Este Nadal viaxamos a Escandinavia II

 

Esta é a segunda parte da nosa guía de suxestións de Nadal que titulamos Viaxes por Escandinavia.

Agardamos que vos guste. 

Bo Nadal!

Este Nadal viaxamos a Escandinavia

 

Este Nadal viaxamos a Escandinavia cunha guía de suxestións de lectura moi diversa, na que non podiamos esquecer  a Astrid Lindgren quen publicou o primeiro libro de Pippi Mediaslongas hai 75 anos. Por suposto, falando de Escandinavia tamén tiña que estar presente Carlos Casares, xa que foi un dos primeiros escritores galegos en achegarnos ao mundo sueco.

Selección de lecturas de R.L. Stevenson en Canal Lector

 Canal Lector ofrécenos unha chea de libros de Robert Louis Stevenson, tamén coñecido coma Tusitala polos samoanos. 

Guía de suxestións de ciencia

Rematamos este mes cunha guía de suxestións de ciencia que agardamos sexa do voso agrado.

Marcapáxinas: 25 N

Unha das actividades deseñadas para este 25 de novembro foi a elaboración dun marcapáxinas que podedes atopar na nosa web.

• Actividades das bibliotecas escolares de Galicia.
  

25 de novembro de 2020

 

Queres coñecer o noso padlet con recursos diversos para este día? Preme aquí e accederás a el.

Novembro, Mes da Ciencia en Galego nas Bibliotecas

A ciencia non é unha cousa escura que só se fai en complexos laboratorios, senón
que, por riba de todo, é unha maneira de pensar, unha actitude para chegar ao
coñecemento.

Xurxo Mariño

 

Un ano máis chega "Novembro, Mes da Ciencia en Galego nas Bibliotecas". Trátase dunha iniciativa da Consellería de Cultura, Educación e Universidade e a Secretaría Xeral de Política Lingüística coa que colabora un científico que escribe un manifesto sobre a ciencia. Este ano o autor deste é o biólogo Xurxo Mariño.

 

• Manifesto de Xurxo Mariño. 
• Recompilación de recursos e actividades das bibliotecas escolares de Galicia.
  

Xeografías lectoras na biblioteca escolar

Xeografías lectoras na biblioteca escolar é o lema do cartel para as bibliotecas escolares este curso.

 

O cartel é obra de Bea Lema. Preme aquí se queres saber cal foi o seu proceso de creación.

Protocolo COVID

Lembrade que na nosa web figuran os diversos documentos de adaptación ao contexto da COVID-19. O protocolo da biblioteca tamén se pode consultar no noso Plan Anual de Lectura (PAL).

• PAL
• COVID-19. Documentos do centro
•  Web da Consellería de Educación
  

Suxestións para o verán: Lendo en Sansa

Lendo en Sansa é o nome do espazo na nosa aula virtual no que recollemos enlaces con guías de lectura, webs e blogues con recomendacións de libros para todas as idades... Lecturas moi diversas! Preme aquí para coñecer este currunchiño virtual da lectura.

Muller con parasol ou O paseo de Monet

•  Lendo en Sansa.
• Suxestións para o verán das bibliotecas escolares de Galicia.

Un verán de lbros: Mate-glifos

Mate-glifos. Orixe e evolución dos símbolos en Matemáticas é un percorrido pola historia das Matemáticas a través dos seus símbolos.

Un verán de libros: Botanicum

Gústannos moito todos os libros publicados na colección Visita nuestro museo da editorial Impedimenta. Así que, hoxe traemos a esta nosa bitácora un fermoso percorrido pola vida vexetal.

Primeiro capítulo.

Un verán de libros: Unha aventura filosófica

Una aventura filosófica de Ana Alonso é unha novela para pensar, para reflexionar e para decatarse de coma a filosofía nos proporciona ferramentas moi útiles para a vida.

Un verán de libros: O Chispas

O Chispas é o nome da nova novela de Manolo Rivas na que nos conta as aventuras dun músico moi peculiar... Cósmico!

• O Chispas en Rede Lectura

E se imos de museos?

O Museo de Belas Artes da Coruña pon a nosa disposición diversos materiais para achegarnos á figura de Luis Seoane.

O gaiteiro de Luis Seoane

• Atoparalas no seguinte enlace.

E se imos de museos?

Hoxe imos virtualmente ao Museo do Pobo Galego que nos ofrece tamén numerosas actividades para realizar na casa.

