Exposición: teatro

 Lembramos que durante este mes podedes ver a exposición sobre textos teatrais, que inauguramos co gallo do Día Mundial do Teatro, na sala de secundaria 

Día Internacional da Muller

Deixámosvos algunhas suxestións de lectura para secundaria co gallo desta data.

Exposición fondos de poesía para secundaria

Ata o vindeiro martes podedes visitar a nosa exposición de fondos de poesía para secundaria.

Suxestións de lectura para secundaria: Un Nadal de poesía

Presentámosvos "Un Nadal de poesía" unha selección de libros de poesía para secundaria. Agardamos que vos gusten.

Exposición de fondos "Pasándoo de medo co medo"

A semana pasada iniciamos unha exposición de fondos, que titulamos "Pasándoo de medo co medo", na sala de secundaria.

• Presentación con textos e fotografías da exposición.

Outono con poesía

Retrato de Gustavo Adolfo realizado polo seu irmán Valeriano

Que é poesía? Hoxe escollemos a famosa Rima XXI de Gustavo Adolfo Bécquer para buscar unha resposta:

¿Qué es poesía?, dices mientras clavas
en mi pupila tu pupila azul.
¿Que es poesía? ¿Y tú me lo preguntas?
Poesía… eres tú.

Gustavo Adolfo Bécquer

• Rimas en Centro Virtual Cervantes.
• Gustavo Adolfo Bécquer en Centro Virtual Cervantes.

Un verán de lecturas II: suxestións para ESO

E continuamos coas nosas suxestións de lectura. Hoxe dedicadas á filosofía.

Un verán de lecturas: suxestións para ESO

Xa está aquí chamando á porta o verán, así que preparamos unha selección con algunhas lecturas que nos pareceron de interese para secundaria.

Feliz verán e felices lecturas de verán!

Agasalla unha suxestión

O pasado mércores 25 de abril celebramos o Día do Libro convidando ao alumnado de secundaria a regalar unha suxestión dun libro a unha compañeirao ou compañeiro cuxo nome elexían ao chou nunha bulsa. Na nosa web atoparás máis fotografías sobre esta actividade.

Día do Libro: Exposición de fondos na sala de secundaria

Esta semana e a vindeira podedes visitar a exposición de fondos sobre Cervantes e Shakespeare na sala de secundaria. E por se queredes visitala virtualmente deixámosos un enlace cunha presentación sobre esta. 

Miguel En Cervantes. El retablo de las Maravillas

Miguelanxo Prado e David Rubín, dous grandes autores galegos de banda deseñada, esculcan neste libro (que naceu coma catálogo para a exposición homónima celebrada en 2016) a vida e a obra de Cervantes: Prado ilustra a biografía e Rubín adapta ao cómic o entremés El retablo de las maravillas.

Unha marabilla de retablo de las maravillas!

Libros que van chegando: Un largo viaje

Un largo viaje. Historia del mundo y sus habitantes en 12 etapas é unha historia da humanidade narrrada dende unha visión demográfica por Massimo Livi Bacci quen, por certo, lle dedica o libro aos seus netos.

Libros que van chegando: O bosque Pálido de Jaureguízar

Os pais de Lidia deciden enviala á Illa Fog, un lugar coma o seu nome indica sempre cuberto de néboa. Alí Lidia coñecerá o segredo que os seus habitantes agochan e coñecerá o amor.

• "Cachiño de O Bosque Pálido no programa de radio Chamando á terra (RTVG).

Lembrando a Stephen Hawking

Hoxe lembramos as obras que Hawking escribiu en colaboración coa súa filla Lucy. Empezamos cunha que moitos e moitas de vós coñecedes: La clave secreta del universo.

Posteriormente publicaron El origen del Universo.

E tamén El Tesoro Cósmico:

Stephen Hawking in memoriam

Hawking aproveitaba cada minuto coma se fose un regalo.

Jorge Mira

O pasado día 14 recibimos a nova do pasamento do físico, astrofísico cosmólogo e divulgador científico Stephen Hawking. Jorge Mira lémbranos a súa importancia coma científico e divulgador nunha entrevista en GCiencia:

A verdade é que era o científico máis famoso da actualidade; e despois de Einstein, ninguén tivo o eco popular que chegou a ter Hawking. (...)

