Conta con elas... Rosalía tamén conta

 Continuamos co noso PDI, Conta con elas, celebrando o Día de Rosalía. Realizamos diversas actividades: flores cun poema para agasallar as familias, lecturas, Bee boteando con Rosalía, exposicións e carteis.

Día de Rosalía

 

Un ano máis a biblioteca do centro tivo unha activa participación no Día de Rosalía. O equipo de infantil e primaria montou o recuncho cos seus libros. Mentres que o alumnado participante no proxecto Biblioteca Creativa realizou collages sobre os versos de Rosalía e descubriron no recuncho creativo curiosidades sobre Rosalía co Blue-bot. 

En Educación Infantil levaron a cabo unha proposta de grafismo creativo de Rosalía; asistiron ao contacontos "Procúrase-Pepa A Loba, organizado pola Biblioteca Municipal e protagonizada por Cristina Collazo; despois deste recibiron  un agasallo moi especial.

 

Tamén o alumnado de 2º, 3ª e 4º de secundaria asistiu a unha actividade organizada pola Biblioteca Municipal: os divertidos contos que narrou Cándido Pazó. Ademais léronse poemas de Rosalía nas diversas aulas e na biblioteca.

Actividades do Día de Rosalía

Un feixe de actividades arredor da escrita, o debuxo, o recitado e a robótica... Ese foi resumido o noso Día de Rosalía.

O noso alumnado participou nas actividades organizadas polo EDLG e a Concellería de Cultura: "Letras e cores para Rosalía", recitado de poemas e visionado da peza Feminino producida polo colectivo The sun girl.

 

Os nenos e nenas de  Educación Infantil elaboraron un cadro ben especial de Rosalía.

 Velaquí un dos dípticos de Eduación Primaria:

Por certo, o alumnado de Robótica de 4º de EP anda a preparar con Cristina un xogo a partir do poema "Adios ríos, adios fontes".

 

E o de 5º  uns estupendos caligramas!

 

Os versos de Rosalía tamén foron o eixe da actividade para este día de 2º de ESO.

 

 O dito: un feixe de actividades!

Día de Rosalía

Unímonos á celebración desta data colaborando coas actividades desenvolvidas polo EDLG e engadindo máis recursos ao noso espazo sobre Rosalía na aula virtual.  

 

• Recursos na nosa aula virtual.

Día de Rosalía

 Mañá é o Día de Rosalía e na nosa web atoparedes a fotografía dun curruncho moi especial dedicado a ela que prepararon os membros do equipo de EI e EP. Tamén figuran nesta os recursos que seleccionamos para este día.

 

 

Día de Rosalía

Estes días podedes ver un espazo moi especial no primeiro andar do edificio de EI e EP: O Recuncho de Rosalía. Neste espazo amosanse algúns dos libros da autora, unha escolma de versos e unha cesta con rolos nos que están escritos algúns dos seus poemas para coller e ler nas aulas. 

Onte foron algúns alumnos e alumnas de 1º de ESO a lerlles aos nenos e nenas de Educación Infantil un deles. Hoxe continuamos a celebración desta data cun recital do alumnado de secundaria no recreo de mediodía. Atoparás máis información sobre este conmemoración na nosa web.

Día de Rosalía

O vindeiro 24 de febreiro conmemorase o Día de Rosalía posto que é a data do seu nacemento no ano 1837

•  "Música e caldo de gloria para celebrar o Día de Rosalía" na web da RTVG.
• Día de Rosalía na web da AELG.
• Axenda do Día de Rosalía (Axenda cultural AELG). 
• Fundación Rosalía de Castro. 
• Día de Rosalía. Bibliotecas escolares de Galicia. 
• Recomendacións para este día en Rede Lectura.

Día de Rosalía VI: fotos do recital de poemas

Deixámosvos algunhas fotografías do recital de poemas de Rosalía do pasado mércores.

Día de Rosalía: Abride a fiestra! V

Rosalía debuxada pola súa filla Alejandra

Son numerosos os medios de comunicación que se fixeron eco do Día de Rosalía. Como non podemos reseñalos todos, escollemos un programa de radio sobre o mundo literario galego presentado por María Solar: Chamando á Terra (24/02/2018).

Día de Rosalía: Abride a fiestra! IV

Rosalía fotografiada por Luis Sellier

O blogue son de poetas permítenos acceder a numerosas versións musicadas dos poemas de Rosalía.
son de poetas.

Día de Rosalía: Abride a fiestra! III

Rosalía de Brocos

As bibliotecas dixitais permítennos acceder á obra dixitalizada de Rosalía de Castro.

• Biblioteca Virtual Galega.
• Biblioteca Virtual Miguel de Cervantes.
• Biblioteca Digital Hispánica.

Día de Rosalía: Abride a fiestra! II

O vindeiro mércores celebraremos un recital de poemas de Rosalía no recreo da mañá na sala de ESO da biblioteca.

Anímate e participa!

Día de Rosalía: Abride a fiestra!

Mais para que o refacho entre, precisa da nosa vontade. Pídenos, imperiosa: Abride a fiestra!

María Reimóndez

A Asociación de Escritoras e Escritores en Lingua Galega (AELG) conmemora un ano máis o Día de Rosalía este vindeiro 24 de febreiro.

