal: Agasállame (para Educación Infantil e Primaria) e Cara a unha illa misteriosa de libros (dedicada a Jules Verne).

• Recomendacións de Nadal das Bibliotecas Escolares de Galicia.

Libros que van chegando: ¿Quieres ser periodista?

¿Quieres ser periodista? Todo lo que tienes que saber... o casi é un libro de María Solar e Luis Fraga que nos achega ao mundo do xornalismo.

• Fragmento do libro.
• Entrevista con María Solar e Luis Fraga no programa A Revista da TVG.

Novembro de Ciencia XVII... en decembro tamén: Fósiles y dinosaurios

Entre as novidades que vimos de adquirir figura Fósiles y dinosaurios. Tras la huella de los dragones y de otras criaturas de Dino Ticli. Un libro entretido e rigoroso que nos explica a orixe de moitos mitos sobre criaturas fantásticas a partir da Paleontoloxía:

En estas páginas podrás leer cómo eran las cosas directamente de los que crearon los mitos o vivieron cuando los dragones, sirenas y gigantes existían... ¡al menos para ellos!

Y, gracias a una disciplina que se centra en el pasado, la paleontología, descubrirás cómo fueron las cosas realmente.

Dino Ticli, Fósiles y dinosaurios

• Ficha do libro en Canal Lector.
• Fragmento do libro.

Novembro de Ciencia XVI... en decembro tamén: Manuela Barreiro a primeira licenciada en Farmacia en Galicia

Atopamos en GCiencia nova da publicación dun libro sobre a primeira muller que se licenciou en Farmacia na USC (Universidade de Santiago de Compostela): Manuela Barreiro Pico. Ribadense destacada.

Novembro de Ciencia... en decembro tamén XV: continuamos con Baltasar Merino

Escribiamos hai unha temporadiña en Meteosansa e tamén neste mesmo blogue sobre Baltasar Merino, a quen a Real Academia Galega de Ciencias homenaxeou este ano no Día da Ciencia en Galicia. Hoxe deixámosvos un vídeo que vos achega o seu labor nos eido da botánica e da meteoroloxía.

Novembro de Ciencia... en decembro tamén XIV: un poema e un libro sobre as baleas azuis

Érase una vez un niño que tomó un libro de la estantería y comenzó a leer...

Jenni Desmond

E ese libro trataba de baleas azuis...

• La ballena azul en Canal Lector. 

 A poeta Gloria Fuertes escribiu tamén sobre baleas azuis:

La ballena azul

nació en el  Mediterráneo…

nadando, nadando cruzó el ancho estrecho

y llegó  una mañana

a la costa africana.

Se quedó en la costa africana

porque le dio la gana.

La robaron del mar,

que era su dueño

y la pescaron

unos noruegos.

Sólo su corazón pesaba

media tonelada.

Porque la ballena azul

estaba enamorada. 

Gloria Fuertes 

• Mi primer libro sobre Gloria Fuertes en Canal Lector.

Poesía: novidades editoriais

Atopamos en Rede Lectura nova de recentes publicacións de poesía: O baúl de Domingos Quintas de Xoán Babarro,  A pel do mundo de Berta Dávila e Anatomía da lingua de Antón Cortizas.

Novembro de Ciencia... en decembro tamén XIII: as baleas azuis

Lemos en GCiencia que se produciron novos avistamentos de baleas azuis nas costas galegas e non podemos deixar de aledarnos de que a Balaenoptera musculus (ese é o seu nome científico) nos visite porque este xigantesco mamífero mariño estivo ao piques de se extinguir.

Benvidas baleas azuis!

Outono de poemas: Ángel González

Hoxe traemos ao blogue un vídeo de Ángel González recitando o poema "El otoño se acerca" do poemario Otoño y otras luces publicado en 2001.

Outono de poemas: Ángel González

Mañana de otoño en Eragny de Camille Pissarro

A transparencia poética de Ángel González reflíctese neste poema que escollemos para este "Outono de poemas" a comezos do mes no que esta estación remata.

El otoño se acerca 

El otoño se acerca con muy poco ruido:
apagadas cigarras, unos grillos apenas,
defienden el reducto
de un verano obstinado en perpetuarse,
cuya suntuosa cola aún brilla hacia el oeste.

Se diría que aquí no pasa nada,
pero un silencio súbito ilumina el prodigio:
ha pasado
un ángel
que se llamaba luz, o fuego, o vida.

Y lo perdimos para siempre

Ángel González: Otoño y otras luces

Novembro de Ciencia XII: Concurso Investigación e Ciencia

O departamento de Física e Química en colaboración coa Biblioteca convoca o VII concurso Investigación e Ciencia dirixido ao alumnado de secundaria do noso centro. Este curso presenta unha única modalidade: fotografía de tema científico.