• Actividades para enredar na casa do Museo do Pobo Galego.

Día Mundial dos Oceános

Atopamos en Rede Lectura dúas propostas moi interesantes para o Día Mundial dos Oceános que se conmemora hoxe.

• Rede Lectura: propostas lectoras para o Día Mundial dos Oceános.

Clásicos da LIX

Hoxe traémosvos un clásico da literatura infantil e xuvenil: Pipi Mediaslongas de Astrid Lindgren.

E se imos de museos?

Hoxe visitamos virtualmente o Museo do Castro de Viladonga situado no concello de Castro de Rei na Terra Chá lucense.

• Museo do Castro de Viladonga.

Información de UNICEF sobre Coronavirus

O departamento de Educación de UNICEF elaborou unha documentación relacionada co coronavirus e a infancia. Preme aquí para saber máis desta iniciativa.

Vampira de biblioteca de Ledicia Costas

Atopamos en Rede Lectura nova da publicación de Vampira de biblioteca de Ledicia Costas.

Coa palabra na boca

Coa palabra na boca é o nome dunha publicación dixital con suxestións para traballar con refráns nas aulas.

• Enlace

Recursos con moita LIX

Gálix (Asociacón Galega do Libro Infantil e Xuvenil) presenta o PADLET "Recursos con moita LIX para ficar na casa" onde se recompilan iniciativas de diversos colectivos. Preme aquí para acceder a esta interesante iniciativa.

Aprende coas mulleres galegas

"Aprende coas mulleres galegas" é un proxecto da Secretaría Xeral de Igualdade que nos achega á figura de catro mulleres galegas a través de diversas actividades. Preme aquí para acceder a este.

O maio de Don Ricardo XV: poesía

Antologia da poesia en galego é unha selección de poesía realizada por Paulo Fernández Mirás dos diversos libros publicados por Ricardo Carvalho Calero.

O primeiro aeroplano

ensaiaba o seu voo, ti ja o dixeches,

namentres nós nacíamos.

E o cometa Halley brillaba no ceu,

e Tolstoy se apagaba cando nós nacemos.

Ricardo Carvalho Calero, Futuro condicional

O maio de don Ricardo XIV

Os materiais  elaborados polo noso alumnado de 4º, 5º e 6º de EP en base a un traballo de investigación previo foron recompilados no especial das Letras Galegas de Aulas Galegas.

  Moitos parabéns ao alumnado e profesorado participante!

O maio de don Ricardo XIII

O blogue Rede Lectura ofrécenos unha recompilación de novidades editoriais sobre Ricardo Carvalho Calero.-

• Rede Lectura.

LIJ española 2019

OEPLI, coas súas catro seccións territoriais, Consejo General del Libro Infantil y Juvenil, ClijCat, Galtzagorri e Gálix, en colaboración co Ministerio de Cultura e Deporte,vén de editar o catálogo Literatura infantil y juvenil española, unha selección bibliográfica de 200 títulos publicados ao longo do pasado ano. O catálogo está dividido en seccións por idades.

• Literatura infantil y juvenil española. Catálogo

Quince anos de LIX Galega

Quince anos de LIX Galega é unha guía na que se recolle  unha selección dos libros que tiveron unha maior presenza nas bibliotecas escolares galegas nestes primeiros quince anos do Plan de Mellora de Bibliotecas Escolares.

• Guía e díptico de Quince anos de LIX galega.
• Aportacións das biblioteca escolares.

O maio de don Ricardo XII: as bibliotecas escolares

As bibliotecas escolares galegas organizaron moitas actividades para este Día das Letras Galegas que podes atopar no seguinte enlace.

O maio de Don Ricardo XI: Descubrindo illas

Descubrindo illas con Carvalho Calero é o nome dun pequeno proxecto que desenvolveu o alumnado de secundaria na materia de Lingua galega e literatura: carteis, poemas, fotografías... Un pouco de todo nesta proposta aberta para o Día das Letras Galegas. 

Preme aquí para coñecelo e lembra que tes que ir ao apartado "Guías e outros materiais do curso 2019/2020).

O maio de don Ricardo X: presentación materiais do noso centro

O alumnado de 4º, 5º e 6º  de EP do noso centro estivo a traballar nun proxecto de investigación sobre Carvalho Calero. Hoxe fixemos a presentación que podedes atopar premendo neste enlace. 

Moitos parabéns ao profesorado e alumnado que colaborou nesta homenaxe tan especial da Carvalho Calero.