E por outra banda, Breve historia do tempo supón un antes e un despois na divulgación científica. Estivo catro anos entre os libros máis vendidos do mundo, e estímase que chegou a vender unha copia por cada 750 persoas que hai no mundo; foron unhas cifras que supuxeron un salto a nivel mundial.

Jorge Mira

Mira, catedrático de Electromagnetismo na USC, lembra tamén nesta mesma entrevista a gran calidade humana de Hawking:

E iso facía que aproveitara cada minuto coma se fose un regalo. Para a xente que estaba enferma, ou nunha situación mala, ver a Hawking era un xute de ganas de vivir. Porque el sabía o que era ter problemas de verdade desde moi novo. E iso tamén lle facía ter unha gran calidade humana. Ás veces era difícil que cadrase a axenda para atender a importantes autoridades, pero se acudía a velo unha persoa con problemas, el sempre atopaba un oco. 

Jorge Mira 

E as súas visitas a Galicia:

Percorreu Santiago, estivo en Noia, pola Costa da Morte, no cabo Fisterra… Todo o mundo que veu con el quedou cunha boa impresión, e conectamos tamén con eles a nivel humano.

Para saber máis:

• Entrevista con Jorge Mira en GCiencia.
•  "El triunfo de la mente". Artículo de Jorge Mira no xornal La Voz de Galicia.
• Web sobre Stephen Hawking.  
• Tráiler da película La teoría del todo (película sobre Hawking).

Mil grazas Dores

Un ano máis e grazas á colaboración da Biblioteca Pública Municipal a poeta Dores Tembrás estivo entre nós o pasado 8 de febreiro para impartir dous obradoiros de poesía: una para o alumnado de 6º de EP e outro para o de 2º de ESO.

cartografía de palabras
repetir cada signo
dentro da cuadrícula
papel en branco
pozo infindo
as palabras esvaran
por iso sempre cuadrículas
para salvalas
pequenas casas
onde vivir para sempre

Dores Tembrás

Asistir a un obradoiro de Dores é emocionarse e vivir a poesía, saber que esta é o cerne da nosa vida e que está aí tan presente... Aínda que non nos decatemos. Mil grazas Dores, por lembrárnolo e mil grazas á bibliotecaria municipal por colaborar con nós coma sempre!

• Máis información sobre os obradoiros.
• Web de Dores Tembrás.

Libros que van chegando: Como Einstein por su casa

Este] libro va dirigido a todos los lectores, cualquiera puede aplicar sencillos principios científicos y sacar partido.

Como Einstein por su casa. La (brico) ciencia para todos é o título dun libro que vén de chegar á nosa biblioteca. O seu autor é Javier Fernández Panadero, ao que algúns de vós xa coñecedes por libros coma ¿Por qué el cielo es azul? ou ¿Por qué la nieve es blanca? 

Así que xa sabedes, se queredes saber coma se pode aplicar a ciencia na vosa vida cotiá neste libro atoparedes a resposta.

Día Escolar da non Violencia e da Paz II: exposición de fondos para secundaria

Podedes visitar xa a nosa exposición de fondos sobre a paz para ESO tanto na sala de secundaria coma virtualmente, posto que elaboramos unha presentación con fotografías dela na que incluimos tamén poemas. Atoparédela na nosa web.

As nosas guías para este Nadal

Xa están listas as nosas guías de Nadal: Agasállame (para Educación Infantil e Primaria) e Cara a unha illa misteriosa de libros (dedicada a Jules Verne).

• Recomendacións de Nadal das Bibliotecas Escolares de Galicia.

Libros que van chegando: ¿Quieres ser periodista?

¿Quieres ser periodista? Todo lo que tienes que saber... o casi é un libro de María Solar e Luis Fraga que nos achega ao mundo do xornalismo.

• Fragmento do libro.
• Entrevista con María Solar e Luis Fraga no programa A Revista da TVG.