Día do Libro Infantil

 

 Unímonos á conmemoración do Día do Libro Infantil o pasado 2 de abril, data do nacemento de Hans Christian Andersen.

Alumna lendo a mensaxe de Rian Visser

• Mensaxe de Rian Visser

Día Mundial da Poesía

 O pasado venres celebramos o Día Mundial da Poesía lendo poemas na biblioteca e na horta do noso centro.

 

• Selección de poemas: "Poesía e música".

Roteiro literario: Mondoñedo

 

 O xoves 21 de marzo o alumnado de 4º de secundaria visitou Mondoñedo. Alí dividíronse en dous grupos: un  visitou as Covas do Rei Cintolo e outro realizou un roteiro literario por Mondoñedo e visitou o Museo Casa Cunqueiro. Posteriormente reuníronse todos para ir a Lourenzá onde lembramos a Paco Fernández del Riego.

Esta actividade, organizada pola Biblioteca e o EDLG, permitiunos ver a máquina de escribir coa que Cunqueiro nos axuda aínda hoxe a soñar a través das letras.

Candeloria

Xa temos lista a exposición das vosas creacións para o concurso convocado polo EDLG e a biblioteca co gallo da Candeloria  e o Día da Ilustración.

Día da Paz III: a conmemoración no noso centro

A lectura en voz alta tivo unha grande importancia neste Día da Paz no noso centro. Na nosa web atoparás información sobre as lecturas e as outras actividades desenvolvidas onte.

Por certo, mañá conmemórase o Día da Lectura en Voz Alta.

Novembro de ciencia V: Concurso Investigación e Ciencia

O departamento de Física e Química do CPI de San Sadurniño en colaboración coa biblioteca escolar deste centro organizan o VIII Concurso “Investigación e ciencia” para o alumnado de secundaria do noso centro.

Preme aquí se queres coñecer as bases.

Samaín

O pasado martes 30 de outubro volvemos de novo a pasalo de medo co medo lendo anacos de Frankenstein de Mary Shelley,  de Cando petan na porta pola noite  de Xabier P. Docampo e d'Os contos de terror do Tío Montague de Chris Priestley no recreo.

Esta foi só unha das numerosos actividades do noso centro para esta data, xa que tamén houbo merendas terroríficas, murais, lectura de contos de medo elaborados polo alumnado de 1º de ESO en Oratoria, adiviñas de medo propostas por alumnado de 6º de EP ao de EI e... Moitas, moitas, moitas e terroríficas cabazas! Atoparás máis información e fotografías na web do centro .

Exposición de fondos "Pasándoo de medo co medo"

A semana pasada iniciamos unha exposición de fondos, que titulamos "Pasándoo de medo co medo", na sala de secundaria.

• Presentación con textos e fotografías da exposición.

Maio de Letras Galegas X: Un maio para María Victoria e o noso marcapáxinas

Ao longo destes días realizamos unha actividade que nos gustou moito. O alumnado de 1º de secundaria encheu de canciños e flores un maio moi especial: "O maio de María Victoria Moreno". Despois, seis alumnas e alumnos deste curso foron ler os textos, que seleccionaran para o maio, ao alumnado de Educación Infantil e de 1º de Educación Primaria. E continuarán o vindeiro luns esta "lecturas compartidas". Atoparedes máis información sobre esta actividade na nosa web.

Tamén hoxe repartimos entre os nosos alumnos e alumnas o marcapáxinas que deseñou para esta data o profesor de Educación Plástica de secundaria que sempre está a nos botar unha man. 

Moitas grazas ao alumnado e ao profesorado participante e tamén a Manolo por este marcapáxinas. 

Día de Rosalía VI: fotos do recital de poemas

Deixámosvos algunhas fotografías do recital de poemas de Rosalía do pasado mércores.

Certame Literario 25 do novembro

O equipos de Dimanización da Lingua Galega e da Biblioteca convocaron o Certame Literario 25 de novembro no marco das actividades organizadas para o 25 de novembro, Día Internacional contra a Violencia de Xénero. A semana pasada entregamos os premios na biblioteca ao alumnado gañador que figura na nosa web.

Lecturas de medo en secundaria

O pasado martes 31 levamos a cabo as nosas lecturas de medo en secundaria. Nesta ocasión escollemos un relato pertencente ao libro Os contos de terror do tío Montague de Chris Priestley. 

Ó cabo dun tempo que sempre se me facía eterno, e xusto cando me dispoñía a botarlle man outra vez á aldraba, abríase a porta e aparecía no limiar o tío Montague, coma sempre, termando dunha candea e sorríndome, acenándome para que entrase.

   –Non quedes aí ó frío, Edgar –díxome ese día, coma sempre–. Pasa, rapaz, pasa.

  Chris Priestley, Os contos de terror do tío Montague

Preme aquí se queres ler un anaquiño do libro e pasalo de medo co medo! E preme nestoutro enlace coa nosa web se queres ve algunha fotografía máis sobre esta actividade.

Lecturas de medo

Mañá no tempo de lecer de antes de xantar teremos na sala de secundaria unha sesión moi especial de lectura: un conto de medo... E cal será? Convidámosvos a todos e todas a pasar e participar na lectura.

E por se queredes seguir coas lecturas de medo, aquí tedes o enlace cunha guía de lecturas para pasalo de medo co medo que elaboramos para o alumnado de secundaria no ano 20015.

• Pasándo de medo co medo. Suxestión de lectura para a ESO.

Onde o mundo se chama biblioteca

Un curso máis volvemos a "abrir" este blogue para contarvos as novidades e outros eventos deste lugar onde o mundo se chama biblioteca.

Fairy tales de Mary Gow

Benvidos e benvidas!

Agardámosvos onde o mundo se chama biblioteca!

Amadriñamentos e apadriñamentos lectores

Atoparedes na nosa web o vídeo da emocionante xornada dos amadriñamentos e apadriñamentos lectores celebrada o pasado 23 de abril. Premede aquí para velo.

Gañadora do noso concurso científico

Xa coñecemos o nome da gañadora do noso VI Concurso Investigación e Ciencia. Este concurso, organizado polo departamento de Física e Química e a Biblioteca do noso centro, presentaba unha única modalidade: fotografía de tema científico. Na nosa web poderás atopar máis información.

Parabéns á gañadora!

Este Nadal lemos a... Roald Dahl II

Grazas a Mar e o alumnado que colaborou con ela na elaboración do noso mural. Feliz Aninovo e un venturoso 2017 (que agardamos estea cheo de lecturas).

Este Nadal lemos a... Roald Dahl

Este Nadal escollemos coma protagonista da nosa guía de suxestións a Roald Dahl. Agardamos que vos guste.

Chocolate e poesía

Mañá os membros do noso club de lectura reuniranse na biblioteca para participar na actividade "Chocolate e poesía". Atoparás máis información no blogue do noso club de lectura.

Por certo, queremos agradecer ao profesor de Educación Plástica o deseño dos dous carteis.

Guías de suxestións de Nadal

Xa están listas as nosas guías de suxestións de lectura para este Nadal. Premede neste enlace se queredes coñecer a de Educación Infantil e Primaria e nestoutro para ver o noso especial sobre a literatura de medo para a ESO.
Felices lecturas!