Novembro de Ciencia XIV: Como chegou a vacina da varíola a América?

José Viñas, Xacobo de Toro e David Eiroa veñen de publicar unha unidade didáctica sobre a Real Expedición Filantrópica da Vacina para 3º e 4º de ESO. Preme aquí se desexas coñecela.

• Máis actividades e información sobre este proxecto.

Novembro de Ciencia XIII: Pequeña & Grande Marie Curie

Seguimos hoxe coa nosa aproximación á vida e obra de Marie Curie lembrando un álbum da Editorial Alba: Pequeña & Grande Marie Curie.

• Reseña en Canal Lector.

Novembro de Ciencia XII: suxestións

A biblioteca e o EDLG elaboramos unha presentación con suxestións de libros de ciencia en lingua galega e con anacos do manifesto de Luis Navarro para esta data. Podes atopala na nosa web.

Novembro de Ciencia XI: Curie la atómica

Esteban Rodríguez Serrano ofrécenos en Curie la atómica unha entretida aproximación á vida e obra de Marie.

Día Internacional Contra a Violencia de Xénero

A biblioteca do noso centro e o Equipo de Dinamización da Lingua Galega convocan un ano máis o Certame Literario 25 de novembro (para 3º e 4º de ESO) no marco das actividades organizadas para o Día Internacional Contra a Violencia de Xénero.

• Bases do certame na nosa web.

Novembro de ciencia X: Marie Curie e o Premio Nobel de Física

Hai un tempiño recibimos a nova de que a científica canadiense Donna Strickland se convertía na terceira muller en recibir o Premio Nobel de Física. Pero, quen foron as outras dúas?

A primeira muller que recibiu o Nobel de Física foi Marie Sklodowska Curie en 1903. Marie, que foi a primeira muller en recibir este premio, foi galardoada en 1903 conxuntamente co seu marido Pierre Curie e o científico Henry Becquerel. En 1911 recibiu o seu segundo Nobel, nesta ocasión de Química.

Novembro de Ciencia IX: Premios Nobel de Física 2018

A investigadora canadiense Donna Strickland recibiu o Premio Nobel de Física conxuntamente con Arthur Ashkin e Gérard Mourou polas súas “rompedoras invencións no eido da física do láser" segundo anuncio a Real Academia de Ciencias de Suecia. Strickland é a terceira muller que recibe este galardón. 

Para saber máis:

• "Donna Strickland, terceira muller que gana o Nobel de Física" en GCiencia.
• "Arthur Ashkin, Gérard Mourou y Donna Strickland, Nobel de Física 2018 por sus revolucionarios avances en láser" na web de RTV.
• "Quien es Donna Strickland" na web da BBC.

Novembro de Ciencia VII: Día da Ciencia en Galego: un vídeo sobre Arquímedes

Hoxe continuamos lembrando ao xenial siracusano que naceu cara o 287 a.C e faleceu cara o 212 a.C.


                       

Eureka!     

Día das Librerías

O pasado venres 16 de novembro conmemorouse o Día das Librerías. Co gallo desta data Canal Lector ofrécenos unha selección de libros sobre librarías para todas as idades titulada "Benditas librerías".

Ida Vitale Premio Cervantes

La palabra infinito es infinita,
la palabra misterio es misteriosa.

Ida Vitale

A poeta uruguaya Ida Vitale vén de ser galardoada co Premio Cervantes. Vitale adóitase incluír na chamada Generación del 45 ao carón de Juan Carlos Onetti ou Idea Vilariño.

Para saber máis:

• Entrevista no xornal El País.
• Ida Vitale en A media voz.

Novembro de ciencia VI: Alicia Estévez, premio María Wonenburger 2018

Alicia Estévez, catedrática de Microbioloxía na USC e membro da Real Academia Galega de Ciencias, foi galardoada co Premio María Wonenburger deste ano. Este premio, que leva o nome da coñecida matemática coruñesa, outorgase cada ano pola Unidade da Muller e Ciencia (Secretaría Xeral de Igualdade).

Para saber máis:

• Alicia Estévez, premio María Wonenburger 2018 na web GCiencia.

Novembro de ciencia V: Concurso Investigación e Ciencia

O departamento de Física e Química do CPI de San Sadurniño en colaboración coa biblioteca escolar deste centro organizan o VIII Concurso “Investigación e ciencia” para o alumnado de secundaria do noso centro.

Preme aquí se queres coñecer as bases.

Día da Biblioteca V: Contos para un mundo mellor e Memorias das memorias dun neno labrego

Xa en novembro queremos lembrar algunhas das actividades do Día da Biblioteca, que inda non incluiramos nesta nosa bitácora. Así, o noso alumnado celebrou con teatro, contos e música na Casa da Cultura esta data. Os alumnos e alumnas de 6º de EI e 3º de EP asistiron ao espectáculo Contos para un mundo mellor de Diego Maceiras e Gloria Mosquera e o alumnado de 2º, 3º e 4º de secundaria ao monólogo Memorias das Memorias dun neno labrego de Cándido Pazó. 

Fonte da foto: Contraproducións

Preme aquí para coñecer más información sobre estas actividades.

Novembro de Ciencia IV: Día da Ciencia en Galego

Atopamos na web do IX Día da Ciencia en Galego un cartel sobre a xeometría no Pórtico da Gloria que nos semella de moito interese.

• Cartel sobre a Xeometría no Pórtico da Gloria.

Novembro de Ciencia III: Novembro Mes da Ciencia en Galego

A Asesoría de Bibliotecas Escolares pon a nosa disposición numerosos materiais e recursos para este conmemoración.

• Web Novembro mes da Ciencia.
• Documento Novembro Mes da Ciencia en Galego nas Bibliotecas.
• Ciencia en Galego nas Bibliotecas(Pinterest cunha recompilación de libros informativos editados en galego susceptibles de formar parte da colección dunha biblioteca escolar). 

Preme aquí se desexas coñecer máis actividades das bibliotecas escolares para esta conmemoración.

Samaín

O pasado martes 30 de outubro volvemos de novo a pasalo de medo co medo lendo anacos de Frankenstein de Mary Shelley,  de Cando petan na porta pola noite  de Xabier P. Docampo e d'Os contos de terror do Tío Montague de Chris Priestley no recreo.

Esta foi só unha das numerosos actividades do noso centro para esta data, xa que tamén houbo merendas terroríficas, murais, lectura de contos de medo elaborados polo alumnado de 1º de ESO en Oratoria, adiviñas de medo propostas por alumnado de 6º de EP ao de EI e... Moitas, moitas, moitas e terroríficas cabazas! Atoparás máis información e fotografías na web do centro .

Novembro de Ciencia II: Novembro Mes da Ciencia en Galego nas Bibliotecas

 "Para ser libre mediante a cultura, igual ca para facer boa ciencia, hai que ler". 

Luís Navarro

As consellerías de Cultura e Educación, a través das unidades responsables das bibliotecas públicas e escolares, xunto coa  Secretaría Xeral de Política Lingüística, celebran o mes de novembro como Mes da Ciencia en Galego nas Bibliotecas. Este ano o manifesto para esta conmemoración foi escrito por Luís Navarro profesor titular de Bioloxía da Universidade de Vigo.

 

•  Manifesto de Luís Navarro.

Novembro de Ciencia: IX Día da Ciencia en Galego

O Día da Ciencia en Galego deste ano ten coma temática "A cultura científica  e a cultura galega como patrimonio cultural europeo" e está dedicado a Arquímedes e ao Mestre Mateo.

 Para saber máis:

• IX Día da Ciencia en Galego.