Exposición de fondos "Pasándoo de medo co medo"

A semana pasada iniciamos unha exposición de fondos, que titulamos "Pasándoo de medo co medo", na sala de secundaria.

• Presentación con textos e fotografías da exposición.

Día da Biblioteca IV

Hai uns anos Gonzalo Moure visitounos para falar dos seus libros e do proxecto Bubisher.

Para saber máis:

• Web do noso centro.
• Guía de suxestións de lectura elaborada polo Equipo de Biblioteca co gallo da visita.

Día da Biblioteca III: o noso mural

A pasada semana rematamos o noso mural conmemorativo do Día da Biblioteca. O alumnado de 1º de ESO, dividido en pequnos grupos, deseñou un cartel cun lema ideado por eles e elas que acompaña unha portada dun libro dunha autora ou autor da LIX.

Semana Global da Alfabetización Mediática e Informacional (AMI) II

Atopamos na web da Asesoría de Bibliotecas Escolares unha interesante infografía publicada pola IFLA (International Federation of Library Associations and Institutions) na que se lembran algúns aspectos a ter en conta á hora de valorar a información e a fiabilidade das noticias.

• Infografía da IFLA en castelán, inglés, frances, portugués e galego.

                 

Semana Global da Alfabetización Mediática e Informacional (24 a 31 de outubro)

A Semana Global da Alfabetización Mediática e Informacional (AMI) celébrase a instancias da UNESCO para mellorar a comprensión e utilización da información escrita tanto en medios dixitais coma impresos. 

Máis información

• Documento descargable: Semana da Alfabetización Mediática e Informacional.
• Semana Global AMI (Asesoría de Bibliotecas Escolares de Galicia).

Día da biblioteca III

A Dirección Xeral de Políticas Culturais elaborou un cartel co gallo do Día da Biblioteca. Así mesmo, a Rede de Bibliotecas de Galicia organiza moitas actividades para esta data que podedes atopar na Axenda Cultural de Galicia.

 

Feliz Día da Biblioteca!

Día da Biblioteca II

Onte xa vos lembramos que este ano a Asociación Española de Amigos del Libro Infantil y Juvenil conmemora o Día da Biblioteca cun pregón de Gonzalo Moure. Hoxe queremos recoller algún dos parágrafos deste texto:

Piensa en tu biblioteca. Hubo un día en el que esa biblioteca no existía. Alguien la soñó, luchó por ella, la llenó de libros y también de sueños. Hazte del equipo de ese alguien que la hizo posible, lucha por un mundo en el que no haya un ser humano que no tenga cerca una biblioteca, o un amoroso bibliobús. Que no haya un solo niño, joven o adulto, que no roce la mano de una bibliotecaria que le aconseje, que le oriente en el laberinto. Que es lo mismo que decir que no haya un solo ser humano conectado a lo que fue, lo que es y lo que será.

En tu mano hay millones de manos, estrechando la tuya, acompañándote en el camino. Tiernas o callosas, pequeñas o grandes. En el libro que te espera en la mesilla de noche o junto al sofá, hay millones de libros. Ingenuos o complejos, humildes o lujosos. Pero todo preciosos. Conectados todos por un invisible hilo de plata que une mano con mano, estantería con estantería, un hilo inacabable y luminoso. Inacabable, y así sea. Hoy es el Día de la Biblioteca, que es lo mismo que decir El día de la Luz.

Feliz día, feliz siglo.

• Pregón completo.

Día da Biblioteca

A Asociación Española de Amigos del Libro Infantil y Juvenil conmemora o Día da Biblioteca cun cartel de Alfonso Zapico e un pregón a cargo de Gonzalo Moure.

• Actividades das Bibliotecas Escolares de Galicia.

Unha longa viaxe: booktrailer

Hai uns días comentabamos aquí a publicación do álbum Unha longa viaxe de Daniel H. Chambers e Federico Delicado. Hoxe deixámosvos o booktrailer.

