Libros que van chegando: Dinosaurium

 

Dinosaurium é un libro da colección "Visita nuestro museo" da editorial Impedimenta que explora a vida dos dinosaurios.

Novembro, Mes da Ciencia en Galego nas Bibliotecas

A ciencia non é unha cousa escura que só se fai en complexos laboratorios, senón
que, por riba de todo, é unha maneira de pensar, unha actitude para chegar ao
coñecemento.

Xurxo Mariño

 

Un ano máis chega "Novembro, Mes da Ciencia en Galego nas Bibliotecas". Trátase dunha iniciativa da Consellería de Cultura, Educación e Universidade e a Secretaría Xeral de Política Lingüística coa que colabora un científico que escribe un manifesto sobre a ciencia. Este ano o autor deste é o biólogo Xurxo Mariño.

 

• Manifesto de Xurxo Mariño. 
• Recompilación de recursos e actividades das bibliotecas escolares de Galicia.
  

Un verán de libros: Botanicum

Gústannos moito todos os libros publicados na colección Visita nuestro museo da editorial Impedimenta. Así que, hoxe traemos a esta nosa bitácora un fermoso percorrido pola vida vexetal.

Primeiro capítulo.

Rías de Vida

Atopamos en GCiencia novas dos vídeos "Rías de Vida" que tratan sobre os fondos mariños da ría de Pontevedra. Están dispoñibles na canle de Youtube de "Rías de Vida".

Libros que van chegando: Botanicum

Unha xoia máis da colección "Visita nuestro museo" (editorial Impedimenta) que nos acerca ao mundo vexetal.

Novembro de Ciencia II: Novembro Mes da Ciencia en Galego nas Bibliotecas

 "Para ser libre mediante a cultura, igual ca para facer boa ciencia, hai que ler". 

Luís Navarro

As consellerías de Cultura e Educación, a través das unidades responsables das bibliotecas públicas e escolares, xunto coa  Secretaría Xeral de Política Lingüística, celebran o mes de novembro como Mes da Ciencia en Galego nas Bibliotecas. Este ano o manifesto para esta conmemoración foi escrito por Luís Navarro profesor titular de Bioloxía da Universidade de Vigo.

 

•  Manifesto de Luís Navarro.

Novembro de Ciencia... en decembro tamén XIII: as baleas azuis

Lemos en GCiencia que se produciron novos avistamentos de baleas azuis nas costas galegas e non podemos deixar de aledarnos de que a Balaenoptera musculus (ese é o seu nome científico) nos visite porque este xigantesco mamífero mariño estivo ao piques de se extinguir.

Benvidas baleas azuis!

A beleza do Universo

Un pouco máis tarde do previsto, xa que habitualmente adoitamos publicar as nosas guías de suxestións de ciencia en novembro, presentámosvos A beleza do Universo. Premede na imaxe se queredes coñecer esta nosa nova guía.

Novembro, mes da Ciencia en Galego nas Bibliotecas VI: De vacalouras e escornabaois

Por sobre do soutelo había unha carballeira; entre os dous bosques un regueiro estreito. A carballeira era o reino ciclópeo e salvaxe das vacalouras.

Méndez Ferrín, "Grieih"

 

Atopamos en GCiencia, unha das nosas webs de divulgación científica preferidas, unha nova preocupante sobre as vacalouras ou escornabois (Lucanus cervus) que se titula "A vacaloura, unha icona galega en perigo". O certo é que tal e coma nos lembran no artigo, o Lucanus cervus, chamado en castelán "ciervo volante", tivo unha gran presenza na cultura popular galega, foi coprotagonista dun conto de Méndez Ferrín titulado "Grieih" (Percival e outras historias) e ata dunha canción do Xabarín Club! 

Novembro Mes da Ciencia en Galego nas Bibliotecas Escolares V: Vivir no solo

Pois si, moita xente cre que é necesario salvar as baleas ou os carballos pero non movería un dedo polo solo. 

Vivir no solo

Esta é unha das reflexións da lombriga ou miñoca (Lumbricus terrestris) protagonista do cómic Vivir no solo que, segundo lemos no xornal La Voz de Galicia, vén de traducirse ao italiano, despois de ter sido traducido ao castelán, o catalán e o inglés. Un verdadeiro éxito para unha obra con texto de Marilar Aleixandre e ilustracións de Francisco Bueno que naceu no ano 2000 para sensibilizar á cidadanía sobre a necesidade de protexer o solo.

Preme aquí se queres lelo e lembra que na bilioteca temos un exemplar impreso.

Novembro de Ciencia IV: Ano Internacional dos Legumes

A Asemblea Xeral das Nacións Unidas proclamou (no seu 68ª período de sesións) o ano 2016 Ano Internacional dos Legumes co fin de sensibilizar á cidadanía sobre vantaxes nutricionais destes como parte dunha produción de alimentos sustentable encamiñada a lograr a seguridade alimentaria e a nutrición.