Atoparás na nosa web as bases.

Novembro de ciencia XI: A señorita Bubble de Ledicia Costas

Pois si... Xa está aquí a nova novela de Ledicia Costas (a creadora dese personaxe tan popular na nosa biblioteca chamado Escarlatina): A señorita Bubble. 

• Reseña en Rede Lectura.
• Reseña en Brabádegos.
• "Ledicia Costas reivindica en A señorita Bubble o papel da muller na ciencia" en La Voz de Galicia (23/09/2017).

 Por certo, encántannos as ilustracións de Andrés Meixide!

Lecturas pola igualdade para EI e EP

Os membros do equipo da biblioteca de Educación Infantil e Primaria elaboraron unha guía de lecturas pola igualdadade que podedes atopar na nosa web.

Día Internacional contra a Violencia de Xénero

O Día Internacional para a Eliminación da Violencia contra a Muller foi aprobado pola Asemblea Xeral das Nacións Unidas na súa Resolución 50/134 o 17 de decembro de 1999. Co gallo desta data o alumnado de 3º e 4º de ESO do noso centro asistiu ao obradoiro Cartas de amor conducido por Gloria Serrato a partir das ilustracións da exposición homónima que se pode visitar na Casa do Concello.  Así mesmo, o alumnado de Infantil e Primaria participou nunha sesión de contacontos.

• Día Internacional de la Eliminación de la Violencia contra la Mujer, 25 de noviembre. ONU.
• Recursos sobre "Únete para poner fin a la violencia contra las mujeres".
• 25 de novembro. Día Internacional Contra a Violencia de Xénero (Xunta de Galicia).
• Mulleres en Galicia. Secretaría Xeral de Igualdade.
• Recursos: Día Internacional Contra a Violencia de Xénero. 
• Recursos de Iguadad de Género en Convivencia Escolar. 
• Unidade didáctica Libro do mal amor. Haikus contra a violencia de xénero.
• Campaña En negro contra as violencias.
• Actividades do Concello de San Sadurniño.
• Día Internacional contra a Violencia de Xénero en Bibliosansa.

Lembrade que xa podes atopar as bases sobre o Certame Literario 25 de novembro, convocado polo EDLG e o Equipo da Biblioteca para 3º e 4º de ESO, na nosa web.

Novembro de ciencia X: Ceos galegos

Ceos galegos é o nome dun calendario astronómico que coordina o físico Dosi Veiga e que recolle as mellores imaxes sobre o firmamento tomadas por fotógrafos galegos. Preme aquí se queres saber máis sobre este fermoso e didáctico calendario.

Lecturas de medo en secundaria

O pasado martes 31 levamos a cabo as nosas lecturas de medo en secundaria. Nesta ocasión escollemos un relato pertencente ao libro Os contos de terror do tío Montague de Chris Priestley. 

Ó cabo dun tempo que sempre se me facía eterno, e xusto cando me dispoñía a botarlle man outra vez á aldraba, abríase a porta e aparecía no limiar o tío Montague, coma sempre, termando dunha candea e sorríndome, acenándome para que entrase.

   –Non quedes aí ó frío, Edgar –díxome ese día, coma sempre–. Pasa, rapaz, pasa.

  Chris Priestley, Os contos de terror do tío Montague

Preme aquí se queres ler un anaquiño do libro e pasalo de medo co medo! E preme nestoutro enlace coa nosa web se queres ve algunha fotografía máis sobre esta actividade.

Novembro de Ciencia IX: continuamos con Ángela Alvariño

Deixámosvos un pequeno vídeo divulgativo sobre a figura da oceanógrafa ferrolá Ángeles Alvariño a quen lle dedicamos a nosa entrada de onte.

Novembro de Ciencia VIII: Un ronsel de Ardora

Escolle a profesión que amas, traballa duro e con entusiasmo, e observa e ama a Nai Natureza.

Ángeles Alvariño

Un ronsel de Ardora é unha pequena biografía da científica María de los Ángeles Alvariño (Serantes, Ferrol 1916- San Diego 2005). A coñecida oceonógrafa ferrolá descubriu 22 especies novas de organismos mariños, participou en diversas expedicións científicas e foi profesora universitaria en México e Estados Unidos.

• Ángeles Alvariño no Álbum de mulleres.
• Ángeles Alvariño en Bibliosansa.

O magosto

O 9 de novembro celebramos o magosto no noso centro como xa todos e todas sabedes. Se estades interesados en coñecer máis sobre esta festa tradicional atoparedes máis información nas entradas deste blogue que levan a etiqueta magosto.

Que fantasmada de libros!