• Materiais Letras Galegas.

O maio de Don Ricardo IX

A TVG,  coma xa indicamos noutras entradas, dedicoulle numerosas reportaxes a Ricardo Carvalho Calero que podedes atopar nesta ligazón.

O maio de don Ricardo VIII

Ricardo Carvalho Calero de Lela Edicións é o título deste libriño de banda deseñada que nos achega á vida e obra do escritor ferrolán.

Por outra banda, a CRTVG dedícalle numerosos espazos ao Día das Letras Galegas na radio, na televisión e nas redes sociais.

O maio de don Ricardo VII: Scórpio

Scórpio foi publicada en 1987 e nese mesmo ano acadou o Premio da Crítica de narrativa galega. Henrique Rabuñal descríbea coma "unha das obras de Carvalho máis celebradas pola crítica literaria, tanto pola súa orixinalidade técnica e polas súas achegas estilísticas como por servir de reflexión e memoria individual e colectiva para o período 1910-1939".

O maio de don Ricardo VI: A xente da Barreira

A xente da Barreira foi publicada pola editorial Bibliófilos Galegos en 1951. Trátase da primeira novela publicada en galego da posguerra. Narra a historia dunha familia fidalga na transición do século XIX ao XX.

O maio de don Ricardo V

Ricardo Carvalho Calero. O anxo da terra é título dun  libro de Henrique Rabuñal que nos achega a vida e obra de don Ricardo.

• O libro no blogue Caderno da crítica.

O maio de don Ricardo IV: a nosa recompilación de recursos

Vimos de elaborar unha recompilacións de recursos sobre Ricardo Carvalho Calero que podedes atopar na nosa aula virtual.

O maio de don Ricardo III: As pitas baixo a choiva

 "Non. Digades o que queirades, os galos non son agora tan fremosos como nos tempos da miña nenez."

Rircardo Carvalho Calero

Un conto que relata unha anécdota autobiográfica. O protagonista é un neno que descobre dende unha fiestra que as galiñas están a se mollar...

• Web d'As pitas baixo a choiva

O maio de don Ricardo II

Héctor Cajaraville achéganos á figura do homenaxeado neste Día das Letras Galegas co libro Ricardo Carvalho Calero. A pegada do compromiso. Unha biografía na que se intercalan pequenas pezas dramáticas que nos fan máis próximos momentos da súa vida.

Sementando versos de maio

Sementando versos de maio é o nome dun proxecto co que queremos celebrar os Maios este ano. Preme aquí se queres saber como. 

O maio de don Ricardo

"En suma, que as fatigas de don Ricardo, o maior dos nosos polígrafos, continúen a ser semente. Todos sairemos gañando"

Henrique Dacosta

Empezamos unha serie de entradas sobre Ricardo Carvalho Calero, a figura homenaxeada este ano no día das Letras Galegas, cun libro de Henrique Dacosta que nos achega a súa figura: Carvalho Calero. Vida e obra dun ser polifacético.

• O libro en Caderno da crítica.

Día da Educación Física na Casa

Este ano tamén se conmemorou no noso centro o Día da Educación Física. Na nosa web pódese atopar o vídeo coas achegas de alumnado e profesorado.

Contos e máis contos en Kalandraka TV

Contos contados é o nome da sección da web da editorial Kalandraka na que podemos acceder a contos e poemas.

• Contos contados en Kalandraka TV.

Amamos la poesía

Amamos la poesía é un proxecto da RAE para divulgar nas redes sociais a poesía en español.

Libros do CCG

O Consello da Cultura Galega ofrécenos a posibilidade de acceder a numerosas das súas publicacións.

• Publicacións do CCG.

Día do Libro: debuxando a don Quijote

Hoxe deixamos un vídeo que nos achega aos personaxes da obra cervantina debuxando.

Carteleando II: Día do Libro

E seguimos cos carteis elaborados polo alumnado de secundaria para o Día do Libro: Carteleando II.

• Carteleando II.

Carteleando no Día do Libro

Carteleando é o nome que eleximos para os carteis elaborados polo alumnado de secundaria para esta data.

• Carteleando.

Semana do libro: Un don Quijote moi divertido

Hoxe deixámosvos un vídeo moi entretido creado por Orientación Andújar que nos achega a aventura dos muíños que protagonizaron don Quijote e Sancho.

Luz Pozo Garza

«A súa presenza destilaba o mesmo que a súa poesía: delicadeza e verdade.»

