Guiá de suxestións de Nadal

Este ano quixemos homenaxear ao escritor Michael Ende na nosa guía de Nadal que podes atopar na nosa web.

Felices lecturas de Nadal e Bo Nadal.

Obxectivos de Desenvolvemento Sustentable

A Asemblea Xeral da ONU adoptou no 2015 a Axenda 2030 para o Desenvolvemento Sostible. Tamén as bibliotecas están comprometidas con esta porque tal e coma nos lembran na web das bibliotecas escolares de Galicia:

As bibliotecas escolares están comprometidas coa Axenda 2030, xa que traballan a prol dunha educación de calidade (Obxectivo 4), na protección e salvagarda do patrimonio cultural (Obxectivo 11.4) e promoven a inclusión do acceso á información e ás tecnoloxías da información e comunicación (Obxectivos 5.b, 9.c, 16.10, 17.8. 

Para saber máis:

• Objetivos de Desarrollo Sostenible (ONU).
• Cadro ODS.

Actividades das bibliotecas escolares o 25 N

As bibliotecas escolares de Galicia realizaron numerosas actividades co gallo deste día. Preme aquí se queres coñecelas. Se queres lembrar as realizadas no noso centro atoparalas no novo blogue O Talento silenciado.

Biblioteca inclusiva

Atopamos no blogue Reinboteca do CEIP de Reibón (Moaña) unha coidada selección de lecturas sobre biblioteca inclusiva. Preme aquí se queres coñecela.BI

Xornada "Comunicación e Cidadanía"

O pasado venres celebrouse en Santiago unha xornada formativa para os membros dos programas  BIBLIOTECA CREATIVA, RADIO NA BIBLIO e Bibliotecas LÍA.2 na que participou un dos membros do noso equipo de biblioteca.  

Atoparedes máis información na nosa web.

Día da Biblioteca

O 24 de outubro celébrase o Día da Biblioteca, unha iniciativa que promove a Asociación Española de Amigos del Libro Infantil y Juvenil.

• Pregón, programa e cartel.
• 24 de outubro, Día da Biblioteca, de todas as bibliotecas.  

Semana Mundial Ami

A Semana Mundial de Alfabetización en Medios e Información conmemórase a proposta da UNESCO do 24 ao 31 de outubro.

• Semana Mundial AMI (UNESCO).
• Proposta para as bibliotecas escolares que desexen participar nesta.

Galicia Le

Un ano máis queremos lembrarvos a plataforma de préstamo de libros electrónicos das bibliotecas públicas galegas: Galicia Le. Preme aquí se queres saber máis.

Biblioteca escolar, viveiro de cidadanía

A Dirección Xeral de Centros e Recursos Humanos deu a coñecer o lema que propón ás bibliotecas escolares galegas para o presente curso 2019/2020: "Biblioteca escolar, viveiro de cidadanía". Nesta ocasión é o ilustrador Óscar Villán quen interpreta o lema.

Para saber máis preme aquí.

Rías de Vida

Atopamos en GCiencia novas dos vídeos "Rías de Vida" que tratan sobre os fondos mariños da ría de Pontevedra. Están dispoñibles na canle de Youtube de "Rías de Vida".

Parabéns a GCiencia

GCiencia, unha das nosas webs preferidas, vén de acadar un importante premio: o Premio Prismas 2019.

Parabéns!

Libros que van chegando: Próxima estación futuro

Una interpretación divulgativa y crítica de temas de relevancia
 científica, tecnológica y social.

Naturwissenschaftliche Rundschau

O físico e divulgador científico Ranga Yogeshwar explora e axúdanos a entender as grandes transformacións científicas, sociais e tecnolóxicas do noso tempo.

                

• Entrevista con Ranga Yogeshwar no xornal El Mundo.
• Entrevistas con Ranga Yogeshwar no xornal El País. 

