Antroponimia

Sabemos que este é un tema que vos interesa e xa temos escrito sobre el; por iso, hoxe deixámosvos un enlace coa axencia Europa Press sobre os nomes e apelidos máis habituais en España. Se queredes saber máis, agardámosvos onde o mundo se chama biblioteca ou ben podedes consultar a Estatística do Padrón Contínuo do Instituto Nacional de Estadística.

Polo demais, deixámosvos un fermoso poema "antroponímico": "Xaneiro, 1972". Deste poema, que Celso Emilio Ferreiro lle dedicou á súa dona, fixéronse numerosas versións musicais.

Cando quero vivir
digo Moraima.
Digo Moraima
cando semento a esperanza.
Digo Moraima
e ponse azul a alba.

Cando quero soñar
digo Moraima.
Digo Moraima
cando a noite é pechada.
Digo Moraima
e ponse a luz en marcha.

Cando quero chorar
digo Moraima.
Digo Moraima
cando a anguria me abafa.
Digo Moraima
e ponse a mar en calma.

Cando quero surrir
digo Moraima.
Digo Moraima
cando a mañá é crara.
Digo Moraima
e ponse a tarde mansa.

Cando quero morrer
non digo nada.
E mátame o silencio
de non decir Moraima.

Celso Emilio Ferreiro, Onde o mundo se chama Celanova

Se queredes escoitar a versión que realizou a cantante María do Ceo premede aquí e se queredes coñecer outras versións atoparédalas en Son de poetas.

Nomes propios

Encontramos en Europa Press un interesante gráfico sobre os nomes máis comúns. A onomástica, a rama da lexicoloxía que estuda os nomes propios, é un tema moi interesante que vos interesa a moitos, polo que non só vos recomendamos que pasedes pola biblioteca, onde atoparedes libros de interese coma o Dicionario dos nomes galegos, senón que tamén vos deixamos algúns enlaces de interese:

• Asociación Galega de Onomástica, onde figura unha interesante recompilación de enlaces.
• Cartografía dos apelidos de Galicia.
• Antroponimia na Galipedia.
• Antroponimia na Wikipedia.
• Apellidos y nombres. Instituto Nacional de Estadística.
• Genealogía y heráldica. Guía de recursos bibliográficos (BNE)
• Toponimia de Galicia. 
• "Onomástica e toponimia" en Centro de Documentación Sociolingüstica de Galicia (Consello da Cultura Galega).Ofrece unha interesante recompilación de enlaces.
• Nomenclator España. Centro Nacional de Información Geográfica.
• Toponimia y antiguos caminos. Recuperación de la toponimia tradicional y los antiguos caminos tradicionales.
• Base de datos de nomes xeográficos . Grupo de Expertos en Nomes Xeográficos das Nacións Unidas (UNGENG).

Xa para rematar un vídeo que nos lembra a importancia da microtoponimia.