Unha das actividades que organizan en Educación Infantil e Educación Primaria para o Samaín son as lecturas de medo. Este ano estiveron protagonizadas polas pantasmas e un castelo moi especial... Preme aquí se queres coñecer máis sobre esta actividade.

Novembro de ciencia VII: Mujeres de ciencia

  Rachel Ignotofsky proporciona a las mujeres jóvenes el coraje y la confianza necesarios para que sigan los excitantes caminos que estas pioneras recorrieron antes que ellas.

 Eileeeen Pollack

Un libro que nos acerca á vida e obra de cincuenta científicas dende a antigüidade ata hoxe: enxeñeiras, matemáticas, físicas, astrónomas, biólogas, astronautas...

Novembro de Ciencia VI: revista A ciencia en Galicia

A Real Academia Galega de Ciencias e GCiencia publican a revista A ciencia en Galicia que está dispoñible na súa propia web onde tamén a podes descargar en formato pdf. A revista inclúe numerosas reportaxes dedicadas a Baltasar Merino homenaxeado este ano pola RAGC no Día da Ciencia en Galicia.

• Baltasar Merino no Álbum da Ciencia.
• "Baltasar Merino, el burgalés que censó a caballo la flora gallega, científico del año" en La Voz de Galicia (08/03/2017).
• "O botánico Baltasar Merino protagoniza o Día da Ciencia en Galicia" en GCiencia.
   
  
  
  
  

Día das Librerías

Hoxe celébrase a sétima edición do Día das Librerías. Este ano o lema escollido é "Deixa que che conten".

• Librerías en viñetas na revista Babar.

Novembro de Ciencia V: Begoña Vila premio María Wonenburger

A viguesa Begoña Vila vén de recibir o Premio María Josefa Wonenburger. A astrofísica da Cidade Olívica está especializada no estudo de galaxias residuais e reside en Estados Unidos onde traballa para a NASA. Begoña Vila é unha das principais responsables do telescopio espacial James Webb que  substituirá ao Hubble. 

Begoña Vila. Fonte: Xunta de Galicia

Para saber máis:

• Entrevista en GCiencia.
• "Begoña Vila, a astrofísica premiada pola NASA" na Revista (TVG).

Novembro de Ciencia IV: Domingo Fontán

Domingo Fontán é un científico galego ao que xa lle temos dedicado algunha entrada no noso blogue e sobre o que os departamentos de Matemáticas, Xeografía e Historia, Educación Física e Lingua Galega e Literatura teñen traballado conxuntamente.

Domingo Fontán por Antonio María Esquivel

• Recursos sobre Domingo Fontán na web do VIII Día da Ciencia en Galego.
• "Libros que van chegando: Fontán de Marcos Calveiro" en Bibliosansa.
• "Novembro de ciencia: científicos galegos" en Bibliosansa.

Novembro de Ciencia III: Robótica en Sansa

O pasado 25 de outubro catro alumnos e alumnas de 5º de EP, acompañados de dous dos seus profesores, participaron nunha reunión de traballo que se engloba dentro do programa de innovación educativa "Introdución á robótica educativa en primaria". O alumnado realizou unha demostración do traballo que realizan en Robótica (materia de libre configuración en 4º de EP) e o seu profe Iván participou nunha mesa redonda sobre "Experiencias robótica en primaria". Podes atopar máis información, fotos e vídeos sobre esta actividade na nosa web.

Moitos parabéns ao alumnado e profesorado!

Novembro de Ciencia II: Novembro, mes da ciencia en galego nas bibliotecas

Da ciencia depende o futuro do noso planeta e o benestar de todos os seres que o habitan. Coida da ciencia, coida do planeta, coida do teu futuro: é a túa achega, é a nosa obriga.

 Peregrina Quintela Estévez

Un ano máis chega "Novembro, mes da ciencia en galego nas bibliotecas". Este ano a encargada de redactar o pregón foi a matemática Peregrina Quintela Estévez quen gañou o Premio María Josefa Wonenburger Planells 2016. A matemática, especialista en matemática industrial, é tamén catedrática na USC. 

Para saber máis:

• "Novembro, mes da ciencia en galego" en Bibliotecas Escolares de Galicia.
• Mes da ciencia en galego nas bibliotecas.
• Manifesto de Peregrina Quintela Estévez co gallo desta data.

Novembro de Ciencia: VIII Día da Ciencia en Galego

O vindeiro día 4 de novembro Igaciencia invítanos a celebrar o VIII Día da Ciencia en Galego que este ano está adicado ás viaxes científicas. Tamén se homenaxea a Charles Darwin e a Domingo Fontán quen, coma moitos xa sabedes, foi o autor do primeiro mapa topográfico científico de Galicia.

Para saber máis:

• VIII Día da Ciencia en Galego.
• Web de Igaciencia.