Guía de literatura infantil e xuvenil para igualdade

A Secretaría Xeral de Igualdade publicou este verán a Guía de literatura infantil e xuvenil para a igualdade coordinada por Pilar Sampedro.

Bechopoemas

Unha morea de formigas 

meteuse entre as follas brancas,

puxéronse a camiñar amodiño 

e, paso a paso...

Leire Bilbao, Bechopoemas 

Coñecemos grazas a Rede Lectura Bechopoemas e outras bestas, un poemario sobre animais de Leire Bilbao cunhas orixinais ilustracións de Maite Mutuberria.

Campaña #ODSéate

O Alto Comisariado para a Axenda 2030 vén de lanzar a Campaña #ODSéate que se desenvolverá do 16 ao 27 de setembro para  celebrar o cuarto aniversario da adhesión de España á Axenda 2030 de Desenvolvemento Sostible das Nacións Unidas.  

Tal e como nos lembran na web das Bibliotecas Escolares de Galicia tamén estas compren un importante papel na Axenda 2030:

Desde o ámbito bibliotecario recoñécese a importancia dos Obxectivos da Axenda 2030. Tamén as bibliotecas escolares están comprometidas coa Axenda 2030, xa que traballan a prol dunha Educación de Calidade (Obxectivo 4), mais tamén para protexer y salvagardar o patrimonio cultural (Obxectivo 11.4). Ademais, a biblioteca, como espazo de compensación de desigualdades, proporciona un acceso igualitario á tecnoloxía da información e das comunicacións (Obxectivos 9c e 17.8)   

 http://www.edu.xunta.es/biblioteca/blog/?q=node/1236

De volta neste outono...

Veo o tempo morno do Outono
Os días son tardes longas
O aire é unha cousa...

Uxío Novoneyra

Regresamos ao noso blogue co outono e cunha selección de lecturas sobre esta época de Canal Lector.

• "El otoño se acerca con muy poco ruido". Selección de lecturas en Canal Lector para todas as idades.

Outono de Giuseppe Arcimboldo

Benvidos e benvidas un curso máis.

Lecturas para o verán

Atoparedes na nosa páxina web unha selección de enlaces (blogues, webs, bibliotecas virtuais, etc.) sobre lecturas. Premede aquí se queredes coñecelo.

Arthur Hughes

Feliz verán e felices lecturas de verán!

Nós, coma sempre, agardámoste onde o mundo se chama biblioteca.

Suxestións de lecturas das bibliotecas escolares

As bibliotecas escolares galegas dan a coñecer as súas suxestións de lectura para o  verán. Preme aquí se queres coñecer as súas propostas.

Paseniño, paseniño

En Paseniño, paseniño Antonio García Teijeiro evoca a poesía de Rosalía de Castro. Esta edición, ilustrada por Marcos Viso, inclúe un CD musical con poemas recitados polo autor.

Treboada.

Chuvia tola

que os piñeiros

non os molla

porque calan,

porque arrolan.

Antonio García Teijeiro, Paseniño, paseniño

Libros que van chegando: Aprende electrónica e robótica educativa

Un libro para aprender de forma amena e práctica os conceptos básicos da electrónica, a robótica e a programación con Scratch.

Libros que van chegando: Botanicum

Unha xoia máis da colección "Visita nuestro museo" (editorial Impedimenta) que nos acerca ao mundo vexetal.

Libros que van chegando: Mujeres en el deporte

A historia de cincuenta mulleres deportistas que destacaron en máis de corenta disciplinas deportivas dende 1800 ata hoxe.

Libros que van chegando: Os ecos do lume

Xa chegou a nova novela do escritor e ilustrador Anxo Fariña: Os ecos do lume. Queres coñecer a Noa e o mundo subterráneo ao que accede?

Libros que van chegando: El maravilloso mundo de la ópera

Unha achega ao mundo da ópera a través de trinta títulos inesquecibles como A frauta máxica.

Dragóns

Canal lector ofrécenos unha selección de literatura infantil e xuvenil co título de "Los dragones nunca pasan de moda".