Libros que van chegando: La amada inmortal

La amada inmortal (El joven Beethoven) é unha novela que nos aproxima á vida do famoso músico Ludwig van Beethoven. Vicente Muñoz Puelles, o seu autor, resume así o seu argumento:

La amada inmortal es la historia de una joven, Renata Tarrach, que vive en Weimar y se busca a sí misma. Durante el incendio de una biblioteca encuentra un manuscrito inédito de Beethoven, una carta en la que el músico le cuenta su vida a una mujer con la que se dispone a reunirse. Renata la lee con la sensación de que Beethoven se dirige a ella, y de que de algún modo va a su encuentro.

  Vicente Muñoz Puelles

O año que é un PORQUIÑO

Temos nova da publicación dun interesante álbum a través de Rede Lectura: O año que é un PORQUIÑO.

Poéticas diversas na biblioteca escolar

Poéticas diversas na biblioteca escolar é o lema escollido para o cartel que elabora a Consellería de Educación, Universidade e Formación Profesional. Unha suxerente ilustración de Nuria Díaz convídanos a descubrir a poesía en todas partes. 

Libros que van chegando: Anatomía da lingua de Antón Cortizas

É tan grande esta miña

pequena e humilde lingua

que nunca chegarei 

a pronunciala enteira.

Antón Cortizas, Anatomía da lingua

Anatomía da lingua é un poemario de Antón Cortizas con ilustracións de Leandro Lamas que vén de chegar aos nosos andeis. Un libro no que a musicalidade e o ludismo se combinan harmoniosamente arredor dun único tema: a lingua.

Unha longa viaxe

Unha longa viaxe é o título dun novo álbum que vén de publicar a editorial Kalandraka e do que temos nova grazas ao blogue Rede Lectura.

Outono con poesía

Retrato de Gustavo Adolfo realizado polo seu irmán Valeriano

Que é poesía? Hoxe escollemos a famosa Rima XXI de Gustavo Adolfo Bécquer para buscar unha resposta:

¿Qué es poesía?, dices mientras clavas
en mi pupila tu pupila azul.
¿Que es poesía? ¿Y tú me lo preguntas?
Poesía… eres tú.

Gustavo Adolfo Bécquer

• Rimas en Centro Virtual Cervantes.
• Gustavo Adolfo Bécquer en Centro Virtual Cervantes.

Juan Kruz Igerabide, Premio Nacional de Literatura Infantil e Xuvenil 2018

O escritor guipuzcoano Juan Kruz Igerabide vén de recibir o Premio Nacional de Literatura Infantil e Xuvenil 2018 polo seu libro Abezedario titirijario. A obra, escrita inicialmente en euskera, vén de ser traducida ao castelán, galego e catalán.

Parabéns!

Libros que van chegando: Soneto no alfabeto

Soneto no alfabeto é o novo poemario de Xoán Carlos Domínguez Alberte: unha homenaxe as 22 letras do alfabeto galego.

Pon e supón que o poema é un pan

que preparas con palabras puídas

que acaparas en patrias nacidas

do pensamento en semente artesán.

X.C. Domínguez Alberte, Soneto no alfabeto

Un poema de Ana Romaní

Hoxe deixámosvos un dos máis coñecidos poemas de Ana Romaní quen, como lembrabamos o pasado xoves vén de recibir o Premio Nacional de Xornalismo Cultural.

"Belas irmás, subide
ás mais firmes rochas"
EDITH SÖDERGRAN

Camiñan descalzas polas rochas,
pantasmas de sal habitan as sombras,
saben que as últimas mareas
esqueceron na praia os restos do naufraxio.
As mulleres recollen cada noite
os tesouros de auga, líquidos e fráxiles,
rebélanse contra a Historia,
constrúen co mar as estatuas
que nunca permanezan.
As mulleres de sal, con argazos de sombras,
xorden das últimas mareas
e tecen tesouros de auga cada noite
contra a Historia.
Elas, que saben que o efémero permanece.

Ana Romaní: Das últimas mareas