Descubre al traductor

Descubre al traductor é unha campaña do Observatorio de la Lectura y el Libro para celebrar o Día Internacional da Tradución (30 de setembro).

Para saber máis:

• 30 de septiembre, Día Internacional de la Traducción en Observatorio de la Lectura y el Libro.
• Día Internacional da Tradución no Portal da Lingua Galega.

Chamando á terra

Coñecemos a través do blogue Rede Lectura  o comezo das emisións dun novo programa dedicado aos libros na Radio Galega: Chamando á terra.

Por certo, o programa está presentado pola xornalista e escritora María Solar.

Aprender a pensar coa biblioteca escolar

"Aprender a pensar coa biblioteca escolar" é o lema escollido para os materiais que a Consellería de Cultura, Educación e Ordenación Universitaria edita a comezos deste curso con destino ás bibliotecas escolares dos centros educativos galegos. 

Deixámosvos o cartel que, este curso, foi elaborado polo ilustrador Xosé Tomás.

Onde o mundo se chama biblioteca

Un curso máis volvemos a "abrir" este blogue para contarvos as novidades e outros eventos deste lugar onde o mundo se chama biblioteca.

Fairy tales de Mary Gow

Benvidos e benvidas!

Agardámosvos onde o mundo se chama biblioteca!

Feliz verán

E toca despedirnos e desexarvos un feliz verán cheo de bos momentos e moitas lecturas. Este ano eliximos un cadro do pintor danés Carl Frederik Aagaard e un poema de Avilés de Taramancos.

Amalfi de Carl Frederik Aagaard

Se solto a voz no mar, volve-se ceive,
medra no vento, e vén
desde unha hora antiga, ainda diáfana,
traendo a miña voz doutras idades.
O ámbito é permanente:
Fica ese eco do cantar da ria
e o renxer do velámio da goleta.
Estou a ollar do fenestral que sempre
se me abre nos ollos cando amo,
vexo xente pasar, a miña xente:
O mariñeiro co liñó na man,
meu pai no paquebote
—ese castelo que por sempre cruza
polo meu corazón como unha auséncia—.
Está presente o mar e estou presente,
algo non limitado nos aferra:
No mar doutro confin teño bicado
a mesma onda que me bica agora
e manseliñamente
escáncio a dor que me feriu daquela.
Conversamos.
E brinco de rapaz pola ribeira.

Avilés de Taramancos, As torres no ar

Roteiro Valle-Inclán

E agora que xa estamos no verán queremos continuar lembrando a Valle-Inclán cun roteiro virtual que nos levará por algúns dos lugares da Ría de Arousa nos que ambientou parte da súa obra.

Charla-coloquio con Francisco Castro: dedicatoria do libro a Paula

O outro día puidestes ler a crónica da charla-coloquio de Francisco Castro escrita por Nerea, pois ben, hoxe queremos deixarvos unha foto moi especial que chegou a nós grazas a Paula, a quen está dedicado este exemplar de Tes ata as dez... Unha novela na que, por certo, tamén aparecen Verne e Vigo.

Mil grazas a Paula e Nerea por compartir con nós esta xornada tan especial!