Seguimos coa cociña

A editorial Ouvirmos ten unha ampla colección de libros sobre cociña con pratos sinxelos e creativos. Mesmo nos permite dar a volta ao mundo con eles!

Hoxe... cociña

Bienvenidos a la cocina de Inés Ortega é un libro de receitas, trucos e sorpresas: canapés de tomate e camambert, raviolis de salmón...

Semanas da froita

Como sabedes estamos nas  semanas da froita no noso centro. Así que, se nos ocorreu que estaría ben lembrar algúns dos fondos cos que contamos sobre nutrición. Pasa pola biblioteca se queres coñecer máis.

Libros que van chegando: Conta nove estrelas

Conta nove estrelas, aúltima novela publica por Andrea Maceiras, foi galardoada co Premio Lazarillo 2018.

Libros que van chegando: El origen de las palabras. Diccionario etimológico ilustrado

Mi herramienta es la palabra

Ricardo Soca

O lingüista, periodista e escritor uruguayo Ricardo Soca é o autor deste diccionario etimolóxico ilustrado no que as verbas escollidas son aquelas que nas súas palabras teñan "una historia interesante para contar". 

Unha entretida forma de aprender.

Un mar de muiñeiras

Un mar de muiñeiras é unha actividade educativa que pretende reivindicar o baile tradicional galego e homenaxear as letras galegas neste ano 2019. Un mar emocionante de ilusión e esforzo no que tamén participaron alumnado e profesorado do noso centro.

Un mar de muiñeiras

Primavera de letras VIII: Antonio Fraguas de Clodio González

Antonio Fraguas. Profesor. Xeógrafo, historiador, antropólogo. Galego de ben é o título desta biografía.

Primavera de letras galegas VII: A festa popular en Galicia

A festa popular en Galicia é un percorrido de amena lectura polas festas populares.

A xuntanza organiza un baile con cántiga e un improvisado acompañamento de pandeiro, pandeira ou pandeireta, faltando os instrumentos musicais utilizábase unha cesta como instrumento de percusión aínda que co canto era suficiente.

Antonio Fraguas, A festa popular en Galicia

Primavera de letras galegas VI: Romarías e Santuarios

Romaría e Santuarios, unha das obras máis coñecidas de Antonio Fraguas, permítenosnos albiscar a orixe e características dos santuarios e romarías máis coñecidas de Galicia.

Primavera de letras galegas V: Canta miña pedra, canta

Xoan Curiel achéganos á figura de Antonio Fraguas a través de cancións propias e versións de cantigas recompiladas polo autor homenaxeado este ano no Día das Letras Galegas. Unha proposta moi musical para que os máis novos coñezan a figura do pontevedrés.

Primavera de Letras IV: Antonio Fraguas. Mestre da memoria

Antonio Fraguas. Mestre da memoria é o título desta biografía de Malores Villanueva que nos permite percorrer o século XX da man do persoeiro homenaxeado neste Día das Letras Galegas.

Primavera de letras galegas III: As vidas de... Antonio Fraguas

As vidas de... Antonio Fraguas é unha biografía novelada escrita por Xosé A. Neira Cruz.

Primavera de letras galegas II: Antonio Fraguas. O bo mestre, o mestre bo

Antonio Fraguas, o bo mestre, o mestre bo é o título desta biografía de Hector Cajaraville que inclúe textos do autor homenaxeado este ano no Día das Letras Galegas.

Letras Galegas

Un curso máis andamos recompilando materiais e recursos diversos na nosa aula virtual sobre o autor homenaxeado no Día das Letras Galegas: Antonio Fraguas.

Antonio Fraguas

• Recompilación na aula virtual.

Día do Libro

O Día do Libro está a chegar e un ano máis recibimos como agasallo da Consellería de Educación, Universidade e Formación Profesional un díptico que conta, nesta ocasión. cun texto de Marilar Aleixandre.

