Libros que van chegando: Fontán de Marcos Calveiro

É unha figura que me obsesiona dende que na adolescencia lin a Pedrayo: Eu, coma Adrian Solovio quedei deslumbrado polo seu mapa e pola súa figura, levo moitos anos tras a súa sombra.

 Marcos Calveiro

Compartimos con Marcos Calveiro a súa fascinación pola figura de Domingo Fontán; así que, estamos moi contentos de que xa figure no noso catálogo a novela coa que gañou a novena edición do IX Premio de Novela Breve Repsol. 

Unha novela biográfica de fondo histórico na que a ciencia tamén ten o seu "lugar", coma non podía ser doutra forma, tendo coma protagonista a ese "matemático sublime", en palabras de Suso de Toro, que foi o pontevedrés nacido en Porta do Conde (Portas). 

Marzo de poesía XI: Shakespeare

William Shakespeare, o famoso dramaturgo inglés de cuxa morte se cumpren catrocentos anos, foi un excelente poeta tal e coma amosa nos seus famosos sonetos. Por certo, debes ter en conta que o soneto inglés difire dos nosos, posto que está composto por tres serventesios e un pareado final. 

Escollemos para hoxe o número 116 na tradución de Ramón Gutiérrez Izquierdo:

Que nunca máis no enlace leal de dúas almas  

admita impedimentos. Non sente amor bastante

quen muda decontado se ve que hai mudanzas,

ou tende a distanciarse de quen está distante.

¡Oh, non! o amor é faro por sempre inalterable,

que observa a tempestade e nunca se intimida,

estrela sempre fixa que guía o barco errante,

da que o valor se ignora por alto que se mida.

Co amor non xoga o tempo, aínda que as fazulas

e labios mozos segue a fouce máis severa;

coas horas e semanas o amor non se demuda,

pois ata a fin dos días resiste e persevera.

Se a min poden probarme que nisto ando errado,

eu nada levo escrito, ninguén nunca foi amado.

 William Shakespeare

Marzo de poesía X: recibimos a primavera con Manuel María

Este ano, como xa sabedes, o autor homenaxeado no Día das Letras Galegas é Manuel María. Queremos recibir esta primavera cun seu poema:

Están todas as carpazas

co lilailo da súa flor.

¡No corazón das rapazas

nacen cantigas de amor!

Hai ledicia verdadeira

nas flores e nas espiñas.

¡ Xa chegou a primaveira

no bico das anduriñas!

Manuel María, Terra Cha

Claude Monet, La primavera

Día Mundial do Teatro 2016

"El teatro puede decirnos todo."

Anatoli Vasíliev

O  pasado 27 de marzo celebrouse o Día Mundial do Teatro. O instituto Internacional do Teatro convida todos os anos a un representante do mundo teatral a escribir unha mensaxe sobre esta efeméride. Este ano o elixido foi Anatoli Vasíliev e podedes ler a súa mensaxe aquí.

Outros recursos de interese:

• 27 de marzo. Día Internacional do Teatro na web do INTEF
• Recursos e enlaces seleccionados por Bibliosansa o pasado ano.

 El teatro está frente a usted, no lo descuide y no se pierda la oportunidad de participar en él, tal vez la más preciosa oportunidad que tenemos en nuestras vanas y apresuradas vidas.

Anatoli Vasíliev

Créditos imaxe aquí.

Lembrando a Ángela Ruiz Robles

Hoxe o doodle de Google lémbranos a Ángela Ruiz Robles, a quen xa temos recordado neste blogue. Naceu en Villamanín (León) un 28 de marzo de 1895 e faleceu en Ferrol, cidade na que morou gran parte da súa vida, o 27 de outubro de 1975. En 1949 patentou a Enciclopedia Mecánica, considerada precursora do libro electrónico, que hoxe se pode ver na sede do MUNCYT na Coruña. 

Para saber máis:

• "Ángela Ruíz Robles, la enciclopedia mecánica". Programa Con ciencia en RTVE: 12 de novembro de 2013.  
• "Google homenaxea á precursora do libro electrónico". Programa A Revista na TVG: 28 de marzo de 2016.
• "Ángela Ruíz Robles.  Mestra exemplar, escritora e inventora no eido da didáctica" en Álbum de Mulleres (Consello da Cultura Galega).

Créditos da fotografía aquí.

Marzo de poesía IX: Día Mundial da Poesía

Las voces que transmiten la poesía contribuyen a realzar la diversidad lingüística y la libertad de expresión. Colaboran en el esfuerzo mundial en favor de la educación artística y la difusión de la cultura. A veces, la primera palabra de un poema es suficiente para recuperar la confianza ante la adversidad y encontrar el camino de la esperanza frente a la barbarie.

 Mensaxe de Irina Bokova, Directora Xeral da UNESCO,
con gallo do Día Mundial da Poesía.

O día 21 de marzo conmemoraremos o Día Mundial da Poesía. Unímonos a esta conmemoración coas entradas que titulamos "Marzo de poesía" e cunha pequena homenaxe ao poeta Rubén Darío, falecido o 6 de febreiro de 1916, que podedes atopar premendo aquí. 

Non queremos despedirnos sen lembrarvos algúns enlaces de interese sobre esta data:

• "Día Mundial de la Poesía"  na web da ONU.
• "Mensaxe de Irina Bokova, Directora Xeral da UNESCO, con motivo do Día Internacional da Poesía.
• "Se buscan poetas" en Canal Lector.
• Selección de textos poéticos no blogue Rede Lectura.
• Recompilación de enlaces sobre poesía en Bibliosansa. 
• Entradas sobre poesía en Bibliosansa.

Por certo, na imaxe podedes ver unha estatua romana do século II d.C. que representa a Erato, a musa da poesía. As musas, coma seguramente xa sabedes, eran as deidades que protexían as artes e as ciencias na mitoloxía grega.   

Créditos da imaxe aquí. 

Marzo de poesía VIII: Camões

Luís Vaz de Camões é un afamado poeta portugués de ascendencia galega que naceu cara 1524 e morreu en 1580. O autor dos famoso poema épico Os Lusíadas  é tamén un bo sonetista coma podedes comprobar:

Amor é fogo que arde sem se ver;
É ferida que dói e não se sente;
É um contentamento descontente
É dor que desatina sem doer;

É um não querer mais que bem querer;
É solitário andar por entre a gente;
É nunca contentar-se de contente;
É cuidar que se ganha em se perder;

É querer estar preso por vontade;
É servir a quem vence, o vencedor;
É ter com quem nos mata lealdade.

Mas como causar pode seu favor
Nos corações humanos amizade,
Se tão contrário a si é o mesmo amor?

 Camões

Por certo, non vos lembra a outro famoso soneto? Quizais, a un de Lope de Vega? Ambos os dous tentan describir o amor e ambos os dous o describen coma un sentimento contraditorio, un utilizando os paradoxos e outro as antíteses... Os dous beben na fonte do petrarquismo.