As pantasmas na biblio!

As pantasmas na biblio é o título do primeiro boletín de novidades de lecturas para Educación Infantil e Primaria deste curso. Unha selección de libros moi especial dedicada ás pantasmas, porque estas son as protagonistas das lecturas de medo co gallo do Samaín. Preme aquí para coñecer o boletín e pasalo de medo co medo.

O Samaín

Xa nos estamos a achegar a esta data de cabazas e lecturas de medo. Así que vos deixamos algunhas suxestións de lectura e recursos para esta data.

• Recursos para o Samaín. Páxina elaborada por Mª Asunción García Álvarez. 
• "O Samaín" en Bibliosansa. 

Lecturas de medo

Mañá no tempo de lecer de antes de xantar teremos na sala de secundaria unha sesión moi especial de lectura: un conto de medo... E cal será? Convidámosvos a todos e todas a pasar e participar na lectura.

E por se queredes seguir coas lecturas de medo, aquí tedes o enlace cunha guía de lecturas para pasalo de medo co medo que elaboramos para o alumnado de secundaria no ano 20015.

• Pasándo de medo co medo. Suxestión de lectura para a ESO.

Onde o mundo se chama biblioteca VI: exposición de cómic

O pasado 24 tamén inauguramos unha exposición de banda deseñada que poderedes visitar ao longo do mes de novembro na sala de secundaria.

Onde o mundo se chama biblioteca V: máis marcapáxinas

Hoxe continuamos amosándovos algunhas das fotografías do obradoiro de marcapáxinas do pasado martes.

Onde o mundo se chama biblioteca IV: os nosos marcapáxinas

Unha das actividades previstas para celebrar o Día da Biblioteca era o obradoiro de marcapáxinas. Pois ben, onte levámolo a cabo e estes son algúns dos resultados aínda pendentes de rematar.

Moitas grazas a todas e todos os participantes!

Onde o mundo se chama biblioteca III: feliz Día da Biblioteca

Xa chegou o Día da Biblioteca e coma todos os anos A Asociación de Amigos del Libro Infantil y Juvenil en colaboración co Ministerio de Educación, Cultura e Deporte conmemora esta data cun pregón e un cartel. Este ano o autor do pregón é Alejandro Palomas e o do cartel Manuel Marsol.

Hoy es un día especial. Celebramos el Día de las Bibliotecas y celebramos también que cientos, miles de Mary Poppins sin alas velan por los libros que las habitan para que no se mueran ni se vayan, e Ismael siga creyendo que la vida está en los libros y su reflejo fuera. Hoy es el día en que, un año más, la magia se renueva y todas las bibliotecarias y bibliotecarios del mundo se saludan con una mirada cómplice y un largo. hermoso y tierno:

“Supercalifragilísticoespialidoso”.

 Alejandro Palomas

• Pregón de Alejandro Palomas.

Onde o mundo se chama biblioteca II: obradoiro de marcapáxinas

Mañá é o Día da Biblioteca e nós queremos conmemoralo invitándovos a participar nun obradoiro de marcapáxinas na sala de secundaria. Ven e elabora o teu marcapáxinas!

Onde o mundo se chama biblioteca

Empezamos hoxe  a escribir unha serie de entradas sobre o Día da Biblioteca nas que pretendemos ofrecervos recursos e e presentarvos algunha actividade especial que temos programada para ese día.

• "Día de la Biblioteca" na revista Babar. 
• "Galería de ilustracións sobre bibliotecas" na revista Babar.
• "Día de la Biblioteca" en Asociación Española de Amigos del Libro Infantil y Juvenil. 
• Rede de Bibliotecas Públicas de Galicia.
• GaliciaLe. A plataforma de préstamos de libros electrónicos das bibliotecas galegas.
• Actividades na Axenda Cultural de Galicia.
• A biblioteca de San Sadurniño en Fálame de San Sadurniño.
• Biblioteca Pública de San Sadurniño.
• Bibliotecas Escolares de Galicia. 
• Actividades das Bibliotecas Escolares de Galicia para o 23 de outubro. 
• Día de la Biblioteca (MECD).
• Campaña "Estoy en la biblio" (Observatorio del Libro y la Lectura. MECD).

Yacek Yerka

A verdadeira historia da mosca da tele

Coñeces moitos libros que teñan coma protagonista a unha mosca da tele? Pois ben, aquí tes un. Esta mosca vai emprender unha particular viaxe que a levará a coñecer moitos insectos e vivir numerosas aventuras.

Para saber máis:

• "María Solar conta a verdadeira historia da mosca da tele" en El Correo Gallego (29-10-2012).
• Entrevista con María Solar no programa Eirado da TVG.
• Reseña en Bibliopazos.