Francisco Castro

Hoxe soubemos do pasamento da poeta Luz Pozo Garza. Luz naceu en Ribadeo preto do mar, dese mar sempre tan presente na súa poesía, o 21 de xullo de 1922.

Amei a mar de Vigo.

Amei a luz que modifica a doctrina dos astros

a total curvatura que da unidade ás formas

cando a badía nace cada mañá

e ti agardabas.

Foi o móbil primeiro

Luz Pozo Garza. Códice Calixtino

O páxaro na boca, Códice Calixtino, Vida secreta de Rosalía... Libros de poesía intimista no que o amor vitalista e a saudade se van sucedendo no tempo simbolizados pola luz e a sombra. 

De balde fora o devecer aquel.

A pregunta sen eco que ten forma de enigma.

Aló calara a chuvia

onde o tempo semella unha curva implacábel.

Luz Pozo Garza, Concerto de outono

 

A poesía de Luz era unha poesía tamén na que a Música tiña un importante papel. 

Aquel vello piano noite e tempo

de madeiras exóticas que cercaban a infancia

conserva a transparencia do primeiro Chopin

nun reino fuxitivo onde pasan as sombras en claves sucesivas.

Luz Pozo Garza, Códice Calixtino

Mais falar de Luz Pozo Garza é falar tamén da ensaísta, da directora da revista Nordés, da profesora que achegou a literatura a tantos alumnos e alumnas coma Manuel Rivas:

 

«Con ela chegaba unha estación nova; entraba na clase tranquilamente a primavera»

Manuel Rivas 

• Luz Pozo Garza na Biblioteva Virtual Galega.
• Luz Pozo Garza no blogue Versos e Aloumiños.
• Videoteca no Centro de Documentación de AELG.

O ar semellaba unha camelia branca

que se tornase en chuvia en sombra en pura ausencia.

Luz Pozo Garza, Códice Calixtino

Semana do libro

E ninguén le o mesmo libro, porque os libros fálannos distinto a cada un de nós.

Manuel Gago. 

 

O vindeiro xoves conmemoramos o Día Mundial do Libro. As bibliotecas escolares galegas teñen numerosas propostas que podedes consultar aquí.

Así mesmo, coma cada ano, a  Consellería de Educación, Universidade e formación Profesional edita o díptico para conmemorar esta data. Este ano o autor do texto é Manuel Gago e o da imaxe Harold Iglesias. Unha magnífica idea celebrar esta data cun texto que nos axuda a reflexionar e unha fotografía dun chasco común. 

•  Dítpico.

Aulas Galegas

Aulas Galegas é un portal educativo creado por profesorado no que podemos atopar diversos recursos, actividades e materiais educativos en galego. Preme aquí para acceder a súa web.

Juego para familias.

Juego para familias é un recurso didáctico do Museo do Prado que nos amosa cada día unha das salas deste con diferentes retos para superar.

CPI de Sansa na casa

Deixámosvos o enlace cun vídeo moi especial que moitos e moitas xa coñecedes: CPI de Sansa na casa.

Día das Artes Galegas III: Enigma Andrade

Continuamos coas nosas preguntas sobre o protagonista do Día das Artes Galegas dese ano.

Día das Artes Galegas II: Enigma Andrade

Continuamos coas preguntas do noso Enigma Andrade para conmemorar o Día das Artes Galegas.

• Recursos.

Día Internacional do Libro Infantil

O 2 de abril, data do nacemento do escritor danés Hans Christian Andersen,
conmemoramos o Día Internacional do Libro Infantil.

Este ano correspóndelle á sección de Eslovenia representar ao IBBY a través do texto de Peter Stepina e do cartel de Damijan Stepancic.

• Mensaxe e cartel.
• Día Internacional do Libro Infantil (OEPLI). 
• Concurso GÁLIX: "Un poema na túa voz".
• Actividades das bibliotecas escolares galegas.

Día das Artes Galegas

Mañá celébrase o Día das Artes Galegas. Este ano o homenaxeado é o arquitecto barroco Domingo de Andrade. Nós querémonos unir a esta celebración con tres pequenos retos que chamamos Enigma Andrade. A ver que vos parecen? Atoparedes as solucións? Seguro que si.

Recursos

• Real Academia Galega de Belas Artes.
• Domingo de Andrade na wikipedia.
• Día das Artes Galegas nas bibliotecas escolares de Galicia.

O Portal das Palabras

O Portal das Palabras é unha inicativa da RAG e a Fundación Barrié que nos permite aprender novo léxico en galego dunha maneira sinxela e divertida.