• Díptico completo. 

Feliz Día do Libro! Feliz Semana do Libro!

Concurso Selfie LIX Día Internacional

A Organización Española para el  Libro Infantil y Juvenil co patrocinio do Ministerio de Educación, Cultura y Deporte convoca o concurso "Selfie LIX Día Internacional. 

• Bases do concurso.

Día Internacional do Libro Infantil

 Non obstante, colles un libro entre as mans e, inmediatamente sentes que algo muda.

Kestutis Kasparavičius

O 2 de abril, data do nacemento do escritor danés Hans Christian Andersen, conmemórase o Día Internacional do Libro Infantil. Este ano o autor do texto e da ilustración para celebrar esta data é o lituano Kęstutis Kasparavičius.

•  Mensaxe de Kestututis Kasparavičius.
• Cartel.

Día das Artes Galegas

O 1 de abril celebrase o Día das Artes Galegas no que este ano se homenaxea a Luis Seoane.

Tres soles en Galicia de Luis Seoane

• Real Academia Galega de Belas Artes.
• Día das Artes Galegas na web das Bibliotecas Escolares de Galicia.

Primavera de poesía V: Día Mundial da Poesía nas Bibliotecas Escolares de Galicia

As bibliotecas escolares de Galicia celebraron o Día Mundial da Poesía con numerosas actividades. Preme aquí se desexas coñecelas.

Primavera de poesía IV: Amamos la poesía

Amamos la poesía é un proxecto da RAE e a editorial Condé Nast para difundir a poesía española e hispanoamericana a través de vídeos con prestixiosos actores recitando.

Primavera de poesía III: María Reimondez

Hoxe continuamos coa nosa "Primavera de poesía" cun poema de Galicia en bus  da escritora María Reimondez. 

En abril,

nubes de la no ceo

o verdecer das árbores

en cada letra.

María Reimondez

Privamavera de poesía II: Un poema de Gloria Fuertes

Hoxe decidimos lembrar as vacacións cun poema da escritora madrileña Gloria Fuertes.

Cuando sea mayor, o muy mayor,

no olvidaré esta canción

de la Vacación.

-¡Qué bien juego en el verano

con mi hermana, con mi hermano!

Bajo el sol y sin abrigo,

con mi amiga, con mi amigo.

Con la pelota de goma

¡Chuto! ¡Toma!

Con pelota de raqueta

con el verso de poeta

llegaremos a la meta.

Cantando la canción

de la Vacación. 

Gloria Fuertes

Primavera de poesía

Achégase a primavera e tamén o Día Mundial da Poesía. Así que un ano máis comezamos a nosa "Primavera de poesía" para lembrar poemas, coñecer recursos, etc...

Horta na primavera de Alfred Sisley

• Día Mundial da Poesía.
• Poesía no blogue Rede Lectura.
• Poesía en Canal Lector.

Día Mundial do Teatro para a Infancia e a Xuventude

O vindeiro mércores 20 de marzo conmemórase o Día Mundial do Teatro para a Infancia e a Xuventude. ASSITEJ-España celébrao coa mensaxe "Lleva a un niño al teatro hoy, Lleva a una niña al teatro hoy".

• Día Mundial do Teatro para a Infancia e a Xuventude en Canal Lector.
• Día Mundial do Teatro para a Infancia e a Xuventude na web de ASSITEJ-España.

Día Internacional da Muller

As bibliotecas escolares de Galicia desenvolveron numerosas actividades co gallo desta data. Preme aquí se desexas coñecelas.

Libros que van chegando: ¿Por qué noto que la tierra gira?

En ¿Por qué noto que la tierra gira? atoparás resposta a esta pregunta e a outras moitas máis coma: Cal é a orixe das montañas? Por que o mar é azul? Como se formou a Terra? Cal é a estrela máis cercana?

Día Internacional da Muller

Deixámosvos algunhas suxestións de lectura para secundaria co gallo desta data.

