Actividades do Día de Rosalía

Un feixe de actividades arredor da escrita, o debuxo, o recitado e a robótica... Ese foi resumido o noso Día de Rosalía.

O noso alumnado participou nas actividades organizadas polo EDLG e a Concellería de Cultura: "Letras e cores para Rosalía", recitado de poemas e visionado da peza Feminino producida polo colectivo The sun girl.

 

Os nenos e nenas de  Educación Infantil elaboraron un cadro ben especial de Rosalía.

 Velaquí un dos dípticos de Eduación Primaria:

Por certo, o alumnado de Robótica de 4º de EP anda a preparar con Cristina un xogo a partir do poema "Adios ríos, adios fontes".

 

E o de 5º  uns estupendos caligramas!

 

Os versos de Rosalía tamén foron o eixe da actividade para este día de 2º de ESO.

 

 O dito: un feixe de actividades!

Día de Rosalía

Unímonos á celebración desta data colaborando coas actividades desenvolvidas polo EDLG e engadindo máis recursos ao noso espazo sobre Rosalía na aula virtual.  

 

• Recursos na nosa aula virtual.

Entroido

 Xa está chegando o Entroido, Antroiro, Entroiro, Entrudio ou Entruido. Como podes ver non faltan palabras en galego para referirse a esta data!

Pablo Picasso: Arlequín con espello

Recursos no noso blogue sobre o Entroido.

Nadal!

 Un ano máis chegaron decembro, o inverno e o Nadal que agardamos teñan os seus intres para a lectura.

Franz Skarbina, Mercado de Nadal en Berlín (1892)

 

 "Intres" nos que achegarnos a algunhas das lecturas do noso curruncho de Nadal na aula virtual ou das propostas por outras bibliotecas escolares.

• Espazo Nadal
• Suxestións das bibliotecas escolares de Galicia-
  

 

"Intres" para buscar unha lectura nunha árbore moi especial que xa levades vendo ao longo destes días.

Felices festas e felices lecturas!

Lecturas en Violeta: 25 N

 O equipo de biblioteca  de EI e EP vén de preparar un boletín coas novidades adquiridas para esta data: Lecturas en Violeta. Novidades ben interesantes que, coma sempre, podedes atopar alí onde o mundo se chama biblioteca.

Suxestións para un novembro de ciencia

 Vimos de elaborar unha pequena guía de suxestións de ciencia para unirnos á celebración de Novembro, Mes da Ciencia en Galego nas Bibliotecas.

Novembro, Mes da Ciencia en Galego nas Bibliotecas

"A ciencia está chea de momentos épicos coma este. Coñecelos e transmitilos é un deber no que todos, non soamente os que somos científicos, debemos participar."

José Tubio

Un curso máis chegou "Novembro, mes da Ciencia en Galego nas Bibliotecas". Este ano o encargado de elaborar o manifesto é José Tubío.

• Manifesto de José Tubío.
• Outros recursos da Asesoría de Bibliotecas Escolares.