25N: Dálle a volta ao conto

 

 O pasado 25 de novembro, para celebrar o Día internacional da eliminación da violencia contra as mulleres o equipo da biblioteca de Infantil e Primaria fixo a seguinte proposta “Dalle a volta ao conto”

 

Desde a biblioteca organizaron unha exposición con contos clásicos e outras versións con volta. 

 

A actividade consistía en que aula escollía un libro de contos clásicos e facía unha análise dos roles sexistas e estereotipos que se atopan nel. E como di o título da actividade darlle unha volta cambiando os roles das personaxes, os finais… 

Eses cambios foron escritos nunhas tarxetas coas que montaron un mural conmemorativo.

A actividade permitiulles atopar outra lectura na que os contos clásicos teñen outra oportunidade na que as princesas non esperan e os príncipes non deciden.

• Outras actividades no noso centro.
• Actividades das bibliotecas escolares de Galicia.
  

Novembro, Mes da Ciencia en Galego nas Bibliotecas

Un curso máis unímonos á conmemoración de Novembro, Mes da Ciencia en Galego nas Bibliotecas cunha selección de recursos que podedes consultar aquí.

Samaín

 

O EDLG preparou moitas actividades para este día: dramatización do conto Carabuñas por parte do alumnado de 2º de ESO, redacción de "historias de medo", exposición de cabazas...

 

A biblioteca sumouse coa súa colaboración na dramatización e cunha exposición de libros de medo na sala de secundaria que podedes visitar ata o vindeiro venres.

Unha biblioteca escolar en viñetas

"Unha biblioteca escolar en viñetas" é o lema escollido polas bibliotecas escolares cara o curso 2023/2024. 

Felices lectura de verán

 Un curso máis chegou á fin e nós, coma xa vén sendo común ultimante, deixámosvos un enlace con "Lendo en Sansa" onde atoparedes recursos e suxestións para unhas felices lecturas de verán.

Sorolla

• Lendo en Sansa.

Parabéns!

Queremos dar os parabéns ás dúas alumnas do noso centro premiadas no I Concurso de Banda Deseñada e Humor convocado polo Museo do Humor Xaquín Marín e Demo Editorial.

Día das Letras Galegas

Faladoiros interxeracionais, semente de versos, charla-obradoiro con Siro, maios... Esta data veu "cargada" de actividades que podedes consultar na nosa web. Desde a biblioteca unímonos cunha selección de recursos e unha guía de suxestións.

• Selección de recursos na nosa aula virtual.

As nosas actividades do Día do Libro

 Amadriñamentos e apadriñamentos lectores, contacontos, obradoiros de poesía,  unha homenaxe moi especial ao libro O principiño de Saint-Exupéry... Se queres saber máis sobre a celebración desta data no noso centro preme aquí.

Día do Libro

 Estámonos achegando ao Día do Libro e nós temos programadas xa as actividades que se desenvolveran. A Consellería de Cultura Educación, Formación profesional e Universidades convídanos a celebralo cun  cartel moi especial cuxo texto elaborou Montse Pena Presas. 

 

Día Internacional do Libro Infantil

Pois ti tamén es un libro.
Todos somos libros

V. Iliopoulos

 

O Día Internacional do Libro Infantil conmemórase por iniciativa do IBBY (International board on books for young people) o 2 de abril. Este ano a sección patrocinadora é Grecia que difunde a mensaxe de Vagelis Iliopoulos e o cartel de Photini Stephanid.

 

 

 

• Mensaxe de Vagelis Iliopoulos.
  

Semana da prensa

 Celebramos a semana da prensa cun mural sobre a prensa en galego e unha exposición de xornais hai xa uns días.

E coma se achegan as vacacións pensamos que sería boa idea unha guía de suxestións de lectura sobre o xornalismo.

Día Internacional da Muller

O pasado 8 de marzo organizáronse  numerosas actividades no noso centro, nas que tamén colaborou a bibloteca,  co gallo do Día Internacional da Muller : murais, carteis, exposicións de libros...

EI e EP

ESO

• Actividades das bibliotecas escolares de Galicia.
  

Actividades do Día de Rosalía

Un feixe de actividades arredor da escrita, o debuxo, o recitado e a robótica... Ese foi resumido o noso Día de Rosalía.

O noso alumnado participou nas actividades organizadas polo EDLG e a Concellería de Cultura: "Letras e cores para Rosalía", recitado de poemas e visionado da peza Feminino producida polo colectivo The sun girl.

 

Os nenos e nenas de  Educación Infantil elaboraron un cadro ben especial de Rosalía.

 Velaquí un dos dípticos de Eduación Primaria:

Por certo, o alumnado de Robótica de 4º de EP anda a preparar con Cristina un xogo a partir do poema "Adios ríos, adios fontes".

 

E o de 5º  uns estupendos caligramas!

 

Os versos de Rosalía tamén foron o eixe da actividade para este día de 2º de ESO.

 

 O dito: un feixe de actividades!

Día de Rosalía

Unímonos á celebración desta data colaborando coas actividades desenvolvidas polo EDLG e engadindo máis recursos ao noso espazo sobre Rosalía na aula virtual.  

 

• Recursos na nosa aula virtual.

Entroido

 Xa está chegando o Entroido, Antroiro, Entroiro, Entrudio ou Entruido. Como podes ver non faltan palabras en galego para referirse a esta data!

Pablo Picasso: Arlequín con espello

Recursos no noso blogue sobre o Entroido.