Proxecto Entroido

O alumnado de Educación Infantil e Primaria traballou nun proxecto sobre o Entroido promovido polo profesorado membro do equipo da biblioteca nestas etapas educativas. Preme nos enlaces seguintes se queres coñecelos:

• Versión para ordenador.
• Versión EDI.

Un Entroido de lecturas

Hoxe deixamos unha pequena seleccion de libros sobre o Entroido. Agardamos que sexa do voso agrado.

Día de Rosalía

Estes días podedes ver un espazo moi especial no primeiro andar do edificio de EI e EP: O Recuncho de Rosalía. Neste espazo amosanse algúns dos libros da autora, unha escolma de versos e unha cesta con rolos nos que están escritos algúns dos seus poemas para coller e ler nas aulas. 

Onte foron algúns alumnos e alumnas de 1º de ESO a lerlles aos nenos e nenas de Educación Infantil un deles. Hoxe continuamos a celebración desta data cun recital do alumnado de secundaria no recreo de mediodía. Atoparás máis información sobre este conmemoración na nosa web.

Entroido: recursos

Hoxe continuamos compilando recursos sobre o Entroido para o que xa faltan menos días.

Boteiro en Vilariño de Couso de JPereira

• O Entroido no Portal da Lingua.
• Coordinadora galega de ENDL.
• 75 Recursos sobre o Entroido en liña en A profa. Páxina de Pilar Ponte.

Entroido

O Entroido está petando á porta e o noso centro bole con actividades relacionadas con estas datas. Por iso queremos lembrar algúns recursos e enlaces que poden ser do voso interese.

Lijarcio, Cigarróns

• O Entroido en Galicia.

Día de Rosalía

O vindeiro 24 de febreiro conmemorase o Día de Rosalía posto que é a data do seu nacemento no ano 1837

•  "Música e caldo de gloria para celebrar o Día de Rosalía" na web da RTVG.
• Día de Rosalía na web da AELG.
• Axenda do Día de Rosalía (Axenda cultural AELG). 
• Fundación Rosalía de Castro. 
• Día de Rosalía. Bibliotecas escolares de Galicia. 
• Recomendacións para este día en Rede Lectura.

Exposición fondos Día da Paz para ESO

Lembrade que ao longo deste mes podedes visitar a nosa exposición de fondos sobre a paz na sala de secundaria.

Libros que van chegando: El secreto de la esfinge

Serq pensaba que Neferad estaría viendo en ese momento el mismo cielo, y que tal vez también ella danzaba a esa hora en honor a Isis, que abría el camino del día.

 Ana Alcolea, El secreto de la esfinge

Un novela que nos leva ao Antigo Exipto onde Neferad chora a morte de seu avó, un dos xenerais do faraón. Carlos tamén chora, na época actual, a morte do seu avó que lles legará unha antigüidade que semella ser exipcia...

• Primeiras páxinas de El secreto de la esfinge.
• "El secreto de la esfinge" no blogue Al este del canal de Ana Alcolea.

Día da Radio III

O Día da Radio trouxo consigo moitos programas coma poderás comprobar nos seguintes enlaces.

• No Día Mundial da Radio: Radio na Biblio emite.
• Ponte nas... Ondas!

Lembrando a Arquímedes

 Dáme unha panca e un punto de apoio e moverei o mundo

Arquímedes

Arquímedes pensativo de Domenico Fetti

Como sabedes un dos científicos homenaxeados o pasado ano no Día da Ciencia en Galego foi o xenial Arquímedes. Si, o siracusano que segundo a tradición empezou a berrar "Eureka!" despois de resolver se a coroa do rei de Siracusa era de realmente de ouro puro. O xenio de Siracusa é considerado un dos matemáticos máis grandes da historia.

Arquímedes el despistado de Luis Blanco Laserna é unha aproximación á vida e obra do científico grego que podedes atopar na nosa biblioteca.

Eureka!