• Actividades da AELG.
• Actividades dos centros de ensino.
• Actividades doutras entidades.
• Actividades da Fundación e Casa Museo de Rosalía.
• Actividades das Bibliotecas Escolares de Galicia.
• O Día de Rosalía na nosa biblioteca ao longo destes anos.

Semana Rosaliana V: Chegou o Día

Este ano sucedéronse outras iniciativas de interese relacionadas con Rosalía, coma por exemplo o  cambio de denominación do aeroporto de Santiago de Compostela a Aeroporto Santiago de Compostela - Rosalía de Castro. Tamén soubemos que un avión da compañía aérea Norwegian lle foi dedicado.

Xa para rematar esta Semana Rosaliana queremos lembrar algúns dos materiais que fomos elaborando ao longo destes anos en colaboración co EDLG.

• No bico un cantar.
• Eu cantar cantei.
• Día de Rosalía: Follas Novas.
• De ventos e alboradas.
• Aromas puros, frescura e poesía. 

Aromas puros, frescura e poesía é o título dunha selección de poemas, que elaboramos o pasado curso, ilustrada con cadros de pintores que dalgunha maneira se relacionan con Rosalía ou coa súa poesía. Non podiamos deixar de lembralo neste curso académico da Biblioteca Escolar-Territorio das Artes.

Feliz Día de Rosalía!
Manifesto Día de Rosalía de Ledicia Costas

Para saber máis sobre as actividades deste día preme neste enlace coa web culturagalega.org. E para coñecer as actividades das bibliotecas escolares galegas nestoutro.

Semana Rosaliana IV: Rosalía fotografiada, debuxada e pintada

A RAG (Real Academia Galega) vén de dixitalizar os retratos que conservaba de Rosalía de Castro que podes consultar no Arquivo Dixital de Galicia.

Rosalía de Castro (Arquivo da RAG)

Máis imaxes de Rosalía en:

• Casa Museo-Fundación Rosalía de Castro.
• Catro imaxes liberadas pola Deputación da Coruña das ilustradoras Uqui Permui, Aurora Cascudo, Aldara Prado e Paula Mayo.

Semana Rosaliana III: A moda de Cantares Gallegos

refaixo e mantelo negro

zapato e media de seda,

negra chaqueta de raso,

mantilla da mesma peza,

con terciopelo adornado

Rosalía de Castro, "Nosa señora da Barca" de Cantares gallegos

Como vestirían todos eses personaxes que Rosalía recrea e describe en Cantares gallegos? 

Deixámosvos algúns enlaces de interese sobre esta cuestión.

• Exposición Con-Fío en Galicia. 

Unha interesante exposición que se puido visitar na Cidade da Cultura dende o 11 de marzo ao 11 de setembro de 2016. Belén Sáenz-Chas Díaz escribiu no catálogo desta: "O traxe folclorizado que hoxe vemos nos escenarios apenas ten que ver coa realidade da nosa sociedade do século XIX e do xeito de vestir das súas xentes".

• Colección de Etnografía e Indumentaria no Museo do Pobo Galego.
• Colección de Etnografía. Xoias e complementos no Museo do Pobo Galego.

Semana Rosaliana II: E como vestiría Rosalía?

A Cidade da Cultura de Galicia vén de cederlle á Fundación Rosalía de Castro unha das pezas creadas co gallo da mostra ‘Con-fío en Galicia’ para a súa exhibición ao público. Trátase da recreación dun traxe de Rosalía, creado pola modista e deseñadora Carme Pichel, que se inspira nunha fotografía, realizada por Encausse na Coruña no ano 1855, que pertence á RAG.

Por certo, o Museo del Romanticismo de Madrid inaugurou o pasado 25 de outubro unha mostra sobre a moda romántica que nos permite coñecer a moda no século XIX.

Semana Rosaliana

O 24 de febreiro conmemoramos o Día de Rosalía, pero nós queremos dedicarlle toda a semana; así que comezamos hoxe as nosas entradas sobre esta data lembrando o cartel que a AELG (Asociación de Escritores en Lingua Galega) lle dedica. Neste podedes atopar tamén unha das actividades que a amentada asociación propón para este día: agasallar un libro en galego e unha flor.

Para saber máis:

• Actividades promovidas pola AELG. 
• Outras actividades para esta data.

Día de Rosalía III

Son moitas as actividades que se desenvolveron onte para lembrar a Rosalía de Castro. Deixámosvos algúns enlaces sobre estas:

• Actividades das bibliotecas escolares galegas.
• Actividades realizadas no Día de Rosalía na web da AEG (Asociación de Escritores.

Por certo, a ilustración desta entrada é obra da ilustradora Aldara Prado e forma parte das catro liberadas pola Deputación da Coruña para conmemorar esta data, o mesmo ca entrada de onte, creada por Aurora Cascudo. Se queres coñecer as outras dúas imaxes atoparalas neste enlace.

Día de Rosalía II

Este ano decidimos realizar unha selección de poemas de Rosalía, que podedes atopar neste enlace para conmemorar esta data.

A ilustración de Aurora Cascudo foi atopada aquí.