Marzo de poesía... en abril tamén: Miguel Hernández.25 poemas ilustrados

Miguel Hernández.25 poemas ilustrados é unha  selección de poemas do escritor de Orihuela recreados por 25 artistas plásticos. Unha obra que, por certo, recibiu o 3º Premio de Edición (Categoría de Arte) en 2010.

Semana Rosaliana V: Chegou o Día

Este ano sucedéronse outras iniciativas de interese relacionadas con Rosalía, coma por exemplo o  cambio de denominación do aeroporto de Santiago de Compostela a Aeroporto Santiago de Compostela - Rosalía de Castro. Tamén soubemos que un avión da compañía aérea Norwegian lle foi dedicado.

Xa para rematar esta Semana Rosaliana queremos lembrar algúns dos materiais que fomos elaborando ao longo destes anos en colaboración co EDLG.

• No bico un cantar.
• Eu cantar cantei.
• Día de Rosalía: Follas Novas.
• De ventos e alboradas.
• Aromas puros, frescura e poesía. 

Aromas puros, frescura e poesía é o título dunha selección de poemas, que elaboramos o pasado curso, ilustrada con cadros de pintores que dalgunha maneira se relacionan con Rosalía ou coa súa poesía. Non podiamos deixar de lembralo neste curso académico da Biblioteca Escolar-Territorio das Artes.

Feliz Día de Rosalía!
Manifesto Día de Rosalía de Ledicia Costas

Para saber máis sobre as actividades deste día preme neste enlace coa web culturagalega.org. E para coñecer as actividades das bibliotecas escolares galegas nestoutro.

Semana Rosaliana IV: Rosalía fotografiada, debuxada e pintada

A RAG (Real Academia Galega) vén de dixitalizar os retratos que conservaba de Rosalía de Castro que podes consultar no Arquivo Dixital de Galicia.

Rosalía de Castro (Arquivo da RAG)

Máis imaxes de Rosalía en:

• Casa Museo-Fundación Rosalía de Castro.
• Catro imaxes liberadas pola Deputación da Coruña das ilustradoras Uqui Permui, Aurora Cascudo, Aldara Prado e Paula Mayo.

Arte no Salnés

Salnés antergo e saudoso, terra sagra e petrucial

farta de séculos, chea de amor e dolor de nai.

Ramón Cabanillas, Poemas soltos

O Salnés en acuarelas é un caderno de viaxes de Eduardo Baamonde sobre esta comarca. Unha interesante maneira de achegarse ás terras de don Ramón María del Valle-Inclán e Cabanillas.

Día do Usuario/a das Bibliotecas

As bibliotecas conmemoran o 11 de novembro (Día do Usuario/a) con numerosas actividades. Preme aquí se queres coñecelas.

 Unha rapaza lendo de Charles Edward Perugini

Leonard, o home que escoita os segredos acordes

Now I've heard there was a secret chord

Leonard Cohen

A pasada semana chegounos a nova do falecemento do escritor e cantautor canadense Leonard Cohen. Empezou a escribir cando era moi novo amosando a súa paixón por Lorca e Walt Whitmann  e facéndose coñecido coma escritor no seu Montreal natal e no resto do Canada. Co paso dos anos foise centrando máis na música e compoñendo cancións, que cantaba coa súa voz rouca tan especial, nas que as referencias místicas, o amor e a influencia surrealista se mesturaban para conseguir acadar ese punto na que canción e poesía se fusionan de maneira sorprendente.

Unha das súas cancións máis coñecidas é "Hallellujah" que, versionada por Rufus Wainwright, formou parte da banda sonora de Shrek. En 1986 Cohen incluiu no seu disco I'm Your Man unha canción titulada "Take this waltz". Tratábase dunha versión do poema de Lorca "Pequeño vals vienés" publicado no libro Poeta en Nueva York. Se ben, a canción xa se incluirá anteriormente noutro disco que homenaxeaba a Lorca e no que participaron numerosos cantantes: Poetas en Nueva York.

Para saber máis:

•  "Morre o músico e poeta canadense Leonard Cohen" no Telexornal de Mediodía ( TVG).
• "So long, Leonard Cohen" en Sinfonía de la mañana (Radio Clásica). 
• Noticias sobre Leonard Cohen en El País.
•  "El paso de Cohen por Galicia" en La Voz de Galicia.

 So long, Leonard Cohen.

Bob Dylan: Forever Young

Forever young, forever young,
may you stay forever young.

Bob Dylan

O cantautor norteamericano Bob Dylan vén de recibir o Premio Nobel de Literatura 2016. Ao coñecer a nova viñeron tantas cancións á cabeza que ao principio se nos facía difícil escoller algunha. Despois, pensamos nunha, que lle dedicou ao seu fillo máis vello, na que amosa a súa capacidade de dicir o esencial con poucas palabras. Unha canción fermosa e simple: "Forever Young".

                
Para saber máis:

• Reseña do álbum Joven para siempre. Forever Young que recolle en versión bilingüe a letra da canción acompañada de ilustracións de Paul Rogers.
• Fotogalería en El País.
• Bob Dylan, Premio Nobel de Literatura 2016 en Europa Press.
• "Seis letras de Bob Dylan que muestran la poesía por la que ganó el Nobel de Literatura 2016" na web da BBC.