Para saber máis:

• Año Internacional de las Legumbres (FAO).
• Exposición: "2016, Ano Internacional dos Legumes (Museo de Historia Natural da USC).

               
Vídeo atopado aquí. 

Novembro Mes da Ciencia en Galego nas Bibliotecas Escolares III: Cruz Gallástegui

Cruz Ángel Gallástegui Unamuno naceu en Bergara en 1891 e faleceu en Pontevedra en 1960. Gallástegui, afincado en Galicia dende 1921, foi un enxeñeiro agrónomo e veterinario que se converteu nun dos pioneiros en experimentar con híbridos do millo en Europa e nun modernizador da agricultura galega.
Para saber máis:

• Unidade Didáctica "O mago das espigas".
• Cruz Gallástegui no Álbum da Ciencia.
• As causas das cousas. Capítulo 18 da serie Historias de Galicia (a partir do minuto 19).

Novembro, Mes da Ciencia en Galego II: Día da Ciencia en Galego

Hoxe, coma moitos e moitas sabedes, conmemoramos o VII Día da Ciencia en Galego. Este ano lémbranse o Ano Internacional dos Legumes e tamén os científicos Gregor Mendel e Cruz Gallastegui.

Para saber máis:

• IGACIENCIA
• Guía de lectura de ciencia en galego no blogue da Biblioteca e o Equipo de Dinamización da Lingua Galega do CPI As revoltas.

Final mundial de Famelab

De novo grazas a GCiencia descubrimos que a bióloga coruñesa Alba Aguión, a quen xa mencionamos aquí co gallo do seu divertido e instrutivo monólogo sobre as formigas, vén de ser subcampeoa do Famelab, un concurso internacional de monólogos científicos. Nesta ocasión Alba falou sobre cigarras.

Moitos parabéns por instruirnos e deleitarnos!

               
Vídeo atopado aquí.

Formigas...

Atopamos en GCiencia, unha das nosas webs de divulgación científica preferidas, unha interesante reportaxe sobre as formigas titulada "A intelixencia do formigueiro". Deixámosvos un interesante monólogo,  que atopamos grazas a esta web, sobre este tema.

         

Libros que van chegando: Historia de la vida

Outra alfaia máis da colección Visita nuestro museo que se une nos nosos andeis a Historium: Historia de la vida. Unha obra despregable na que atoparás máis de oitenta criaturas terrestres, mariñas e voadoras e coñecerás a historia da evolución. 

Un novembro de ciencia máis... en decembro tamén XIV: Jane Goodall

O pasado 3 de abril Jane Goodall cumpriu 81 anos. Goodall é unha das primatólogas máis coñecidas nun eido do saber científico no que destacaron, e destacan, numerosas mulleres coma Dian Fossey ou Birute Galdikas.
Por certo, se Diane Fossey serviu de inspiración a unha famosa película  Gorilas en la niebla, en 2010 estreouse o documental El viaje de Jane sobre a vida de Goodall.

Esta é unha interesante entrevista feita horas antes da súa investidura coma Doutora Honoris Causa pola Universidade Nacional de Córdoba (Arxentina).

Xa para rematar deixámosvos unhas suxestións de lectura ben interesantes:

•  Ciencia en Galego nas Bibliotecas - Libros informativos.
•  Selección de lecturas arredor do mundo natural en Canal Lector.

E nós, coma  sempre agardámosvos onde o mundo se chama biblioteca.

Un novembro de ciencia máis... en decembro tamén XII: Darwin de novo

Outra forma divertida de achegarse á figura e ao legado de Darwin é o libro Darwin el viajero de Nicolás Cuvi.

Ou este vídeo que vimos de atopar aquí.

Un novembro de ciencia máis... en decembro tamén XI: máis fondos sobre Darwin

Francisco J.  Ayala é un prestixioso científico español que ten publicados diversos libros sobre o darwinismo. Na nosa biblioteca podes atopar: Darwin y el diseño inteligente e ¿Soy un mono?. 

Un novembro de ciencia máis X: Darwin e o Beagle

A novela de Marilar Aleixandre A expedición do Pacífico, comentada nunha entrada anterior, permítenos coñecer as teorías de Charles Darwin sobre a evolución. Sen lugar a dúbidas, cando este se embarcou no Beagle o 27 de decembro do 1831 non era consciente da relevancia que a súa viaxe ía ter para a ciencia!

Se queres acompañar a Darwin na súa viaxe recomendámosche o libro Charles Darwin de Alan Gibbons, no cal o grumete da expedición nos conta toda aquela apaixonante aventura do saber... Sen que falte detalle!