• Portal das Palabras

Día Mundial do Teatro

O 27 de marzo conmemórase o Día Mundial do Teatro. Esta data celébrase dende 1961 por iniciativa do Instituto Internacional do Teatro.

• Sitio oficial do Día Mundial do Teatro.
• Entradas sobre o teatro en Bibliosansa. 
• Recomendacións  en Rede Lectura.
• Selección de obras teatrais en Canal Lector.
• GÁLIX. Día Mundial do Teatro. Manifesto de Paula Carballeira.

Leer.es

Leer.es é unha web con proxectos e numerosos recursos para ler, para escribir, para crear, para falar...

• leer.es

#bescolaresgalAbertas

Queres coñecer as actividades que están a desenvolver as bibliotecas escolares galegas durante estes días? Preme aquí e atoparás recursos, recomendacións, video-contos, retos...

Día Mundial da Poesía

O pasado 21 de marzo conmemorouse o Día Mundial da Poesía. Así que hoxe traemos ao blogue un poema de Manuel María e algúns enlaces de interese sobre esta data.

John Constable: Salisbury Cathedral from the Meadows

O arco da vella

no ceo subido

co seu colorín

co seu colorido.

O arco da vella

con sete colores

que teñen, no ceo, 

 beleza de flores.

 O arco da vella

 no ceo chantado

 co seu colorín,

co seu colorado.

O arco da vella

 é un arco triunfal

con sete guerreiros

que a ninguén fan mal.

 O arco da vella

 de luz feito é.

 ¡Resulta un milagre

que siga de pé!

 Manuel María, Os soños na gaiola

• "Feliz día mundial da poesía" en Aulas Galegas
• Día Mundial da Poesía nas bibliotecas escolares galegas. 
• Concurso de GÁLIX: Un poema na túa voz.
• Día Mundial de la Poesía. UNESCO
• Selección de libros de poesía en Canal Lector.
• Conmemoración da RAE.
• Entradas sobre a poesía en Bibliosansa.
• Libros de poesía en Rede Lectura.

Banco de recursos

Atopamos en educaLAB un interesante banco de recursos para diferentes materias. Preme aquí se desexas coñecelo.

Bibliotecas dixitais

Bos días. Hoxe empezamos a lembrar algunhas bibliotecas virtuais que pensamos poden ser do voso interese:

• Biblioteca Virtual Miguel de Cervantes.
• Biblioteca Virtual Galega 
• Biblioteca Digital Hispánica.
• Galiciana. Biblioteca Dixital Galega.
• Biblioteca Digital-Real Academia de Historia.
• Biblioteca Digital Real Jardín Botánico.
• Europeana. 
• Proyecto Gutenberg.
• Biblioteca Digital Mundial.
• Biblioteca Digital Internacional para Niños. 

Día Internacional das Matemáticas

O 14 de febreiro foi proclamado coma Día Internacional das Matemáticas pola 40ª Conferencia Xeral da UNESCO. O lema escollido para este ano é: "As Matemáticas están en todas partes".

Para saber máis.

• Día Internacional de las Matemáticas.
• Real Sociedad Matemática Española.
• Día Internacional das Matemáticas na web da UNESCO. 

A la divina proporción

A ti, maravillosa disciplina,
media, extrema razón de la hermosura,
que claramente acata la clausura
viva en la malla de tu ley divina.

 

A ti, cárcel feliz de la retina,
áurea sección, celeste cuadratura,
misteriosa fontana de mesura
que el Universo armónico origina.

A ti, mar de los sueños, angulares,
flor de las cinco formas regulares,
dodecaedro azul, arco sonoro.

Luces por alas un compás ardiente.
Tu canto es una esfera transparente.
A ti, divina proporción de oro.

Rafael Alberti

GaliciaLe: plataforma de préstamo das bibliotecas públicas

GaliciaLe é a plataforma de préstamo de libros, revistas, audiolibros e películas en formato electrónico das bibliotecas públicas galegas.

Vénse de publicar...

Atopamos en Rede Lectura nova da publicación do poemario Porque te quero de Baldo Ramos.

Día Internacional da Muller

O Día Internacional da Muller conmemórase o vindeiro 8 de marzo. Elaboramos unha pequena guía de suxestións de lectura que esperamos sexa do voso interese.

• Blogue O Talento silenciado.
• Actividades das bibliotecas escolares de Galicia.